ട്രയാംഗിൾ- എ ഫ്‌ളവർ സ്റ്റോറി; വലിയ പ്രേക്ഷക ശ്രദ്ധ നേടി ഒരു ഹൃസ്വ ചിത്രം കൂടി..!

യൂട്യൂബിൽ റിലീസ് ചെയ്ത ഒരു ഹൃസ്വ ചിത്രം കൂടി ഇപ്പോൾ ഇപ്പോൾ മലയാളി പ്രേക്ഷകർ ഏറ്റെടുക്കുകയാണ്. ട്രയാംഗിൾ- എ ഫ്‌ളവർ സ്റ്റോറി എന്ന പേരിൽ റിലീസ് ചെയ്തിരിക്കുന്ന ഈ ചിത്രം ഈ കഴിഞ്ഞ ജനുവരി ഇരുപത്തിയേഴിനു ആണ് പുറത്തു വന്നത്. ഇതിനോടകം ആറു ലക്ഷത്തിലധികം കാഴ്ചക്കാരെയാണ് ഈ ഹൃസ്വ ചിത്രം നേടിയെടുത്തത്. ആഷിക് അശോകൻ, അശ്വതി നായർ, മക്ബൂൽ സൽമാൻ, സന്ജ സോമനാഥ്, സാനിഫ്, കെ ജയകൃഷ്ണൻ, ആൻസു മരിയ എന്നിവരാണ് ഈ ഹൃസ്വ ചിത്രത്തിലെ വിവിധ കഥാപാത്രങ്ങൾക്ക് ജീവൻ പകർന്നിരിക്കുന്നത്. ഷാജൻ ജോസ് നിർമ്മിച്ച ഈ ഹൃസ്വ ചിത്രം രചിച്ചു സംവിധാനം ചെയ്തിരിക്കുന്നത് മിഥുൻ ബോസ് ആണ്. വിബിൻ വിശ്വനാഥ് ആണ് ഇതിന്റെ കഥ രചിച്ചിരിക്കുന്നത്.

റിയാസ് ശരീഫ് ക്യാമറ ചലിപ്പിച്ചിരിക്കുന്ന ഈ ചിത്രത്തിന് സംഗീതം പകർന്നിരിക്കുന്നത് അരുൺ രാജ് ആണ്. സനൽ രാജ് ആണ് ഈ ഹൃസ്വ ചിത്രം എഡിറ്റ് ചെയ്തിരിക്കുന്നത്. സന്ദീപ് സുധ വരികൾ എഴുതിയപ്പോൾ ഇതിലെ ഗാനം ആലപിച്ചിരിക്കുന്നത് അർജുൻ ഉണ്ണികൃഷ്ണൻ ആണ്. ഒരു ത്രികോണ പ്രണയ കഥ പറയുന്ന ഈ ചിത്രം വൈകാരികമായ ഒട്ടേറെ രംഗങ്ങൾകൊണ്ട് സമൃദ്ധമാണ്. പ്രണയവും വേർപിരിയലും പ്രണയിച്ച ആളെ എന്നെന്നേക്കുമായി നഷ്ട്ടപെട്ടതിന്റെ വേദനയുമെല്ലാം വളരെ മനോഹരമായി ഈ ചിത്രത്തിലൂടെ സംവിധായകൻ അവതരിപ്പിക്കുന്നുണ്ട്. വ്യത്യസ്തമായ ഒരു കഥയ്ക്ക് മികച്ച രീതിയിൽ സാങ്കേതിക പൂർണ്ണതയോടെ ദൃശ്യ ഭാഷ ഒരുക്കാൻ സംവിധായകന് സാധിച്ചിട്ടുണ്ട്. എസ് ജെ വിഷ്വൽ മീഡിയ എന്ന യൂട്യൂബ് ചാനലിൽ ആണ് ഈ ഹൃസ്വ ചിത്രം റിലീസ് ചെയ്തിരിക്കുന്നത്.