സൂപ്പർ സ്റ്റാർ സുരേഷ് ഗോപി നായകനായി എത്തുന്ന പുതിയ ചിത്രത്തിന്റെ മോഷൻ പോസ്റ്റർ ഇന്ന് വൈകുന്നേരം ആറ് മണിക്ക് റിലീസ് ചെയ്തു. മലയാളത്തിലെ സൂപ്പർ താരങ്ങളായ മോഹൻലാൽ, മമ്മൂട്ടി, ജനപ്രിയ നായകൻ ദിലീപ്, യുവ താരങ്ങളായ നിവിൻ പോളി, ദുൽഖർ സൽമാൻ, ആസിഫ് അലി എന്നിവരുടെ ഒഫീഷ്യൽ സോഷ്യൽ മീഡിയ പേജുകളിലൂടെയാണ് ഈ മോഷൻ പോസ്റ്റർ പുറത്തു വന്നത്. നവാഗതനായ മാത്യൂസ് തോമസ് സംവിധാനം ചെയ്യാൻ പോകുന്ന ഈ ചിത്രത്തിലെ സുരേഷ് ഗോപിയുടെ ലുക്ക് നേരത്തെ തന്നെ സോഷ്യൽ മീഡിയ കീഴടക്കിയിരുന്നു. കടുവാക്കുന്നേൽ കുറുവച്ചൻ എന്ന മാസ്സ് അച്ചായൻ കഥാപാത്രമായി ഈ ചിത്രത്തിലൂടെ സുരേഷ് ഗോപിയെത്താനൊരുങ്ങുമ്പോൾ തൊണ്ണൂറുകളിൽ നമ്മൾ കണ്ട ചരിത്രം ഒരിക്കൽ കൂടി ആവർത്തിക്കുമെന്ന പ്രതീക്ഷയിലാണ് സുരേഷ് ഗോപി ആരാധകരും സിനിമാ പ്രേമികളും. തൊണ്ണൂറുകളിൽ മാസ്സ് കഥാപാത്രങ്ങളുടെ വിസ്ഫോടനം സൃഷ്ടിച്ച സുരേഷ് ഗോപി ലേലം പോലത്തെ ചിത്രങ്ങളിൽ അച്ചായൻ കഥാപാത്രമായി പൂണ്ടു വിളയാടിയിരുന്നു. അതേ ശൈലിയിലുള്ള ഒരു ചിത്രമായാവും ഈ സുരേഷ് ഗോപി- മാത്യൂസ് തോമസ് ചിത്രവുമെന്നു അണിയറ പ്രവർത്തകർ പറയുമ്പോൾ പ്രതീക്ഷകൾ വാനോളമാണ്.
മോഹൻലാലിന്റെ മാസ്സ് ബ്ലോക്ക്ബസ്റ്റർ പുലി മുരുകനും ദിലീപിന്റെ വമ്പൻ ഹിറ്റ് ചിത്രം രാമലീലയും നിർമ്മിച്ച ടോമിച്ചൻ മുളകുപാടം നിർമ്മിക്കുന്ന ഈ ബിഗ് ബജറ്റ് ചിത്രത്തിലെ നായികാ വേഷം ചെയ്യുന്നത് ഒരു ബോളിവുഡ് നടിയായിരിക്കും. അതുപോലെ അർജുൻ റെഡ്ഢി എന്ന ബ്ലോക്ക്ബസ്റ്റർ തെലുങ്ക് ചിത്രത്തിന്റെ കിടിലൻ പശ്ചാത്തല സംഗീതത്തിലൂടെ ഇന്ത്യ മുഴുവൻ പ്രശസ്തനായ ഹർഷവർദ്ധൻ രാമേശ്വർ ഈ ചിത്രത്തിന്റെ സംഗീത സംവിധായകനായി എത്തുന്നു എന്നതും പ്രേക്ഷകരിൽ ആവേശം ജനിപ്പിക്കുന്നുണ്ട്. ഒപ്പം ഇന്ന് പുറത്തു വന്ന ഫസ്റ്റ് ലുക്ക് പോസ്റ്ററും മോഷൻ പോസ്റ്ററും ഗംഭീര പ്രതികരണം കൂടി നേടിയതോടെ മലയാളത്തിന്റെ ആക്ഷൻ സൂപ്പർ സ്റ്റാറിന്റെ സംഭവബഹുലമായ തിരിച്ചു വരവിനു കളമൊരുങ്ങിക്കഴിഞ്ഞു. ഷിബിൻ ഫ്രാൻസിസാണ് ഈ ചിത്രത്തിന്റെ രചന നിർവഹിക്കുന്നത്.
മെഗാസ്റ്റാർ മമ്മൂട്ടി നായകനായെത്തുന്ന മാസ്സ് ആക്ഷൻ കോമഡി ചിത്രം 'ടർബോ'യുടെ ബുക്കിങ്ങ് ആരംഭിച്ചു. ലോകമെമ്പാടും ചിത്രത്തിന്റെ ബുക്കിങ്ങ് അതിവേഗത്തിലാണ് നടക്കുന്നത്. നിമിഷനേരം…
"മഞ്ഞുമ്മൽ ബോയ്സ്" നിർമ്മാതാക്കൾക്കെതിരായ ക്രിമിനൽ നടപടികൾക്ക് കോടതിയുടെ സ്റ്റേ. സൗബിൻ്റെ പിതാവ് സമർപ്പിച്ച ഹർജിയിലാണ് കോടതിയുടെ ഇടക്കാല ഉത്തരവ്. കേസിലെ…
മെഗാസ്റ്റാർ മമ്മൂട്ടി നായകനായെത്തുന്ന മാസ്സ് ആക്ഷൻ കോമഡി ചിത്രം 'ടർബോ'യുടെ ട്രെയിലർ റിലീസായി. ദുബായിലെ സിലിക്കോൺ സെൻട്രൽ മാളിൽ വെച്ചാണ് ട്രെയിലർ…
പെരുമാനീലെ കവലയിൽ സ്ഥാപിച്ച നോട്ടീസ് ബോർഡിൽ അപ്രതീക്ഷിതമായ് ഒരു നോട്ടീസ് പ്രത്യക്ഷപ്പെടുന്നു. കലഹങ്ങൾ ഇല്ലാത്ത പെരുമാനി ഗ്രാമത്തിൽ പ്രത്യക്ഷപ്പെട്ട ആ…
വ്യത്യസ്ത ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ സംവിധായകൻ മജു ഒരുക്കിയ ഏറ്റവും പുതിയ ചിത്രമായ പെരുമാനി ഇപ്പോൾ…
ജനപ്രിയ നായകൻ ദിലീപ് കേന്ദ്ര കഥാപാത്രമായ പവി കെയർ ടേക്കർ തീയേറ്ററുകളിൽ വിജയകരമായി പ്രദശനം തുടരുന്നു. റിലീസായി രണ്ടാഴ്ച പിന്നിടുമ്പോഴും…
This website uses cookies.