മാസ്റ്റർ ഡയറക്ടർ മണി രത്നത്തിന്റെ ബ്രഹ്മാണ്ഡ ചിത്രമായ പൊന്നിയിൻ സെൽവൻ ഒന്നാം ഭാഗം ഈ കഴിഞ്ഞ സെപ്റ്റംബർ മാസത്തിലാണ് ലോകമെമ്പാടുമുള്ള പ്രേക്ഷകരുടെ മുന്നിലെത്തിയത്. തമിഴിലെ പുതിയ ഇൻഡസ്ട്രി ഹിറ്റായി മാറിയ ഈ ചിത്രം അഞ്ഞൂറ് കോടിയിലധികമാണ് ആഗോള ഗ്രോസ് ആയി നേടിയത്. തമിഴ് നാട്ടിൽ നിന്ന് മാത്രം ഇരുനൂറ് കോടി കളക്ഷൻ നേടുന്ന ആദ്യ ചിത്രവുമായി മാറിയ പൊന്നിയിൻ സെൽവൻ ഭാഗം ഒന്ന്, ഈ കഴിഞ്ഞ മാസമാണ് ഒടിടിയിലും റിലീസ് ചെയ്തത്. ഇപ്പോഴിതാ ഇതിലെ അതിമനോഹരമായ ഒരു ഗാനത്തിന്റെ വീഡിയോ യൂട്യൂബിൽ എത്തിയിരിക്കുകയാണ്. സോൽ എന്ന വരികളോടെ തുടങ്ങുന്ന ഈ ഗാനം രചിച്ചത് കൃതിക നെൽസണും, പാടിയിരിക്കുന്നത് രക്ഷിത സുരേഷുമാണ്. സംഗീത മാന്ത്രികൻ എ ആർ റഹ്മാൻ ഈണം നൽകിയിരിക്കുന്ന ഈ ഗാനത്തിലെ ഹൈലൈറ്റ് തൃഷ, ശോഭിത ധുലിപാല എന്നിവരുടെ മനോഹരമായ നൃത്തമാണ്. അതിസുന്ദരിമാരായാണ് ഇരുവരും ഈ ഗാനത്തിൽ പ്രത്യക്ഷപ്പെട്ടിരിക്കുന്നത്.
കുന്ദവൈ ദേവി എന്ന രാജകുമാരിയായി തൃഷ എത്തുമ്പോൾ, വാനത്തി എന്ന രാജകുമാരിയായാണ് ശോഭിത ഇതിൽ അഭിനയിച്ചിരിക്കുന്നത്. കൽക്കി കൃഷ്ണമൂർത്തി എഴുതിയ, പൊന്നിയിൻ സെൽവനെന്ന അഞ്ചു ഭാഗങ്ങൾ ഉള്ള ബ്രഹ്മാണ്ഡ നോവലിനെ അടിസ്ഥാനമാക്കി രണ്ട് ഭാഗങ്ങളായാണ് ഈ ചിത്രം ഒരുക്കിയത്. ഇതിന്റെ രണ്ടാം ഭാഗം അടുത്ത ഏപ്രിൽ മാസത്തിലാണ് പുറത്ത് വരിക. വിക്രം, കാർത്തി, ഐശ്വര്യ റായ്, ജയം രവി, തൃഷ, ഐശ്വര്യ ലക്ഷ്മി, ജയറാം, ലാൽ, ബാബു ആന്റണി, റിയാസ് ഖാന്, റഹ്മാന്, ശരത് കുമാർ, പാർത്ഥിപൻ, പ്രഭു, കിഷോർ, വിക്രം പ്രഭു, ശോഭിത, നിഴൽകൾ രവി, അർജുൻ ചിദംബരം, റഹ്മാൻ, മോഹൻ റാം എന്നിവർ അഭിനയിച്ച ഈ ചിത്രം നിർമ്മിച്ചത് ലൈക്ക പ്രൊഡക്ഷൻസ്, മണി രത്നത്തിന്റെ മദ്രാസ് ടാകീസ് എന്നിവർ ചേർന്നാണ്.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.