പെപ്സി ആന്റി; അപ്സര റാണിയുടെ മാദക നൃത്തവുമായി സീട്ടിമാറിലെ ഗാനം; വീഡിയോ കാണാം..!

പ്രശസ്ത ഗ്ലാമർ നായികയായ അപ്സര റാണിയുടെ മാദക നൃത്തവുമായി എത്തി ശ്രദ്ധ നേടുകയാണ് ഗോപീചന്ദ് നായകനായി എത്തുന്ന സീട്ടിമാർ എന്ന ചിത്രത്തിലെ പെപ്സി ആന്റി എന്ന ഗാനം. ഇപ്പോൾ വലിയ രീതിയിൽ വൈറൽ ആവുന്ന ഈ ഐറ്റം സോങിന് സംഗീതം ഒരുക്കിയത് മണി ശർമ ആണ്. വിപഞ്ചി വരികൾ എഴുതിയ ഈ ഗാനം ആലപിച്ചിരിക്കുന്നത് കീർത്തന ശർമ ആണ്. തമന്ന ഭട്ടിയ ആണ് ഈ ചിത്രത്തിലെ നായികാ വേഷം ചെയ്തിരിക്കുന്നത്. സമ്പത് നന്ദി രചിച്ചു സംവിധാനം ചെയ്തിരിക്കുന്ന ഈ ചിത്രം നിർമ്മിക്കുന്നത് ശ്രീനിവാസ ചിറ്റൂരി ആണ്.

സൗന്ദർ രാജൻ എസ് കാമറ ചലിപ്പിച്ച ഈ ചിത്രം എഡിറ്റ് ചെയ്തിരിക്കുന്നത് തമ്മിരാജ് ആണ്. പവൻ കുമാർ ആണ് ഈ ചിത്രം അവതരിപ്പിച്ചിരിക്കുന്നത്. രാം ഗോപാൽ വർമ്മ ചിത്രത്തിലെ നായിക വേഷം ചെയ്തു ശ്രദ്ധ നേടിയ നടി ആണ് ഈ വീഡിയോയിൽ നൃത്തം ചെയ്യുന്ന അപ്സര റാണി. രാം ഗോപാൽ വർമ ഒരുക്കിയ ഡെയ്‌ൻജെറെസ് എന്ന് പേരുള്ള ഇന്ത്യയിലെ ആദ്യത്തെ ലെസ്ബിയൻ ചിത്രത്തിലെ നായികയാണ് അപ്സര റാണി. നൈന ഗാംഗുലിയും പ്രധാന വേഷം ചെയ്യുന്ന ഈ ചിത്രം ഏപ്രിൽ 8 നു ആണ് റിലീസ് ചെയ്യുന്നത്. ഇത് കൂടാതെ വേറെ ചിത്രങ്ങളിലും ഗ്ലാമർ വേഷങ്ങൾ ചെയ്ത് ശ്രദ്ധ നേടിയിട്ടുണ്ട് അപ്സര റാണി. സീട്ടി മാർ എന്ന ഈ ചിത്രം ഒരു പക്കാ തെലുങ്ക് മാസ്സ് എന്റർടൈനേർ ആയാണ് ഒരുക്കിയിരിക്കുന്നത്. ഏഴു ദിവസം മുൻപ് റിലീസ് ആയ ഈ വീഡിയോ ഗാനം ഇതിനോടകം ഒരു ലക്ഷത്തിൽ കൂടുതൽ കാഴ്ചക്കാരെ നേടിക്കഴിഞ്ഞു.