വിശ്വവിഖ്യാതരായ പയ്യന്മാർ ഒക്ടോബർ 27 മുതൽ; ട്രൈലെർ ശ്രദ്ധ നേടുന്നു.

രാജേഷ് കണ്ണങ്കര സംവിധാനം ചെയ്ത വിശ്വവിഖ്യാതരായ പയ്യന്മാർ എന്ന മലയാള ചിത്രത്തിന്റെ ട്രൈലെർ കഴിഞ്ഞ ദിവസം റിലീസ് ചെയ്തിരുന്നു. മികച്ച പ്രേക്ഷകാഭിപ്രായമാണ് ഈ കൊച്ചു ചിത്രത്തിന്റെ ട്രൈലെർ നേടി എടുക്കുന്നത്. ദീപക് പറമ്പോൽ നായകൻ ആയി എത്തുന്ന ഈ ചിത്രം ഈ വരുന്ന ഒക്ടോബർ 27 നു കേരളത്തിൽ പ്രദർശനത്തിന് എത്തുമെന്നാണ് ഇപ്പോൾ ലഭിക്കുന്ന വിവരം.

സംവിധായകൻ തന്നെ തിരക്കഥ രചിച്ചിരിക്കുന്ന ഈ ചിത്രം നിർമ്മിച്ചിരിക്കുന്നത് റെജിമോൻ കപ്പപ്പറമ്പിൽ ആണ്. ദീപക്കിനോപ്പം ലീമ ബാബു, അജു വർഗീസ്, ഭഗത് മാനുവൽ, ഹാരിഷ് കണാരൻ, ശശി കലിംഗ, സുധി കോപ്പ, മനോജ് കെ ജയൻ, സുനിൽ സുഗത, ദേവൻ എന്നിവരും ഈ ചിത്രത്തിൽ പ്രധാന വേഷങ്ങൾ അവതരിപ്പിച്ചിരിക്കുന്നു.

ഒരു കോമഡി എന്റെർറ്റൈനെർ ആയി ഒരുക്കിയിരിക്കുന്ന ഈ ചിത്രത്തിന് വേണ്ടി സംഗീതം നൽകിയിരിക്കുന്നത് വിശാൽ അരുൺ റാം , സന്തോഷ് വർമ്മ എന്നിവർ ചേർന്നാണ്. ആനന്ദ് മധുസൂദനൻ ആണ് ഈ ചിത്രത്തിന്റെ പശ്ചാത്തല സംഗീതം ഒരുക്കിയിരിക്കുന്നത്. പ്രശാന്ത് കൃഷ്ണ ദൃശ്യങ്ങൾ ഒരുക്കിയിരിക്കുന്ന ഈ ചിത്രം എഡിറ്റ് ചെയ്തിരിക്കുന്നത് വി സാജൻ ആണ്. വി ദിലീപ് ആണ് ഈ കോമഡി ചിത്രത്തിന്റെ കഥ രചിച്ചിരിക്കുന്നത്. കീർത്തന മൂവീസിന്റെ ബാനറിൽ ആണ് വിശ്വവിഖ്യാതരായ പയ്യന്മാർ റെജിമോൻ നിർമ്മിച്ചിരിക്കുന്നത്.

നെൽസൺ, കലാശാല ബാബു, ബാലചന്ദ്രൻ ചുള്ളിക്കാട്, ജി കെ പിള്ള, ലക്ഷ്മി, വൈഗ, നെടുമ്പ്രം ഗോപി, കോഴിക്കോട് നാരായണൻ നായർ എന്നിവരും ഈ ചിത്രത്തിൽ അഭിനയിച്ചിട്ടുണ്ട്. ജിത്തു സെബാസ്റ്റ്യൻ ആണ് ചിത്രത്തിന് വേണ്ടി കലാസംവിധാനം നിർവഹിച്ചിരിക്കുന്നത്.