ലളിതം സുന്ദരത്തിനായി വിനീത് ശ്രീനിവാസന്റെ പാട്ട്; വീഡിയോ കാണാം..!

സൂപ്പർ താരം ബിജു മേനോൻ, ലേഡി സൂപ്പർ സ്റ്റാർ മഞ്ജു വാര്യർ എന്നിവർ പ്രധാന വേഷം ചെയ്ത ഏറ്റവും പുതിയ ചിത്രമായ ലളിതം സുന്ദരം റിലീസിന് ഒരുങ്ങുകയാണ്. മാർച്ച് പതിനെട്ടിന് ഏഷ്യാനെറ്റ് ഡിസ്നി ഹോട്ട്സ്റ്റാറിലൂടെ ആണ് ഈ ചിത്രം പ്രേക്ഷകരുടെ മുന്നിൽ എത്തുന്നത്. നടനും മഞ്ജു വാര്യരുടെ സഹോദരനുമായ മധു വാര്യർ ആദ്യമായി സംവിധാനം ചെയ്ത ഈ ചിത്രത്തിന്റെ ട്രൈലെർ ദിവസങ്ങൾക്കു മുൻപ് റിലീസ് ചെയ്യുകയും സൂപ്പർ ഹിറ്റായി മാറുകയും ചെയ്തിരുന്നു. ഇപ്പോഴിതാ ഇതിനു വേണ്ടി വിനീത് ശ്രീനിവാസൻ ആലപിച്ച ഒരു ഗാനത്തിന്റെ പ്രോമോ വീഡിയോ പുറത്തു വന്നിരിക്കുകയാണ്. വലിയ പ്രേക്ഷക ശ്രദ്ധയാണ് ഈ വീഡിയോ നേടുന്നത്. ഈ ഗാനം ഇന്ന് റിലീസ് ചെയ്യുമെന്നാണ് പ്രഖ്യാപിച്ചിരിക്കുന്നത്. മഞ്ജു വാര്യരുടെ യൂട്യൂബ് ചാനലിൽ കൂടിയാണ് ഈ ഗാനം റിലീസ് ചെയ്യുന്നതു. നേരത്തെ ഇതിലെ മേഘജാലകം എന്ന് തുടങ്ങുന്ന ഒരു ഗാനം റിലീസ് ചെയ്തിരുന്നു. നജിം അർഷാദ് ആണ് ആ ഗാനം ആലപിച്ചത്.

സെെജു കുറുപ്പ്, സുധീഷ്, അനു മോഹന്‍, രഘുനാഥ് പലേരി, വിനോദ് തോമസ്സ്, സറീന വഹാബ്, ദീപ്തി സതി, ആശാ അരവിന്ദ്, അഞ്ജന അപ്പുക്കുട്ടന്‍, മാസ്റ്റര്‍ ആശ്വിന്‍ വാര്യര്‍, ബേബി തെന്നല്‍ അഭിലാഷ് എന്നിവരും അഭിനയിച്ച ഈ ചിത്രം, മഞ്ജു വാര്യർ പ്രൊഡക്ഷൻസ്,സെഞ്ച്വറി ഫിലിംസ് എന്നീ ബാനറുകളിൽ മഞ്ജു വാര്യർ,കൊച്ചുമോൻ എന്നിവർ ചേർന്നാണ് നിർമ്മിച്ചിരിക്കുന്നത്. പ്രമോദ് മോഹൻ തിരക്കഥ, സംഭാഷണങ്ങൾ എന്നിവയെഴുതിയ ഈ ചിത്രത്തിന്റെ എഡിറ്റർ ലിജോ പോളും ഇതിനു സംഗീതമൊരുക്കിയത് ബിജിബാലുമാണ്. ഒരു ഫാമിലി എന്റെർറ്റൈനെർ ആയി ഒരുക്കിയ ഈ ചിത്രത്തിന് കാമറ ചലിപ്പിച്ചത് പി സുകുമാർ, ഗൗതം ശങ്കർ എന്നിവർ ചേർന്നാണ്. കണ്ണെഴുതി പൊട്ടും തൊട്ടിനു ശേഷം മഞ്ജു വാര്യരും ബിജു മേനോനും ഒരുമിച്ചഭിനയിച്ച ചിത്രമാണ് ലളിതം സുന്ദരം.