വ്യത്യസ്ഥമായ ടീസറുമായി ടൊവിനോ തോമസിന്‍റെ തരംഗം

ടൊവിനോ തോമസിനെ നായകനാക്കി നവാഗതനായ ഡൊമനിക്ക് അരുണ്‍ സംവിധാനം ചെയ്യുന്ന ചിത്രമാണ് തരംഗം. ഷൂട്ടിങ്ങ് വേളയിലേ ചിത്രത്തിന് ഏറെ പബ്ലിസിറ്റി ലഭിച്ചിരുന്നു. തമിഴ് സൂപ്പര്‍ താരം ധനുഷ് ആദ്യമായി നിര്‍മ്മിക്കുന്ന മലയാള സിനിമ എന്നത് തന്നെയായിരുന്നു തരംഗത്തിനെ വാര്‍ത്തകളില്‍ നിറച്ചത്.

വ്യത്യസ്ഥമായൊരു ടീസറാണ് തരംഗത്തിന് വേണ്ടി ഒരുങ്ങുന്നതെന്ന് കഴിഞ്ഞ ദിവസം ഞങ്ങള്‍ റിപ്പോര്‍ട് ചെയ്തിരുന്നു. സ്ഥിരം ശൈലില്‍ നിന്ന്‍ മാറി വിഷ്വലിന് പകരം സൌണ്ടിന് പ്രധാന്യം നല്‍കിയാണ് തരംഗം ടീസര്‍ എത്തിയത്.

മലയാളത്തിലെ പ്രശസ്ഥമായ പല ഡയലോഗുകളും രസകരമായി കൂട്ടിയിണക്കിയാണ് തരംഗം ടീസര്‍ എത്തിയത്.

ടോവിനോ തോമസിന് ഒപ്പം ബാലു വര്‍ഘീസ്, വിജയ രാഘവന്‍, ഷമ്മി തിലകന്‍, അലന്‍സിയര്‍, സൈജു കുറുപ്പ്, ദിലീഷ് പോത്തന്‍ തുടങ്ങിയവരും സിനിമയില്‍ വേഷമിടുന്നു.