ഇത് അമേരിക്കയോ യൂറോപ്പോ അല്ല ഭാരതമാണ്’, അര്‍ണബിനെ ഓര്‍മിപ്പിച്ച് ടോവിനോ; നാരദൻ ട്രൈലെർ കാണാം..!

സൂപ്പർ ഹിറ്റായ മായാനദിക്ക് ശേഷം ആഷിഖ് അബു – ടോവിനോ തോമസ് കൂട്ടുകെട്ടില്‍ ഒരുങ്ങിയ പുതിയ ചിത്രമാണ് നാരദൻ. ഉണ്ണി ആർ തിരക്കഥയും സംഭാഷണവും രചിച്ച ഈ ചിത്രം അടുത്ത വർഷം ജനുവരി ഇരുപത്തിയേഴിനു ആണ് റിലീസ് ചെയ്യാൻ പോകുന്നത്. ഇപ്പോഴിതാ നാരദന്റെ ട്രൈലെർ ആണ് സോഷ്യൽ മീഡിയയിൽ ചർച്ച വിഷയം ആകുന്നതു. സമകാലിക ഇന്ത്യയിലെ മാധ്യമ ലോകത്തെ അടിസ്ഥാനമാക്കിയാണ് ഈ ചിത്രം ഒരുക്കിയിരിക്കുന്നത് എന്നാണ് ഇതിന്റെ ട്രൈലെർ നമ്മളോട് പറയുന്നത്. പല രീതിയിൽ ആണ് ഈ ട്രൈലെർ ചർച്ച ആവുന്നത്. ഇതിലെ ടോവിനോ തോമസ് അവതരിപ്പിക്കുന്ന കഥാപാത്രം പ്രശസ്ത ടെലിവിഷൻ ന്യൂസ് റീഡർ ആയ അർണാബ് ഗോസ്വാമിയെ അനുസ്മരിപ്പിക്കുന്ന ഒന്നാണ് എന്ന് ചിലർ പറയുമ്പോൾ, ഇതിൽ ടോവിനോ തോമസ് ഇരട്ട വേഷത്തിലാണോ എത്തുന്നത് എന്ന സംശയങ്ങളും ചിലർ പ്രകടിപ്പിക്കുന്നുണ്ട്. രണ്ട് വ്യത്യസ്ത ഗെറ്റപ്പുകളിലാണ് ടോവിനോ ഈ ട്രെയ്ലറിൽ എത്തുന്നത്.

ഒരു പൊളിറ്റിക്കല്‍ ത്രില്ലറിന്റെ സ്വഭാവമുള്ള ചിത്രമായിരിക്കും ഇതെന്ന സൂചനയും ലഭിക്കുന്നുണ്ട്. അന്ന ബെന്‍ നായികാ വേഷത്തിൽ എത്തുന്ന ഈ ചിത്രത്തിൽ ഷറഫുദ്ദീന്‍, ഇന്ദ്രന്‍സ്, ജാഫര്‍ ഇടുക്കി, വിജയ രാഘവന്‍, ജോയ് മാത്യു, രണ്‍ജി പണിക്കര്‍, രഘുനാഥ് പാലേരി, ജയരാജ് വാര്യര്‍ തുടങ്ങി വന്‍താരനിരയാണ് അണിനിരക്കുന്നത്. സന്തോഷ് കുരുവിളയും റിമാ കല്ലിങ്കലും ആഷിഖ് അബുവും ചേർന്ന് നിർമ്മിച്ചിരിക്കുന്ന ഈ ചിത്രത്തിന് ക്യാമറ ചലിപ്പിച്ചിരിക്കുന്നതു ജാഫർ സാദിക്കും എഡിറ്റ് ചെയ്തിരിക്കുന്നത് സൈജു ശ്രീധരനുമാണ്. ഡി.ജെ ശേഖര്‍ മേനോനും നേഹയും യാക്സണ്‍ പെരേരയും ചേർന്നാണ് ഈ ചിത്രത്തിന്റെ സംഗീത വിഭാഗം കൈകാര്യം ചെയ്തിരിക്കുന്നത്.