യുവ താരം ഷെയിൻ നിഗം തന്റെ കരിയറിൽ ഒരു ഹിറ്റ് കൂടി നേടുന്ന കാഴ്ചയാണ് നമുക്കിപ്പോൾ കാണാൻ സാധിക്കുന്നത്. ഈ കഴിഞ്ഞ വെള്ളിയാഴ്ച റിലീസ് ചെയ്ത ഷെയിൻ നിഗം ചിത്രമായ ഉല്ലാസം യുവ പ്രേക്ഷകരുടെ പിന്തുണയോടെ വലിയ വിജയത്തിലേക്കാണ് കുതിക്കുന്നത്. കേരളത്തിലെ യുവ പ്രേക്ഷകർ ഈ ചിത്രം ഏറ്റെടുത്തു എന്ന് തന്നെയാണ് കഴിഞ്ഞ ദിവസങ്ങളിൽ ഉല്ലാസത്തിനു തീയേറ്ററുകളിൽ നിന്ന് ലഭിച്ച പ്രേക്ഷക പിന്തുണ നമ്മുക്ക് കാണിച്ചു തരുന്നത്. നവാഗതനായ ജീവൻ ജോജോ സംവിധാനം ചെയ്ത ഈ റൊമാന്റിക് ഫൺ എന്റെർറ്റൈനെർ ചിത്രത്തിന്റെ ഒരു പുതിയ വീഡിയോ ആണ് ഇപ്പോൾ സോഷ്യൽ മീഡിയയുടെ ശ്രദ്ധ നേടുന്നത്. ഷെയിൻ നിഗം തന്നെയാണ് ഈ ചിത്രത്തിലെ ഒരു മനോഹരമായ രംഗം പ്രേക്ഷകർക്കായി പങ്കുവെച്ചത്. നായികയുടെ മുഖം കൈകൾ കൊണ്ടുണ്ടാക്കിയ ഒരു ബ്രാക്കറ്റിലൂടെ നോക്കുന്ന നായകൻ, അതിനെ കുറിച്ച് വിശദീകരിക്കുന്ന രംഗമാണ് ഇപ്പോൾ പുറത്ത് വന്നിരിക്കുന്നത്.
ഈ ബ്രാക്കറ്റിൽ ഇപ്പോൾ നമ്മൾ മാത്രമല്ലേയുള്ളു എന്ന ഷെയിൻ നിഗം കഥാപാത്രത്തിനെ ഡയലോഗ് പ്രേക്ഷകർ ഏറ്റെടുക്കുന്നുണ്ട്. രഞ്ജി പണിക്കർ, ദീപക് പറമ്പോൽ, ബേസിൽ ജോസഫ്, അജു വർഗീസ് എന്നിവരും പ്രധാന വേഷങ്ങൾ ചെയ്തിരിക്കുന്ന ഈ ചിത്രം നിർമ്മിച്ചത് ജോ കൈതമറ്റം, ക്രിസ്റ്റി കൈതമറ്റം എന്നിവരാണ്. ഷെയിൻ നിഗമിനൊപ്പം തന്നെ നായികാ വേഷം ചെയ്ത പവിത്ര ലക്ഷ്മിയും അഭിനന്ദനം അർഹിക്കുന്ന പ്രകടനമാണ് കാഴ്ച വെച്ചിരിക്കുന്നത്. കോമഡി, പ്രണയം, വൈകാരിക മുഹൂർത്തങ്ങൾ, ഗാനങ്ങൾ എല്ലാം നിറഞ്ഞ ഒരു കംപ്ലീറ്റ് എന്റർടൈനറാണ് ഉല്ലാസം. പ്രവീൺ ബാലകൃഷ്ണൻ രചിച്ച ഈ ചിത്രത്തിന് ഗാനങ്ങളൊരുക്കിയത് ഷാൻ റഹ്മാനും, പശ്ചാത്തല സംഗീതമൊരുക്കിയത് ഗോപി സുന്ദറുമാണ്.
100 കോടി പിന്നിട്ടിട്ടും A.R.M ൻ്റെ ബോക്സ് ഓഫീസ് കുതിപ്പ് തുടർന്നുകൊണ്ടിരിക്കുകയാണ്. കഴിഞ്ഞ ആഴ്ചകളിലായി കേരളത്തിലെ തിയറ്ററുകളിൽ നിന്ന് എല്ലാ…
കൺവിൻസിങ് സ്റ്റാർ എന്ന പേരിൽ സമൂഹ മാധ്യമങ്ങളിൽ ഇപ്പോൾ നിറഞ്ഞു നിൽക്കുകയാണ് പ്രശസ്ത മലയാള താരം സുരേഷ് കൃഷ്ണ. അതീവ…
'തല്ലുമാല'ക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന പുതിയ ചിത്രത്തിന്റെ ടൈറ്റിൽ പുറത്ത്. സ്പോർട്സ് കോമഡി വിഭാഗത്തിൽ ഒരുങ്ങുന്ന ചിത്രത്തിൽ…
നസ്ലൻ, കല്യാണി പ്രിയദർശൻ എന്നിവരെ പ്രധാന കഥാപാത്രങ്ങളാക്കി അരുൺ ഡൊമിനിക് രചിച്ചു സംവിധാനം ചെയ്യുന്ന ചിത്രത്തിന്റെ ഷൂട്ടിംഗ് ഇപ്പോൾ പുരോഗമിക്കുകയാണ്.…
മലയാള സിനിമയിലെ മികച്ച എഴുത്തുകാരുടെ നിരയിൽ മുൻപന്തിയിൽ സ്ഥാനം പിടിച്ചയാളാണ് രഘുനാഥ് പലേരി. മലയാള സിനിമയിലെ ക്ലാസ്സിക്കുകൾ പലതും പിറന്ന…
പ്രശസ്ത രചയിതാവ് രഘുനാഥ് പലേരിയുടെ തിരക്കഥയിൽ ഷാനവാസ് കെ ബാവക്കുട്ടി സംവിധാനം ചെയ്ത ' ഒരു കട്ടിൽ ഒരു മുറി'…
This website uses cookies.