ലോകത്തിനാകെ അന്നും ഇന്നും പിരാന്ത്; ശ്രദ്ധ നേടി ഷെയിൻ നിഗമിന്റെ വലിയ പെരുന്നാളിനെ പുതിയ ഗാനം

മലയാള സിനിമയിൽ ഇപ്പോൾ ചർച്ചാവിഷയം യുവനടൻ ഷെയ്ൻ നിഗമാണ്. ഷെയ്ൻ നിഗമിനെ നായകനാക്കി നവാഗതനായ ഡിമൽ ഡെന്നിസ് സംവിധാനം ചെയ്തിരിക്കുന്ന ചിത്രമാണ് വലിയ പെരുനാൾ. ഡിസംബർ 20 ന് ചിത്രം കേരളത്തിൽ പ്രദർശനത്തിനെത്തും. ഒരു ഡാന്സറുടെ വേഷത്തിലാണ് ഷെയ്ൻ ചിത്രത്തിൽ പ്രത്യക്ഷപ്പെടുന്നത്. ഡിമൽ, തശ്രീഖ് അബ്ദുൽ എന്നിവർ ചേർന്നാണ് സിനിമയുടെ തിരക്കഥ ഒരുക്കിയിരിക്കുന്നത്. സിനിമ പ്രേമികൾ ഏറെ പ്രതീക്ഷയോടെ കാത്തിരുന്ന വലിയ പെരുന്നാളിലെ പുതിയ ഗാനം പുറത്തിറങ്ങി. പിരാന്ത് എന്ന് തുടങ്ങുന്ന വളരെ വ്യത്യസ്തമായ ഗാനമാണ് അണിയറ പ്രവർത്തകർ പുറത്തുവിട്ടിരിക്കുന്നത്.

റെക്‌സ് വിജയനാണ് സിനിമയുടെ സംഗീത സംവിധാനം നിർവഹിച്ചിരിക്കുന്നത്. അഫ്‌സലാണ് പിരാന്ത് എന്ന് തുടങ്ങുന്ന ഗാനം ആലപിച്ചിരിക്കുന്നത്. ഒരു പരീക്ഷണ ഗാനം എന്ന് അവകാശപ്പെടുന്ന ഈ ഗാനം ഒരു പുതുമ കൊണ്ട്‌വരുന്നുണ്ട്. പിരാന്ത് ഗാനം ഇതിനോടകം സമൂഹ മാധ്യമങ്ങളിൽ ഏറെ ശ്രദ്ധ നേടി കഴിഞ്ഞു. ഗാനം സൂചിപ്പിക്കുന്നത് പോലെ വളരെ റിയലിസ്റ്റിക് ആയാണ് ചിത്രം അണിയിച്ചൊരുക്കിയിരിക്കുന്നത്. സുരേഷ് രാജനാണ് ഛായാഗ്രഹണം നിർവഹിച്ചിരിക്കുന്നത്. വിവേക് ഹർഷനാണ് എഡിറ്റിംഗ് വർക്കുകൾ കൈകാര്യം ചെയ്തിരിക്കുന്നത്. മാജിക് മൗണ്ടൻ സിനിമാസിന്റെ ബാനറിൽ മോനിഷ രാജീവും അൻവർ റഷീദും ചേർന്നാണ് ചിത്രം നിർമ്മിച്ചിരിക്കുന്നത്.