ദളപതി വിജയ് നായകനായി എത്തുന്ന ഏറ്റവും പുതിയ ചിത്രമായ വാരിസിലെ രണ്ടാം ഗാനം ഇന്ന് റിലീസ് ചെയ്തു. തമിഴ് സൂപ്പർ താരങ്ങളിൽ ഒരാളായ സിമ്പു ആലപിച്ച ഈ ഈ ഗാനത്തിന് ഈണം പകർന്നിരിക്കുന്നത് തെലുങ്ക് സംഗീത സംവിധായകനായ തമൻ എസ് ആണ്. ആരാധകരെ ആവേശം കൊള്ളിക്കുന്ന തീ ദളപതി എന്ന ഈ ഗാനത്തിന് വരികൾ രചിച്ചത് വിവേകാണ്. നേരത്തെ ഈ ചിത്രത്തിലെ രെഞ്ജിതമേ എന്നൊരു ഗാനവും റിലീസ് ചെയ്തിരുന്നു. ദളപതി വിജയ് ആലപിച്ച ആ ഗാനം സൂപ്പർ ഹിറ്റായി മാറി. ദളപതിയുടെ നൃത്ത ചുവടുകൾ ഉൾപ്പെടെയാണ് ആ ഗാനത്തിന്റെ ലിറിക് വീഡിയോ പുറത്ത് വിട്ടത്. ഏതായാലും തീയേറ്ററുകളിൽ വമ്പൻ ഓളം ഉണ്ടാക്കാൻ പോകുന്ന ഗാനമായിരിക്കും ഇപ്പോൾ പുറത്ത് വന്നിരിക്കുന്ന, സിമ്പു പാടിയ ഗാനമെന്നാണ് സോഷ്യൽ മീഡിയ പ്രതികരണങ്ങൾ സൂചിപ്പിക്കുന്നത്. ഈ വരുന്ന ജനുവരിയിൽ പൊങ്കൽ റിലീസായാണ് വാരിസ് പ്രേക്ഷകരുടെ മുന്നിലെത്തുക.
ദേശീയ അവാർഡ് നേടിയ മഹർഷി എന്ന മഹേഷ് ബാബു ചിത്രമുൾപ്പെടെ സംവിധാനം ചെയ്ത വംശിയാണ് വാരിസ് ഒരുക്കുന്നത്. തമിഴിലും തെലുങ്കിലുമായി ഒരുക്കുന്ന ഈ ചിത്രത്തിലെ നായികാ വേഷം ചെയ്യുന്നത് രശ്മിക മന്ദാനയാണ്. ശ്രീ വെങ്കടേശ്വര ക്രിയേഷന്സിന്റെ ബാനറില് ദില് രാജുവും ശിരീഷും ചേർന്ന് നിർമ്മിക്കുന്ന ഈ ചിത്രത്തിൽ ദളപതി വിജയ്, രശ്മിക മന്ദാന എന്നിവർ കൂടാതെ ശരത് കുമാര്, പ്രകാശ് രാജ്, ശ്യാം, പ്രഭു, ജയസുധ, ശ്രീകാന്ത്, ഖുശ്ബു, സംഗീത കൃഷ്ണ തുടങ്ങിയവരും അഭിനയിക്കുന്നുണ്ട്. ഈ ചിത്രത്തിന് ക്യാമറ ചലിപ്പിച്ചത് കാർത്തിക് പളനിയും എഡിറ്റ് ചെയ്യുന്നത് പ്രവീൺ കെ എല്ലുമാണ്.
ദിൻജിത് അയ്യത്താൻ സംവിധാനം ചെയ്ത കിഷ്കിന്ധാ കാണ്ഡം എന്ന ചിത്രം ഗംഭീര വിജയം നേടി മുന്നേറുമ്പോൾ ഇതിലെ പ്രധാന കഥാപാത്രങ്ങളെ…
അജയന്റെ രണ്ടാം മോഷണം എന്ന ബ്ലോക്ക്ബസ്റ്റർ ചിത്രത്തിലൂടെ മലയാളത്തിന്റെ യുവതലമുറയിലെ സൂപ്പർതാര നിരയിലേക്ക് ഉയർന്നിരിക്കുകയാണ് ടോവിനോ തോമസ്. ജിതിൻ ലാൽ…
ഫഹദ് ഫാസിൽ, കുഞ്ചാക്കോ ബോബൻ എന്നിവരെ നായകന്മാരാക്കി അമൽ നീരദ് ഒരുക്കിയ ഏറ്റവും പുതിയ ചിത്രമാണ് ബൊഗൈൻവില്ല. ഒക്ടോബർ പത്തിന്…
യുവതാരം ആസിഫ് അലിയെ നായകനാക്കി രോഹിത് വി എസ് ഒരുക്കുന്ന ടിക്കി ടാക്ക എന്ന ചിത്രത്തിന്റെ ഷൂട്ടിംഗ് പുനരാരംഭിക്കുന്നു. കള,…
കഴിഞ്ഞ കുറച്ചു ദിവസങ്ങളായി സോഷ്യൽ മീഡിയയിൽ പ്രചരിക്കുന്ന ഒരു വാർത്തയാണ് മോഹൻലാലിനെ നായകനാക്കി പൃഥ്വിരാജ് സുകുമാരൻ ഒരുക്കുന്ന എമ്പുരാൻ എന്ന…
ഇത്തവണ ഓണം റിലീസായി 4 ചിത്രങ്ങളാണ് പ്രധാനമായും പ്രേക്ഷകരുടെ മുന്നിലെത്തിയത്. നവാഗതനായ ജിതിൻ ലാൽ ഒരുക്കിയ അജയന്റെ രണ്ടാം മോഷണം,…
This website uses cookies.