ആക്ഷൻ വിസ്മയം തീർക്കാൻ സ്പൈ; ഇൻട്രോ ടീസർ കാണാം

പ്രശസ്ത എഡിറ്റർ ഗാരി ബിഎച്ച് ആദ്യമായി സംവിധാനം ചെയ്ത ചിത്രം റിലീസിനൊരുങ്ങുകയാണ്. തെലുങ്ക് യുവ താരം നിഖിൽ നായകനായി എത്തുന്ന ഈ ചിത്രത്തിന്റെ പേര് സ്പൈ എന്നാണ്. ഈ വർഷത്തെ ദസറ ഫെസ്റ്റിവൽ സമയത്താണ് സ്പൈ തീയേറ്ററുകളിലെത്തുക. നേരത്തെ ഇതിന്റെ റിലീസ് തീയതി പുറത്തുവിട്ടു കൊണ്ട്, ഇതിന്റെ ടൈറ്റിൽ, ഫസ്റ്റ് ലുക്ക് എന്നിവയും റിലീസ് ചെയ്തിരുന്നു. ഇപ്പോഴിതാ, ചിത്രത്തിന്റെ ഒരു ഇൻട്രോ ടീസർ വീഡിയോയാണ് പുറത്തു വന്നിരിക്കുന്നത്. വമ്പൻ ആക്ഷനും സ്റ്റൈലിഷ് മാസ്സ് രംഗങ്ങളും നിറഞ്ഞ ചിത്രമായിരിക്കും സ്പൈ എന്ന സൂചനയാണ് ഈ വീഡിയോ തരുന്നത്. ടൈറ്റിൽ സൂചിപ്പിക്കുന്നത് പോലെ, ഒരു പക്കാ സ്പൈ ത്രില്ലറായി ഒരുക്കുന്ന ചിത്രത്തിൽ, ഒരു ഹൈ പ്രൊഫൈൽ ചാരനെയാണ് നിഖിൽ അവതരിപ്പിക്കുന്നത്.

ചിത്രത്തിൽ നിഖിലിന്റെ നായികയായി എത്തുന്നത് ഐശ്വര്യ മേനോനാണ്. ശ്രീചരൺ പക്കാല സംഗീത സംവിധാനം ചെയ്യുന്ന സ്പൈക്കു വേണ്ടി, ജൂലിയൻ അമരു എസ്ട്രാഡയാണ് ക്യാമറ ചലിപ്പിക്കുന്നത്. എഡ് എന്റർടെയ്ൻമെന്റിന്റെ ബാനറിൽ കെ രാജ ശേഖർ റെഡ്ഡി നിർമ്മിക്കുന്ന ഈ ചിത്രത്തിന്റെ കഥയും എഴുതിയിരിക്കുന്നത് അദ്ദേഹം തന്നെയാണ്. സംവിധായകൻ ഗാരി തന്നെ എഡിറ്റിംഗും നിർവഹിക്കുന്ന ഈ ചിത്രം രചിച്ചത് അനിരുദ്ധ് കൃഷ്ണമൂർത്തിയാണ്. ചരൻ തേജ് ഉപ്പലപട്ടി സഹനിർമാതാവായെത്തുന്ന ഈ ചിത്രത്തിന് കലാസംവിധാനം നിർവഹിച്ചിരിക്കുന്നത് അർജുൻ സൂരിഷെട്ടിയാണ്. നിഖിലിന്റെ ആദ്യ പാൻ ഇന്ത്യ റിലീസാണെന്ന പ്രത്യേകത കൂടിയുണ്ട് സ്പൈ എന്ന ചിത്രത്തിന്. തെലുങ്ക്, ഹിന്ദി, തമിഴ്, കന്നഡ, മലയാളം ഭാഷകളിലായാണ് സ്പൈ റിലീസ് ചെയ്യാൻ പോകുന്നത്. ഈ ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത് അഭിനവ് ഗോമതം, സന്യ താക്കൂർ, ജിഷു സെൻഗുപ്ത, നിതിൻ മേത്ത, രവി വർമ്മ എന്നിവരാണ്.