എന്റെ ഉമ്മാന്റെ പേരിലെ രണ്ടാമത്തെ സോങ് എത്തി; ചിത്രം നാളെ എത്തും..!

എന്റെ ഉമ്മാന്റെ പേര് എന്ന ടോവിനോ തോമസ് ചിത്രത്തിലെ രണ്ടാമത്തെ ലിറിക് വീഡിയോ സോങ് ഇന്ന് റിലീസ് ചെയ്തു. മധു ചന്ദ്രിക  എന്ന് തുടങ്ങുന്ന ഈ ഗാനം ഒരു മാപ്പിള പാട്ടിന്റെ ഈണത്തിൽ ആണ് ഒരുക്കിയിരിക്കുന്നത്. സിതാര ആലപിച്ച ഈ ഗാനം രചിച്ചത് ബി കെ ഹരിനാരായണനും ഈ ഗാനത്തിന് സംഗീതം പകർന്നത് ഗോപി സുന്ദറുമാണ്. ടോവിനോ തോമസിനൊപ്പം ഉർവശിയും പ്രധാന കഥാപാത്രം ആയി എത്തുന്ന ഈ ചിത്രം സംവിധാനം ചെയ്തത് നവാഗതനായ ജോസ് സെബാസ്റ്റിയൻ ആണ്. അദ്ദേഹവും ശരത് ആർ നാഥും ചേർന്നാണ് ഈ ഫാമിലി ചിത്രത്തിന്റെ രചന നിർവഹിച്ചിരിക്കുന്നത്.

ആന്റോ ജോസെഫ് ഫിലിം കമ്പനി, അൽ ടാരി മൂവീസ് എന്നിവയുടെ ബാനറിൽ ആന്റോ ജോസെഫും  സി ആർ സലീമും ചേർന്നാണ് ഈ ചിത്രം  നിർമ്മിച്ചിരിക്കുന്നത്. ഇതിന്റെ ട്രെയ്ലറും ആദ്യ ലിറിക് വീഡിയോ സോങ്ങും ഏറെ ശ്രദ്ധ പിടിച്ചു പറ്റിയിരുന്നു. ജോർഡി പ്ലാനെൽ ക്ലോസ ദൃശ്യങ്ങൾ ഒരുക്കിയ ഈ ചിത്രം എഡിറ്റ് ചെയ്തത് അർജു ബെൻ ആണ്. സായി പ്രിയ ദേവ, സിദ്ദിഖ്, മാമുക്കോയ, ഹാരിഷ് കണാരൻ, ദിലീഷ് പോത്തൻ, ശാന്തി കൃഷ്ണ എന്നിവരും ഈ ചിത്രത്തിൽ  അഭിനയിച്ചിട്ടുണ്ട്. ക്ലീൻ യു സർട്ടിഫിക്കറ്റ് ആണ് ഈ ചിത്രത്തിന് ലഭിച്ചിരിക്കുന്നത്. ഒരു അമ്മയും മകനും തമ്മിലുള്ള ആത്മ ബന്ധം ആണ് ഈ ചിത്രത്തിന്റെ പ്രമേയം. ഇത് കൂടാതെ മാരി 2 എന്ന തമിഴ് ചിത്രവും ഈ ക്രിസ്മസിന് ടോവിനോ തോമസിന്റേതായി  നമ്മുടെ മുന്നിൽ എത്തുന്നുണ്ട്. അതും നാളെ തന്നെ ആണ് റിലീസ് ചെയ്യുന്നത്.