നന്‍പനായി വിജയ് സേതുപതി എത്തിയപ്പോൾ ; മാർക്കോണി മത്തായിയിലെ പുതിയ വീഡിയോ സോങ്

മലയാളികളുടെ പ്രിയ താരം ജയറാമും തമിഴിന്റെ മക്കൾ സെൽവൻ ആയ വിജയ് സേതുപതിയും ഒന്നിക്കുന്ന മാർക്കോണി മത്തായി എന്ന ചിത്രം അടുത്ത മാസം ആണ് റിലീസിന് എത്തുന്നത്. വിജയ് സേതുപതി ആദ്യമായി മലയാളത്തിൽ എത്തുന്ന ഈ ചിത്രം സംവിധാനം ചെയ്തിരിക്കുന്നത് സനിൽ കളത്തിൽ ആണ്. ഈ ചിത്രം രചിച്ചിരിക്കുന്നത് സനിൽ കളത്തിൽ , റെജീഷ് മിഥില എന്നിവർ ചേർന്നാണ്. ഈ ചിത്രത്തിലെ ആദ്യ വീഡിയോ സോങ് ഹിറ്റായി മാറിയതിനു പിന്നാലെ ഇപ്പോൾ ഇതിലെ രണ്ടാമത്തെ വീഡിയോ സോങ് കൂടി റിലീസ് ചെയ്തു കഴിഞ്ഞു. നൻപാ എന്ന് തുടങ്ങുന്ന ഈ ഗാനവും പ്രേക്ഷകർ ഇരു കയ്യും നീട്ടി സ്വീകരിക്കുന്ന കാഴ്ചയാണ് നമ്മുക്ക് കാണാൻ സാധിക്കുന്നത്. വിജയ് സേതുപതി കൂടി ഭാഗമായ ഒരു വീഡിയോ സോങ് എന്ന നിലക്കും ഈ ഗാനം ശ്രദ്ധേയമാകുന്നുണ്ട്. 

എം ജയചന്ദ്രൻ സംഗീതം ഒരുക്കിയിരിക്കുന്ന ഈ ഗാനം രചിച്ചത് ബി കെ ഹരിനാരായണനും പാടിയിരിക്കുന്നത് യാസിൻ നിസാർ, ഹരിചരൻ എന്നിവരുമാണ്. പ്രേമചന്ദ്രൻ എ ജി നിർമ്മിച്ചിരിക്കുന്ന മാർക്കോണി മത്തായിക്ക് വേണ്ടി ദൃഷ്യങ്ങൾ ഒരുക്കിയത് സജൻ കളത്തിലും  എഡിറ്റിംഗ് നിർവഹിച്ചിരിക്കുന്നത് ഷമീർ മുഹമ്മദും ആണ്. ഈ ചിത്രത്തിൽ  ജയറാമിന്റെ നായികാ വേഷത്തിൽ എത്തുന്നത് ജോസെഫ് എന്ന സിനിമയിലൂടെ ശ്രദ്ധ നേടിയ ആത്മീയ ആണ്. ഈ ചിത്രത്തിന്റെ രസകരമായ ടീസറും മികച്ച പ്രേക്ഷക ശ്രദ്ധയാണ് നേടിയെടുത്തത്. ഒരു സഹകരണ ബാങ്കിലെ  സെക്യൂരിറ്റി ആയ മുൻ പട്ടാളക്കാരൻ ആയാണ് ജയറാം ഈ ചിത്രത്തിൽ അഭിനയിക്കുന്നത് എന്നാണ് റിപ്പോർട്ടുകൾ പറയുന്നത്.