ഇതിലും ഗ്ലാമറസ് ഗോസ്റ്റ് സ്വപ്നങ്ങളിൽ മാത്രം; സ്റ്റൈലിഷ് തലൈവി സണ്ണി ലിയോണിയുടെ ഓ മൈ ഗോസ്റ്റ് ടീസർ കാണാം

ബോളിവുഡ് താരസുന്ദരിയായ സണ്ണി ലിയോണി തമിഴിൽ അഭിനയിച്ച ഏറ്റവും പുതിയ ചിത്രമാണ് ഓ മൈ ഗോസ്റ്റ്. ഒരു ഹൊറർ കോമഡി ചിത്രമായി ഒരുക്കിയ ഓ മൈ ഗോസ്റ്റിന്റെ ടീസർ ഇപ്പോൾ സൂപ്പർ ഹിറ്റായി മാറിയിരിക്കുകയാണ്. സണ്ണി ലിയോണിയുടെ ഗ്ലാമർ തന്നെയാണ് ഈ ടീസറിന്റെ ഹൈലൈറ്റ്. കണ്ണഞ്ചിപ്പിക്കുന്ന വേഷവിധാനങ്ങളോടെയാണ് സണ്ണി ലിയോണിയെ ഈ ടീസറിൽ കാണാൻ സാധിക്കുക. ഗ്ലാമർ ലുക്കിന് പുറമെ, കിടിലൻ ആക്ഷനും പഞ്ച് ഡയലോഗുകളും പറയുന്ന സണ്ണി ലിയോണി ആരാധകരെ ആവേശം കൊള്ളിക്കുകയാണ്. സണ്ണി ലിയോണിക്കൊപ്പം സതീഷ്, യോഗി ബാബു, ദർശ ഗുപ്ത, രമേശ് തിലക് എന്നിവരും വേഷമിട്ടിരിക്കുന്ന ഈ ചിത്രം രചിച്ചു സംവിധാനം ചെയ്തിരിക്കുന്നത് ആർ യുവാൻ ആണ്. വി എ യു മീഡിയ എന്റെർറ്റൈന്മെന്റ്സ്, വൈറ്റ് ഹോഴ്സ് സ്റ്റുഡിയോസ് എന്നിവയുടെ ബാനറിൽ ഡി വീരശക്തി, കെ ശശികുമാർ എന്നിവരാണ് ഈ ചിത്രം നിർമ്മിച്ചിരിക്കുന്നത്.

ജാവേദ് റിയാസ് ഗാനങ്ങളൊരുക്കിയ ഈ ചിത്രത്തിന് വേണ്ടി പശ്‌ചാത്തല സംഗീതമൊരുക്കിയത് ധരൻ കുമാറാണ്. ദീപക് ഡി മേനോൻ ഛായാഗ്രഹണം നിർവഹിച്ച ഈ ചിത്രം എഡിറ്റ് ചെയ്തത് അരുൾ ഇ സിദ്ധാർഥാണ്. വോണി മ്യൂസിക്കിന്റെ യൂട്യൂബ് ചാനലിൽ റിലീസ് ചെയ്ത ഈ ടീസർ ഇതിനോടകം ഏഴ് ലക്ഷത്തോളം കാഴ്‌ചക്കാരെ നേടിക്കഴിഞ്ഞു. ഹിന്ദിക്ക് പുറമെ തമിഴ്, തെലുങ്ക്, കന്നഡ, മലയാളം ചിത്രങ്ങളിലും പ്രത്യക്ഷപ്പെടുന്ന സണ്ണി ലിയോണി ഇപ്പോൾ ഇന്ത്യൻ സിനിമയിലെ തന്നെ ഏറ്റവും വിലപിടിപ്പുള്ള ഗ്ലാമർ നായികമാരിലൊരാളാണ്. തമിഴിൽ ഇതിനു മുൻപും അഭിനയിച്ചിട്ടുള്ള സണ്ണി ലിയോണിക്‌ അവിടെ വലിയ ആരാധകവൃന്ദമാണുള്ളത്.