കിടിലൻ ലുക്കിൽ പ്രണവ് മോഹൻലാൽ; ഹൃദയം സോങ് ടീസർ എത്തി..!

പ്രേക്ഷകർ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് പ്രണവ് മോഹൻലാലിനെ നായകനാക്കി വിനീത് ശ്രീനിവാസൻ ഒരുക്കിയ ഹൃദയം എന്ന ചിത്രം. ഈ ചിത്രത്തിലെ ആദ്യ ഗാനം ഒക്ടോബർ 25 നു റിലീസ് ചെയ്യുമെന്നാണ് അറിയിച്ചിരുന്നത്. ഇപ്പോഴിതാ അതിനു മുൻപായി ആ ഗാനത്തിന്റെ ഒരു ടീസർ റിലീസ് ചെയ്തിരിക്കുകയാണ്. ആ ഗാനത്തിന്റെ മേക്കിങ് വീഡിയോ, അതിനെ കുറിച്ചു ചിത്രത്തിന്റെ അണിയറ പ്രവർത്തകരും താരങ്ങളും പറയുന്നതുമാണ് ഈ ടീസറിൽ ഉള്ളത്. ദർശന എന്നാണ് ഈ ഗാനത്തിന് നൽകിയിരിക്കുന്ന പേര്. പ്രണവ് മോഹൻലാൽ, ദർശന എന്നിവരാണ് ഈ ഗാനത്തിൽ പ്രത്യക്ഷപ്പെടുക എന്ന സൂചനയാണ് ടീസർ തരുന്നത്. കിടിലൻ ലുക്കിലാണ് പ്രണവ് ഇതിൽ പ്രത്യക്ഷപ്പെടുന്നത് എന്നതും ഏറെ പ്രതീക്ഷയോടെ ഈ ഗാനം കാത്തിരിക്കാൻ പ്രേക്ഷകരെ പ്രേരിപ്പിക്കുന്നു.

പ്രണവ് മോഹൻലാൽ നായക വേഷം ചെയ്യുന്ന ഈ ചിത്രത്തിൽ കല്യാണി പ്രിയദർശൻ, ദർശന രാജേന്ദ്രൻ, അജു വർഗീസ് എന്നിവരും പ്രധാന വേഷങ്ങൾ ചെയ്യുന്നുണ്ട്. മെറിലാൻഡ് സിനിമാസിന്റെ ബാനറില്‍ വിശാഖ് സുബ്രഹ്മണ്യം നിര്‍മിക്കുന്ന ഈ ചിത്രത്തിന് സംഗീതമൊരുക്കിയത് ഹിഷാം അബ്ദുൽ വഹാബും ക്യാമറ ചലിപ്പിച്ചത് വിശ്വജിത്തുമാണ്. ഇപ്പോൾ പോസ്റ്റ് പ്രൊഡക്ഷൻ സ്റ്റേജിൽ ഉള്ള ഈ ചിത്രം 2022 ജനുവരിയിൽ ആവും റിലീസ് ചെയ്യുക എന്നാണ് സൂചന. നേരത്തെ പുറത്തു വന്ന, ഈ ചിത്രത്തിന്റെ കാരക്ടർ പോസ്റ്ററുകളും ഫസ്റ്റ് ലുക്ക് പോസ്റ്ററും വലിയ രീതിയിൽ സ്വീകരിക്കപ്പെട്ടിരുന്നു. ഇതിൽ 12 ഗാനങ്ങളാണ് ഉള്ളതെന്നാണ് റിപ്പോർട്ടുകൾ വന്നത്. ഒരുപാട് വർഷങ്ങൾക്കു ശേഷം മെറിലാൻഡ് സിനിമാസ് തിരിച്ചു വരുന്ന ചിത്രം കൂടിയാണ് ഹൃദയം.