നാളെ വമ്പൻ റിലീസിന് ഒരുങ്ങി വിശാൽ ചിത്രം; ഗംഭീര പ്രതികരണം നേടി ട്രൈലെർ..!

തമിഴ് സൂപ്പർ താരം വിശാൽ നായകനായി എത്തുന്ന വമ്പൻ ചിത്രമാണ് എനിമി. വിശാലിന് ഒപ്പം മറ്റൊരു താരമായ ആര്യയും തുല്യ പ്രാധാന്യമുള്ള വേഷത്തിലെത്തുന്ന ഈ ആക്ഷൻ ചിത്രം നാളെ, ദീപാവലി റിലീസ് ആയി ലോകം മുഴുവൻ എത്തുകയാണ്. കേരളത്തിലും വമ്പൻ റിലീസ് ആയാണ് ഈ ചിത്രം എത്തുന്നത്. സൂപ്പർ സ്റ്റാർ രജനികാന്തിന്റെ അണ്ണാതെയോട് മത്സരിച്ചു കൊണ്ടാണ് നാളെ ഈ ചിത്രം പ്രേക്ഷകരുടെ മുന്നിൽ എത്തുന്നത്. അവൻ ഇവൻ എന്ന ചിത്രത്തിന് ശേഷം വിശാൽ- ആര്യ ടീം ഒരുമിച്ചു എത്തുന്ന എനിമിയുടെ ടീസറും അതുപോലെ അടുത്തിടെ റിലീസ് ചെയ്ത ട്രെയ്‌ലറും വമ്പൻ ഹിറ്റായി മാറിയിട്ടുണ്ട്. വമ്പൻ പ്രേക്ഷക ശ്രദ്ധയാണ് ഈ മാസ്സ് ആക്ഷൻ ചിത്രത്തിന്റെ ട്രൈലെർ നേടിയെടുത്തത്. സൂപ്പർ ഹിറ്റുകൾ ഒരുക്കിയ സംവിധായകൻ ആനന്ദ് ശങ്കർ സംവിധാനം ചെയ്ത ഈ ചിത്രം നിർമ്മിച്ചിരിക്കുന്നത് മിനി സ്റ്റുഡിയോയുടെ ബാനറിൽ എസ് വിനോദ് കുമാർ ആണ്. ആനന്ദ് ശങ്കർ തന്നെയാണ് ഈ ചിത്രം രചിച്ചിരിക്കുന്നതും.

മൃണാളിനി രവി, മമത മോഹൻദാസ്, തമ്പി രാമയ്യ, പ്രകാശ് രാജ്, കരുണാകരൻ എന്നിവരും അഭിനയിച്ചിരിക്കുന്ന ഈ ചിത്രത്തിന് ക്യാമറ ചലിപ്പിച്ചിരിക്കുന്നതു ആർ ഡി രാജേശഖരനും ഇതിലെ ഗാനങ്ങൾക്ക് ഈണം പകർന്നത് ഈസ് തമനും ആണ്. സാം എസി എസ് പശ്ചാത്തല സംഗീതമൊരുക്കിയ ഈ ചിത്രം എഡിറ്റ് ചെയ്തിരിക്കുന്നത് റെയ്മണ്ട് ഡെറിക് ക്രസ്റ്റാ ആണ്. ഹോളിവുഡ് ചിത്രങ്ങളെ അനുസ്മരിപ്പിക്കുന്ന രീതിയിൽ ആണ് ഇതിലെ ആക്ഷൻ രംഗങ്ങൾ ഒരുക്കിയിരിക്കുന്നത് എന്നാണ് സൂചന. സിംഗപ്പൂരിന്റെ പശ്ചാത്തലത്തിൽ ആണ് ഈ ചിത്രത്തിന്റെ കഥ പറഞ്ഞിരിക്കുന്നത്.