സഖാവ് ജീവൻ ലാൽ ആയി വെങ്കി; ലവ്ഫുള്ളി യുവേഴ്സ് വേദ ക്യാരക്ടർ ടീസർ കാണാം

യുവ താരം ശ്രീനാഥ് ഭാസി, പ്രശസ്ത നായികാ താരം രജീഷ വിജയൻ എന്നിവർ പ്രധാന വേഷങ്ങൾ ചെയ്ത് പ്രേക്ഷകരുടെ മുന്നിലെത്താൻ പോകുന്ന ചിത്രമാണ് ലവ്ഫുള്ളി യുവേഴ്സ് വേദ. ഇപ്പോഴിതാ ഈ ചിത്രത്തിലെ ഒരു കാരക്ടർ ടീസർ റിലീസ് ചെയ്തിരിക്കുകയാണ്. യുവ നടൻ വെങ്കി അവതരിപ്പിക്കുന്ന സഖാവ് ജീവൻ ലാൽ എന്ന കഥാപാത്രത്തിന്റെ ടീസർ ആണ് ഇപ്പോൾ വന്നിരിക്കുന്നത്. കിടിലൻ ലുക്കിലാണ് വെങ്കി ഈ സിനിമയിൽ പ്രത്യക്ഷപ്പെടുന്നത്. ഒരു ക്യാമ്പസ് ചിത്രമായി ഒരുക്കിയിരിക്കുന്ന ലവ് ഫുള്ളി യുവേഴ്സ് വേദ സംവിധാനം ചെയ്തിരിക്കുന്നത് പ്രഗീഷ് സുകുമാരനാണ്. കോളേജ് രാഷ്ട്രീയം, പ്രണയം, ആക്ഷൻ എന്നിവയെല്ലാം കടന്നു വരുന്ന ഒരു ചിത്രമായാണ് ഇത് ഒരുക്കിയിരിക്കുന്നതെന്നാണ് സൂചന. ബാബു വാലത്തൂർ രചിച്ച ഈ ചിത്രം, ആർ 2 എന്റർടൈൻമെൻറ്സിന്റെ ബാനറിൽ നിർമ്മിച്ചിരിക്കുന്നത് രാധാകൃഷ്ണൻ ഖാലയിൽ, റുവിൻ വിശ്വം എന്നിവർ ചേർന്നാണ്.

മേല്പറഞ്ഞവർ കൂടാതെ ശ്രുതി ജയൻ, ഗൗതം വാസുദേവ് മേനോൻ, അനിഖ സുരേന്ദ്രൻ, ചന്ദുനാഥ്, അപ്പാനി ശരത്, നിജില കെ ബേബി, മനോജ് പയ്യന്നൂർ, ഷാജു ശ്രീധർ എന്നിവരും വേഷമിട്ട ഈ ചിത്രത്തിന് ടോബിൻ തോമസ് കാമറ ചലിപ്പിച്ചപ്പോൾ, ഈ ചിത്രം എഡിറ്റ് ചെയ്തത് സോബിൻ സോമനാണ്. ഫെബ്രുവരിയിൽ റിലീസ് ചെയ്യാൻ പോകുന്ന ഈ ചിത്രത്തിലെ വീഡിയോ ഗാനം അടുത്തിടെ റിലീസ് ചെയ്തിരുന്നു. അങ്ങനെ ചെയ്യാമോടീ പെണ്ണെ എന്ന വരികളോടെ തുടങ്ങുന്ന ഈ ഗാനത്തിന് വരികൾ രചിച്ചത് ധന്യ സുരേഷും, ഈ ഗാനം ആലപിച്ചിരിക്കുന്നത് പ്രസീദ ചാലക്കുടി, വിപിൻ സേവ്യർ എന്നിവർ ചേർന്നുമാണ്. രാഹുൽ രാജ് ആണ് ഈ ചിത്രത്തിന്റെ സംഗീത സംവിധായകൻ.