തമിഴ് സൂപ്പർ താരം രജനീകാന്ത് നായകനായി എത്തുന്ന കാലാ ഇതിനോടകംതന്നെ വലിയ പ്രേക്ഷകർ പ്രതീക്ഷയോടെ കാത്തിരിക്കുന്ന ചിത്രമാണ്. ബോക്സ് ഓഫീസ് റെക്കോർഡുകൾ സൃഷ്ടിച്ച രജനീകാന്ത് ചിത്രം കബാലി ഒരുക്കിയ പാ രഞ്ജിത്ത് തന്നെയാണ് കാലായുടെ സംവിധാനവും. ആട്ടക്കത്തി, മദ്രാസ് ഉൾപ്പെടെയുള്ള വ്യത്യസ്ത ചിത്രങ്ങൾ തീർത്ത പാ. രഞ്ജിത്തിൽ നിന്നും എത്തിയ ആദ്യ രജനി ചിത്രം പ്രേക്ഷകരുടെ പ്രതീക്ഷയ്ക്കൊത്ത് ഉയർന്നില്ലെങ്കിലും രണ്ടാമത് ചിത്രം ആരാധകർക്കുള്ള ഒരു തട്ടുപൊളിപ്പൻ ചിത്രം ആയിരിക്കുമെന്ന് മുൻപുതന്നെ അറിയിച്ചിരുന്നു. ചിത്രം മുംബൈയിലെ ഒരു ചേരിയുടെ നേതാവായ കാലാ എന്ന് അറിയപ്പെടുന്ന കരി കാലിന്റെ കഥപറയുന്നു. കറുപ്പ് വസ്ത്രമണിഞ്ഞ് സോൾട്ട് ആൻഡ് പേപ്പർ ലുക്കിൽ സ്റ്റൈലൻ ഗെറ്റപ്പിലാണ് ആരാധകർക്ക് ആവേശമാകാൻ രജനീകാന്ത് എത്തിയത്. ചിത്രത്തിന്റേതായി പുറത്തുവന്ന പോസ്റ്റുകളെല്ലാം തന്നെ വലിയ തരംഗം സൃഷ്ടിച്ചിരുന്നു. ചിത്രത്തിന്റെ ട്രെയിലറും വളരെയധികം ശ്രദ്ധിക്കപ്പെട്ടു. ഇപ്പോഴിതാ ചിത്രത്തിലെ ഗാനവും പുറത്തുവന്നിരിക്കുകയാണ്.
സെമ്മ വെയിറ്റ് എന്ന തകർപ്പൻ ഗാനമാണ് കഴിഞ്ഞ ദിവസം പുറത്തിറങ്ങിയിരിക്കുന്നത്. മണിക്കൂറുകൾക്കുള്ളിൽ ഗാനം വലിയ തരംഗം സൃഷ്ടിച്ചു മുന്നേറുന്ന കാഴ്ചയാണ് നവമാധ്യമങ്ങളിൽ കാണുന്നത്. ചുരുങ്ങിയ കാലംകൊണ്ടുതന്നെ തമിഴ് സിനിമയിൽ തന്റേതായ വ്യക്തിമുദ്ര പതിപ്പിച്ച സന്തോഷ് നാരായണനാണ് ഈ ഗാനത്തിന് സംഗീതസംവിധാനം ഒരുക്കിയിരിക്കുന്നത്. ഹരിഹരസുധൻ, സന്തോഷ് നാരായണൻ എന്നിവർ ചേർന്നാണ് ഗാനം ആലപിച്ചിരിക്കുന്നത്. അരുൺരാജ് കാമരാജ് ഗാനത്തിന്റെ വരികൾ ഒരുക്കിയിരിക്കുന്നു. റിലീസിനോടനുബന്ധിച്ച് ആരാധകർക്ക് ആവേശമാകാൻ എത്തിയ ഗാനം എന്തുതന്നെയായാലും പ്രതീക്ഷകൾക്കൊത്ത് ഉയർന്ന ഒന്നുതന്നെയാണ്. രജനികാന്തിന്റെ മരുമകനും സൂപ്പർ താരവുമായ ധനുഷാണ് ചിത്രം നിർമ്മിച്ചിരിക്കുന്നത്. ഏപ്രിൽ 27 നാണ് ചിത്രം റിലീസ് ചെയ്യുവാൻ തീരുമാനിച്ചിരുന്നതെങ്കിലും തീയറ്റർ സമരങ്ങളെ തുടർന്ന് ചിത്രം റിലീസ് തീയതി മാറ്റുകയായിരുന്നു. കേരളത്തിലുൾപ്പെടെ ആരാധകവൃന്ദം കാത്തിരിക്കുന്നു കാലാ ജൂൺ ഏഴിന് തീയറ്ററുകളിലെത്തും.
ആരോഗ്യപരമായ കാരണങ്ങൾ കൊണ്ട് എടുത്ത 6 മാസത്തെ ഇടവേളക്ക് ശേഷം സൂപ്പർതാരം മമ്മൂട്ടി അഭിനയ തിരക്കുകളിലേക്ക് തിരിച്ചെത്തുന്നു. മഹേഷ് നാരായണൻ…
മോഹൻലാലിനെ നായകനാക്കി ചിത്രം സംവിധാനം ചെയ്യാൻ ദിലീഷ് പോത്തൻ എന്ന് വാർത്തകൾ. അടുത്തിടെ അദ്ദേഹം മോഹൻലാലിനോട് ഒരു കഥ പറഞ്ഞു…
നസ്ലൻ, ശ്രീനാഥ് ഭാസി, ഷൈൻ ടോം ചാക്കോ, സജിൻ ഗോപു എന്നിവർ പ്രധാന വേഷങ്ങൾ ചെയ്യാൻ പോകുന്ന അമൽ നീരദ്…
വിപിൻദാസിന്റെ സംവിധാനത്തിൽ 60 പുതുമുഖങ്ങൾക്കൊപ്പം പൃഥ്വിരാജ് എത്തുന്ന ചിത്രം "സന്തോഷ് ട്രോഫി " യുടെ ഷൂട്ടിംഗ് തുടങ്ങി.പ്രശസ്ത നിർമ്മാതാക്കളായ ലിസ്റ്റിൻ…
ബ്ലോക്ബസ്റ്റർ ഹിറ്റായ കല്യാണി പ്രിയദർശൻ - ഡൊമിനിക് അരുൺ ചിത്രം "ലോക" യുടെ രണ്ടാം ഭാഗത്തിൽ ടോവിനോ തോമസ് നായകനായി…
ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീൻ നിർമ്മിക്കുന്ന ചിത്രം "പെറ്റ് ഡിറ്റക്ടീവ്" റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിൻ്റെ തീം സോങ് പുറത്ത്…
This website uses cookies.