നവാഗതനായ എം സി ജോസെഫ് സംവിധാനം ചെയ്ത വികൃതി എന്ന ചലച്ചിത്രം പ്രേക്ഷകരുടേയും പ്രശസ്ത നിരൂപകരുടേയുമെല്ലാം മുക്തകണ്ഠ പ്രശംസയേറ്റു വാങ്ങി കൊണ്ട് കേരളത്തിലെ തീയേറ്ററുകളിൽ നിറഞ്ഞ സദസ്സിൽ പ്രദർശനം തുടരുകയാണ്. കൊച്ചി മെട്രോയില് കിടന്നുറങ്ങിയത്തിന്റെ പേരിൽ വ്യാജ പ്രചാരണങ്ങൾ നേരിടേണ്ടി വന്ന എല്ദോ എന്ന ബധിരനും മൂകനുമായ കഥാപാത്രത്തിന്റെ ജീവിതം ആണ് വികൃതിയിലൂടെ പ്രേക്ഷകരുടെ മുന്നിൽ എത്തിച്ചിരിക്കുന്നത്. എൽദോയുടെ കഥാപാത്രം ആയി വെള്ളിത്തിരയിൽ സുരാജ് വെഞ്ഞാറമൂട് എത്തുമ്പോൾ എൽദോയുടെ ചിത്രം എടുത്തു വ്യാജ പ്രചാരണം നടത്തിയ കഥാപാത്രം ആയി എത്തിയത് സൗബിൻ ഷാഹിർ ആണ്. ഇപ്പോഴിതാ വികൃതിയുടെ അണിയറ പ്രവർത്തകർ ഇറക്കിയ പുതിയ ടീസർ ഏവരുടെയും ശ്രദ്ധയാകർഷിക്കുകയാണ്. സൗബിന് ഷാഹിറും നായികയായ വിന്സി അലോഷ്യസും ആണ് പുതിയ ടീസറിൽ പ്രത്യക്ഷപ്പെടുന്നത്.
ഈ ചിത്രത്തിന്റെ വിജയം ആഘോഷിച്ചു കൊണ്ടാണ് പുതിയ ടീസർ ഇപ്പോൾ അണിയറ പ്രവർത്തകർ പുറത്തു വിട്ടിരിക്കുന്നത്. അജീഷ് പി തോമസ് തിരക്കഥ രചിച്ച ഈ ചിത്രത്തിൽ സുരാജിന്റെ സംസാരശേഷിയില്ലാത്ത ഭാര്യയായി സുരഭി ലക്ഷ്മിയാണ് അഭിനയിക്കുന്നത്. ഇവരെ കൂടാതെ ബാബുരാജ്, ഭഗത് മാനുവല്, സുധി കോപ്പ, ഇര്ഷാദ്, ജാഫര് ഇടുക്കി, സുധീര് കരമന, മേഘനാഥന്, മാമുക്കോയ, നെബീഷ്, ബിട്ടോ ഡേവീസ്, അനിയപ്പന്, നന്ദകിഷോര്, മറീന മൈക്കിള്, ഗ്രേസി, റിയ, മമിത ബൈജു, പൗളി വത്സന്, ലിസി ജോസ്, ജോളി ചിറയത്ത് തുടങ്ങി വലിയ ഒരു താര നിര തന്നെ ഈ ചിത്രത്തിൽ അണിനിരക്കുന്നുണ്ട്.
ആദ്യ ദിനം തന്നെ ഈ ചിത്രം കാണാൻ അങ്കമാലി സ്വദേശി ആയ എൽദോയും എത്തിയിരുന്നു. ചിത്രവും ചിത്രത്തിലെ സുരാജ് വെഞ്ഞാറമൂടിന് പ്രകടനവും ഏറെ ഇഷ്ട്ടപെട്ടെന്നും എൽദോ പറയുന്നു. ഇവർക്കൊപ്പം പ്രശസ്ത സംവിധായകൻ ആയ ലാൽ ജോസും ഈ ചിത്രത്തെ പ്രശംസിച്ചു സംസാരിച്ചിരുന്നു. എ ഡി ശ്രീകുമാർ, ഗണേഷ് മേനോൻ, ലക്ഷ്മി വാര്യർ എന്നിവർ ചേർന്ന് കട്ട് റ്റു ക്രിയേറ്റ് പിക്ചേഴ്സിന്റെ ബാനെറിൽ നിർമ്മിച്ചിരിക്കുന്ന ഈ ചിത്രത്തിന് വേണ്ടി ദൃശ്യങ്ങൾ ഒരുക്കിയത് പ്രശസ്ത ക്യാമറാമാൻ ആൽബി ആണ്. ബിജിപാൽ സംഗീതം ഒരുക്കിയ വികൃതി എഡിറ്റ് ചെയ്തിരിക്കുന്നത് അയൂബ് ഖാൻ ആണ്.
രഘുനാഥ് പലേരിയുടെ രചനയിൽ ഷാനവാസ് ബാവക്കുട്ടി സംവിധാനം ചെയ്ത ഒരു കട്ടിൽ ഒരു മുറി കഴിഞ്ഞ ദിവസമാണ് പ്രേക്ഷകരുടെ മുന്നിലെത്തിയത്.…
മലയാളത്തിന്റെ മഹാനടൻ മോഹൻലാലിനെ നായകനാക്കി L360 എന്ന് താത്കാലികമായി പേര് നൽകിയിരിക്കുന്ന ചിത്രം ഒരുക്കുകയാണ് പ്രശസ്ത സംവിധായകൻ തരുൺ മൂർത്തി.…
സെക്കന്റ് ഷോ, കൂതറ, ബ്ലോക്ക്ബസ്റ്റർ ദുൽഖർ സൽമാൻ ചിത്രമായ കുറുപ്പ് എന്നിവക്ക് ശേഷം ശ്രീനാഥ് രാജേന്ദ്രൻ ഒരുക്കാൻ പോകുന്ന പുതിയ…
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
2019 ൽ പുറത്തിറങ്ങി സൂപ്പർ വിജയം നേടിയ ചിത്രമാണ് കുമ്പളങ്ങി നൈറ്റ്സ്. കേരളത്തിന് അകത്തും പുറത്തും പ്രേക്ഷക- നിരൂപക പ്രശംസ…
കഴിഞ്ഞ വർഷം പ്രഖ്യാപിക്കപ്പെട്ട ഒരു വമ്പൻ തമിഴ് ചിത്രമാണ് സുധ കൊങ്കര- സൂര്യ എന്നിവര് ഒന്നിക്കുന്ന രണ്ടാമത്തെ ചിത്രമായ ‘പുറനാനൂറ്'.…
This website uses cookies.