സൂപ്പർ ഹിറ്റായി ദുൽഖർ സൽമാൻ അവതരിപ്പിക്കുന്ന ഉപചാരപൂർവം ഗുണ്ട ജയൻ ട്രൈലെർ…

മലയാളത്തിലെ പ്രശസ്ത നടന്മാരിൽ ഒരാളായ സൈജു കുറുപ്പിന്റെ നൂറാം ചിത്രം റിലീസിന് ഒരുങ്ങുകയാണ്. അരുൺ വൈഗ സംവിധാനം ചെയ്ത ഉപചാരപൂർവം ഗുണ്ട ജയൻ എന്ന ഈ ചിത്രം വരുന്ന ഫെബ്രുവരി ഇരുപത്തിയഞ്ചിന് ആണ് റിലീസ് ചെയ്യുന്നത്. സംവിധായകൻ തന്നെ കഥ രചിച്ച ഈ ചിത്രത്തിന് തിരക്കഥ ഒരുക്കിയത് രാജേഷ് വർമ്മയാണ്. ഇതിന്റെ ട്രൈലെർ കുറച്ചു ദിവസം മുൻപ് റിലീസ് ചെയ്യുകയും വളരെ വലിയ പ്രേക്ഷക പ്രശംസ നേടുകയും ചെയ്യുകയാണ്. ഒരു പക്കാ കോമഡി എന്റെർറ്റൈനെർ ആയാണ് ഈ ചിത്രം ഒരുക്കിയിരിക്കുന്നത് എന്ന് ഇതിന്റെ ട്രൈലെർ സൂചിപ്പിക്കുന്നു. ഒരു കല്യാണത്തിന്റെ പശ്‌ചാത്തലത്തിൽ ആണ് ഈ ചിത്രം ഒരുക്കിയിരിക്കുന്നത് എന്നും ഈ ട്രൈലെർ നമ്മുക്ക് കാണിച്ചു തരുന്നു.

യുവ താരം ദുൽഖർ സൽമാൻ ആണ് ഈ ചിത്രം നിർമ്മിച്ചിരിക്കുന്നത്. വേഫെയര്‍ ഫിലിംസിന്റെ ബാനറില്‍ ദുല്‍ഖര്‍ സല്‍മാനും മൈ ഡ്രീംസ് എന്റര്‍ടൈന്‍മെന്റിന്റെ ബാനറില്‍ സെബാബ് ആനിക്കാടും ചേർന്ന് നിർമ്മിച്ച ഈ ചിത്രത്തിൽ സിജു വില്‍സണ്‍, ശബരീഷ് വര്‍മ്മ, ജോണി ആന്റണി, സാബുമോന്‍, സുധീര്‍ കരമന, ജാഫര്‍ ഇടുക്കി, ബിജു സോപാനം, വിജിലേഷ്, ബൈജു എഴുപുന്ന, തട്ടിം മുട്ടിം ഫെയിം സാഗര്‍ സൂര്യ, വൃന്ദ മേനോന്‍, നയന, പാര്‍വതി എന്നിവരും അഭിനയിച്ചിരിക്കുന്നു. ബിജിപാൽ ആണ് ഈ ചിത്രത്തിന്റെ സംഗീത സംവിധായകൻ. കിരൺ ദാസ് എഡിറ്റിംഗ് നിർവഹിച്ചിരിക്കുന്ന ഉപചാരപൂർവം ഗുണ്ട ജയന് കാമറ ചലിപ്പിച്ചത് എൽദോ ഐസക് ആണ്. നടൻ ശബരീഷ് വർമയും ഇതിൽ ഒരു ഗാനം ഈണമിട്ടു പാടിയിട്ടുണ്ട്. ആ ഗാനം സൂപ്പർ ഹിറ്റാണ്.