രണ്ട് ലെജെന്റുകളോടൊപ്പം വേദി പങ്കിടാൻ കഴിഞ്ഞത് തന്റെ ജീവിതത്തിലെ ഏറ്റവും വലിയ ഭാഗ്യം; നന്ദി പറഞ്ഞ് സൂര്യ.. വീഡിയോ കാണാം…

മലയാളത്തിലും നിരവധി ആരാധകരുള്ള താരമാണ് സൂര്യ. കഴിഞ്ഞ ദിവസമാണ് അദ്ദേഹം ‘അമ്മ മഴവിൽ ഷോയിലേക്ക് എത്തുമെന്ന വാർത്തകൾ പുറത്ത് വന്നത്. താൻ ‘അമ്മ നടത്തുന്ന സ്റ്റേജ് ഷോ കാണുവാനായി എത്തുമെന്ന് സൂര്യ പറയുകയുണ്ടായി. പരിപാടികൾ ഗംഭീരമാക്കാനുള്ള ഒരുക്കങ്ങൾ തകൃതിയായി നടക്കവെയാണ് ഇത്തരത്തിൽ ഒരു വാർത്ത താരങ്ങളെ ഉൾപ്പടെ ഞെട്ടിച്ചെത്തിയത്. പിന്നീട് സൂര്യയുടെ വരവിനു കൂടിയുള്ള കാത്തിരിപ്പിലായിരുന്നു മലയാളി പ്രേക്ഷകർ ഏവരും. ഒരാഴ്ചയോളം നീണ്ട നൃത്ത പരിശീലനം പൂർത്തിയാക്കിയ താരങ്ങൾ എല്ലാം തന്നെ കഴിഞ്ഞ ദിവസങ്ങളിൽ തിരുവനന്തപുരത്തേക്ക് തിരിക്കുകയുണ്ടായി. ഇന്നലെ വൈകീട്ടോട് കൂടിയായിരുന്നു പ്രേക്ഷകരെ ഇളക്കി മറിച്ച സ്റ്റേജ് ഷോ അരങ്ങേറിയത്. ചടങ്ങിന് സാക്ഷിയാവനെത്തിയ സൂര്യയെ കാത്ത് ഒരു വലിയ ആരാധക സംഘം തന്നെ ഉണ്ടായിരുന്നു. ‘അമ്മ ഭാരവാഹികൾ ചേർന്ന് സ്വീകരിച്ച സൂര്യയെ ചടങ്ങിലേക്ക് സ്വാഗതം ചെയ്തു.

മോഹൻലാലും മമ്മൂട്ടിയും ഉൾപ്പടെ മലയാളത്തിലെ മുൻനിര താരങ്ങൾ എല്ലാം അണിനിരന്ന സ്റ്റേജ് ഷോ അഞ്ചു മണിക്കൂറോളം നീണ്ടു നിന്നിരുന്നു. പരിപാടിയുടെ ആദ്യാവസാനം ആവേശത്തോടെയാണ് സൂര്യയും പരുപാടി കണ്ടത്. തുടർന്ന് പരുപാടിയിൽ മോഹൻലാലും മമ്മൂട്ടിയും ചേർന്ന് സൂര്യയെ വേദിയിലേക്ക് ക്ഷണിക്കുകയുണ്ടായി. തമിഴിലെ പോലെ തന്നെ മലയാളികളും താങ്കളെ സ്നേഹിക്കുന്നു എന്നും ഒരു ‘അമ്മ മെമ്പർ എന്നനിലയിലും, സൂര്യയെ ഒരുപാട് സ്നേഹിക്കുന്ന ഒരാൾ എന്ന നിലയ്ക്കും വന്നതിന് നന്ദി അറിയിക്കുന്നു എന്ന് മോഹൻലാൽ പറയുകയുണ്ടായി. എന്നാൽ ഇത് തന്റെ ജീവിതത്തിലെ ഏറ്റവും വലിയ ഭാഗ്യമാണ് എന്നാണ് സൂര്യ പറഞ്ഞത്. സിനിമയിലെ രണ്ട് ലെജെന്റുകൾക്കൊപ്പം വേദി പങ്കിടാനാവുക എന്നത് ജീവിതത്തിലെ മറക്കാനാവാത്ത അനുഭവമാണെന്നും സൂര്യ പറഞ്ഞു. മൂവരും തമ്മിലുള്ള സ്റ്റേജിലെ സംഭാഷണങ്ങൾ ആരാധകർക്ക് വലിയ ആവേശമായി മാറി.