ഞാൻ ഒറിജിനലായിട്ട് തൂങ്ങി; മരണത്തെ മുന്നിൽ കണ്ട നിമിഷം പങ്ക് വെച്ച് രമേഷ് പിഷാരടി..!

പ്രശസ്ത നടനും ടെലിവിഷൻ അവതാരകനും മിമിക്രി ആര്ടിസ്റ്റും സംവിധായകനുമായ രമേഷ് പിഷാരടിയെ നായകനാക്കി, നവാഗതനായ നിതിൻ ദേവീദാസ് ഒരുക്കിയ ചിത്രമാണ് നോ വേ ഔട്ട്. നാളെയാണ് ഈ ചിത്രം കേരളത്തിലെ തീയേറ്ററുകളിൽ എത്തുക. ഒരു സർവൈവൽ ത്രില്ലർ ആയി ഒരുക്കിയിരിക്കുന്ന ഈ ചിത്രത്തിന്റെ ടീസറും ട്രെയ്ലറും ഇതിലെ ഒരു ഗാനവും നേരത്തെ പ്രേക്ഷകരുടെ മുന്നിലെത്തി മികച്ച പ്രതികരണമാണ് നേടിയെടുത്തത്. ഇപ്പോഴിതാ ഈ ചിത്രത്തിലെ ഒരു ബിഹൈൻഡ് ദി സീൻ പങ്ക് വെച്ചിരിക്കുകയാണ് നായകൻ രമേശ് പിഷാരടി. ഇതിലെ ഒരു സുപ്രധാന രംഗത്തിൽ, തന്റെ കഥാപാത്രത്തിന്റെ ആത്മഹത്യ ശ്രമത്തിന്റെ വീഡിയോയാണ് അദ്ദേഹം പുറത്തു വിട്ടിരിക്കുന്നത്. താൻ ഒറിജിനലായിട്ട് തന്നെ ആ സീനിൽ തൂങ്ങിയെന്നും, പത്ത് സെക്കന്റുകളാണ് താൻ തൂങ്ങി കിടന്നതെന്നും വ്യക്തമാക്കിയാണ് അദ്ദേഹം ഈ വീഡിയോ പങ്കു വെച്ചിരിക്കുന്നത്.

https://www.instagram.com/p/CckmLovpXYh/

റെമോ എന്റർടൈൻമെൻറ്സിന്റെ ബാനറിൽ റെമോഷ് എം എസ് നിർമ്മിച്ചിരിക്കുന്ന ഈ ചിത്രത്തിൽ ധർമജൻ ബോൾഗാട്ടി, ബേസിൽ ജോസഫ്, രവീണ എൻ എന്നിവരും അഭിനയിച്ചിട്ടുണ്ട്. വർഗീസ് ഡേവിഡ് കാമറ ചലിപ്പിച്ച ഈ ചിത്രം എഡിറ്റ് ചെയ്തിരിക്കുന്നത് കെ ആർ മിഥുൻ ആണ്. കെ ആർ രാഹുൽ ഗാനങ്ങൾ ഒരുക്കിയ ഈ ചിത്രത്തിന് പശ്‌ചാത്തല സംഗീതം ഒരുക്കിയത് ക്രിസ്റ്റി ജോബി ആണ്. ഗിരീഷ് മേനോൻ കലാസംവിധാനവും സുജിത് മട്ടന്നൂർ വസ്ത്രാലങ്കാരവും നിർവഹിച്ച നോ വേ ഔട്ടിനു ചമയം നിർവഹിച്ചത് അമൽ ചന്ദ്രനും ആക്ഷൻ സംവിധാനം നിർവഹിച്ചത്‌ മാഫിയ ശശിയുമാണ്. ശാന്തി മാസ്റ്റർ നൃത്ത സംവിധാനം നിർവഹിച്ച ഈ ചിത്രത്തിന്റെ പ്രൊഡക്ഷൻ കൺട്രോളർ വിനോദ് പറവൂർ, സ്റ്റിൽസ് ശ്രീനി മഞ്ചേരി, ഡിസൈൻസ് കറുപ്പ്, ഡിജിറ്റൽ മാർക്കറ്റിങ് അനൂപ് സുന്ദരൻ, പി ആർ ഒ മഞ്ജു ഗോപിനാഥ് എന്നിവരാണ്.