ആവേശതീപ്പൊരി പാറിക്കാൻ രജനികാന്ത്….കാലായുടെ തകർപ്പൻ ട്രൈലർ ഇതാ……….

തമിഴ് സൂപ്പർ താരം രജനീകാന്ത് നായകനായി എത്തുന്ന കാലാ ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്രമാണ്. ബോക്സ് ഓഫീസ് റെക്കോർഡുകൾ സൃഷ്ടിച്ച രജനികാന്തിന്റെ മുൻ ചിത്രം കബാലി ഒരുക്കിയ പാ രഞ്ജിത്ത് തന്നെയാണ് കാലായുടെ സംവിധാനവും. ആട്ടക്കത്തി, മദ്രാസ് ഉൾപ്പെടെ തമിഴിൽ വ്യത്യസ്ത പരീക്ഷണ ചിത്രങ്ങൾ തീർത്ത പാ. രഞ്ജിത്തിൽ നിന്നും എത്തിയ ആദ്യ രജനി ചിത്രം കബാലി ആരാധകരുടെ പ്രതീക്ഷയ്‌ക്കൊത്ത് ഉയരാതെ പോയി. പക്ഷെ രണ്ടാമത് ചിത്രം മുൻ ചിത്രത്തിന്റെ നേരെ വിപരീതം എന്നോണം ആരാധകർക്കുള്ള ഒരു തട്ടുപൊളിപ്പൻ ചിത്രം ആയിരിക്കുമെന്ന് മുൻപുതന്നെ അറിയിച്ചിരുന്നു. കാലായിൽ കാരികാലൻ എന്ന ചേരിയിലെ നേതാവായാണ് രജനി എത്തുക. ചിത്രത്തിൽ കറുപ്പ് വസ്ത്രമണിഞ്ഞു സോൾട്ട് ആൻഡ് പെപ്പർ ലുക്കിൽ എത്തിയ രജനികാന്തിന്റെ സ്റ്റൈലിഷ് ലുക്കും പോസ്റ്ററുമെല്ലാം വലിയ തരംഗമായിരുന്നു. ചിത്രത്തിന്റെ ആദ്യ ട്രൈലർ കൂടി എത്തിയതോടെ ആരാധകരും ആവേശത്തിലായി. വമ്പൻ തരംഗം സൃഷ്ടിച്ച ആദ്യ ട്രൈലറിന് ശേഷം ഇതാ പുതിയ ട്രൈലർ കൂടി എത്തിയിരിക്കുകയാണ്.

ആരാധകരുടെ ആവേശം ഇരട്ടിപ്പിക്കുന്ന ഗംഭീര ട്രൈലർ തന്നെയാണ് ഇത്തവണയും പുറത്ത് വന്നിരിക്കുന്നത്. തലൈവരുടെ കിടിലൻ മാസ്സ് രംഗങ്ങളും ആക്ഷൻ രംഗങ്ങളുമെല്ലാം ട്രൈലറിലൂടെ കാണാം. ഏപ്രിലിൽ ആയിരുന്നു ചിത്രം റിലീസ് ചെയ്യാൻ ശ്രമിച്ചതെങ്കിലും തീയേറ്റർ സമരം മൂലം റിലീസ് വൈകുകയായിരുന്നു. ചിത്രം ജൂൺ 7 നു തീയേറ്ററുകളിൽ എത്തും. ധനുഷിന്റെ നിർമ്മാണ കമ്പനിയായ വണ്ടർബാർ ആണ് ചിത്രം നിർമ്മിച്ചിരിക്കുന്നത്. കേരളത്തിൽ ഉൾപ്പടെ ചിത്രം വമ്പൻ റിലീസിന് തയ്യാറെടുക്കുകയാണ്.