ആകാംഷയുടെ ഗ്ലാമർ പ്രദർശനവും നൃത്തവുമായി ത്രിവിക്രമയിലെ പുത്തൻ ഗാനം; വീഡിയോ കാണാം

ഉടൻ റിലീസ് ചെയ്യാൻ പോകുന്ന പുത്തൻ കന്നഡ ചിത്രങ്ങളിലൊന്നാണ് ത്രിവിക്രമ. വരുന്ന ജൂൺ 24 നു റിലീസ് ചെയ്യാൻ പോകുന്ന ഈ ചിത്രത്തിൽ വിക്രം രവിചന്ദ്രൻ, ആകാംഷ എന്നിവരാണ് പ്രധാന കഥാപാത്രങ്ങളെയവതരിപ്പിക്കുന്നത്. ഇപ്പോഴിതാ ഈ ചിത്രത്തിലെ പുത്തൻ വീഡിയോ സോങ് വലിയ ശ്രദ്ധ നേടുകയാണ്. ശകുന്തള ഷേക് യുവർ ബോഡി പ്ലീസ് എന്ന ഈ അടിച്ചു പൊളി ഗാനത്തിന്റെ ഹൈലൈറ്റ് ഇതിലെ നായികയായ ആകാംഷയുടെ ഗ്ലാമർ പ്രദർശനവും കിടിലൻ നൃത്തവുമാണ്. നായകനായ വിക്രം രവിചന്ദ്രനും ഈ ഗാനത്തിൽ ചുവടുകൾ വെക്കുന്നുണ്ട്. എ 2 മ്യൂസിക് സൗത്തിന്റെ യൂട്യൂബ് ചാനലിൽ റിലീസ് ചെയ്തിരിക്കുന്ന ഈ ഗാനത്തിന് ഇതിനോടകം നാലര ലക്ഷത്തോളം കാഴ്ചക്കാരെയാണ് ലഭിച്ചിരിക്കുന്നതു. ജൂൺ പതിനാലിന് റിലീസ് ചെയ്ത ഈ വീഡിയോ സോങ് ഹിറ്റായതോടെ ത്രിവിക്രമ എന്ന ചിത്രത്തിന് മേലുള്ള പ്രേക്ഷക പ്രതീക്ഷകളും വർധിച്ചിട്ടുണ്ട്.

കന്നഡയിലെ സൂപ്പർ ഹിറ്റ് ഗാനങ്ങളൊരുക്കിയിട്ടുള്ള അർജുൻ ജന്യ സംഗീതം പകർന്നിരിക്കുന്ന ഈ ഗാനം രചിച്ചത് യോഗ്‌രാജ് ഭട്ട് ആണ്. നകാശ് അസീസ്, ഐശ്വര്യ രംഗരാജൻ എന്നിവർ ചേർന്നാണ് ഈ ഗാനമാലപിച്ചിരിക്കുന്നത്. ഒരു റൊമാന്റിക് ഡ്രാമയായി ഒരുക്കിയിരിക്കുന്ന ഈ ചിത്രം സംവിധാനം ചെയ്തിരിക്കുന്നത് സഹാന മൂർത്തി എസ്‌, ഈ ചിത്രം നിർമ്മിച്ചിരിക്കുന്നത് ഗൗരി എന്റെർറ്റൈനെഴ്സിന്റെ ബാനറിൽ സോമണ്ണ എന്നിവരാണ്. അക്ഷര ഗൗഡ, ചിക്കണ്ണാ, സാധു കോകില എന്നിവരും വേഷമിട്ടിരിക്കുന്ന ഈ ചിത്രത്തിന് ക്യാമറ ചലിപ്പിച്ചത് സന്തോഷ് റായ് പട്ടാജെ, ഗുരു പ്രശാന്ത് റായ് എന്നിവർ ചേർന്നാണ്. രവി വർമ്മ, വിജയകുമാർ, അൻപ്- അറിവ്, ജോളി ബാസ്റ്റിൻ എന്നിവരാണ് ഇതിനു വേണ്ടി സംഘട്ടന രംഗങ്ങളൊരുക്കിയത്.