മലയാളികൾ ഓണം ആഘോഷിക്കുമ്പോൾ തന്റെ തമിഴ് സിനിമാ സെറ്റിലും ഓണം ആഘോഷവുമായി സൂപ്പർസ്റ്റാർ രജനികാന്ത്. ലോകേഷ് കനകരാജ് സംവിധാനം ചെയ്യുന്ന കൂലി എന്ന ചിത്രത്തിന്റെ സെറ്റിൽ നിന്നുള്ള ഓണം ആഘോഷ വീഡിയോ ആണ് അണിയറ പ്രവർത്തകർ പുറത്ത് വിട്ടത്. മുണ്ടും ഷർട്ടുമിട്ടു വന്ന രജനികാന്ത്, തന്റെ അടുത്ത റിലീസായ വേട്ടയ്യാനിലെ മലയാളം വരികളുള്ള ‘ മനസ്സിലായോ’ എന്ന സൂപ്പർ ഹിറ്റ് ഗാനത്തിന് ചുവടു വെക്കുന്ന വീഡിയോ ആണ് പുറത്ത് വന്നിരിക്കുന്നത്. കൂലിയുടെ സംവിധായകൻ ലോകേഷ് കനകരാജിനെയും വീഡിയോയിൽ കാണാം.
കൂലിയുടെ സെറ്റിൽ ഗംഭീരമായി ഓണം ആഘോഷിക്കുന്ന സൂപ്പർ താരം എന്ന കുറിപ്പുമായാണ് സൺ പിക്ചേഴ്സ് ഈ വീഡിയോ റിലീസ് ചെയ്തിരിക്കുന്നത്. മലയാളത്തിന്റെ പ്രിയ താരം സൗബിന് ഷാഹിറും പ്രധാന വേഷത്തില് എത്തുന്ന ഈ ചിത്രത്തിന്റെ ചിത്രീകരണം പുരോഗമിക്കുകയാണ്. ദയാൽ എന്ന കഥാപാത്രമായാണ് സൗബിൻ ഈ ചിത്രത്തിൽ അഭിനയിക്കുന്നത്. ദേവ എന്ന സ്വർണ്ണ കള്ളക്കടത്തുകാരനായാണ് രജനികാന്ത് വേഷമിടുന്നതെന്നാണ് സൂചന.
മലയാളിയായ ഗിരീഷ് ഗംഗാധരന് ഛായാഗ്രഹണം നിര്വഹിക്കുന്ന സിനിമയുടെ സംഗീതം ഒരുക്കുന്നത് അനിരുദ്ധ് രവിചന്ദർ ആണ്. ശ്രുതി ഹാസൻ, സത്യരാജ്, നാഗാർജുന, ഉപേന്ദ്ര എന്നിവരും ഈ ചിത്രത്തിന്റെ താരനിരയിലുണ്ട്. ബോളിവുഡ് താരം ആമിർ ഖാൻ ഇതിലൊരു അതിഥി വേഷം ചെയ്യുമെന്നും സൂചനയുണ്ട്. രജനികാന്തിന്റെ അടുത്ത റിലീസ് ടി ജെ ജ്ഞാനവേൽ സംവിധാനം ചെയ്ത വേട്ടയ്യാനാണ്. ഒക്ടോബർ പത്തിന് റിലീസ് ചെയ്യുന്ന ഈ ചിത്രത്തിൽ മഞ്ജു വാര്യർ, ഫഹദ് ഫാസിൽ, അമിതാബ് ബച്ചൻ, റാണ ദഗ്ഗുബതി എന്നിവരും വേഷമിട്ടിരിക്കുന്നു.
ഇന്ന് കേരകത്തിൽ പ്രദർശനം ആരംഭിച്ച പ്രധാന മലയാള ചിത്രങ്ങളിൽ ഒന്നാണ് പ്രശസ്ത സംവിധായകനായ അരുൺ വൈഗ സംവിധാനം ചെയ്ത യുണൈറ്റഡ്…
പ്രശസ്ത സംവിധായകൻ അരുൺ വൈഗ ഒരുക്കിയ യുണൈറ്റഡ് കിങ്ഡം ഓഫ് കേരള ഇന്ന് മുതൽ കേരളത്തിൽ പ്രദർശനം ആരംഭിക്കും. കേരളത്തിൽ…
രഞ്ജിത്ത് സജീവ്, ഇന്ദ്രൻസ്, സംഗീത,ജോണി ആന്റണി,മഞ്ജു പിള്ള, സാരംഗി ശ്യാം എന്നിവരെ പ്രധാന കഥാപാത്രങ്ങളാക്കി ചെമ്പരത്തി പൂവ്, ഉപചാരപൂർവ്വം ഗുണ്ട…
എ ആൻഡ് എച്ച് എസ് പ്രൊഡക്ഷൻസിന്റെ ബാനറിൽ അബ്ബാസ് തിരുനാവായ, സജിൻ അലി, ദിപൻ പട്ടേൽ എന്നിവർ ചേർന്ന് നിർമ്മിക്കുന്ന…
എസ്. പ്രേം ആനന്ദ് രചനയും സംവിധാനവും നിർവ്വഹിച്ച് 2025-ൽ പുറത്തിറങ്ങിയ ആക്ഷൻ ഹൊറർ കോമഡി ചിത്രമാണ് ഡെവിൾസ് ഡബിൾ നെക്സ്റ്റ്…
നവാഗത സംവിധായകൻ ബിന്റോ സ്റ്റീഫൻ സംവിധാനം ചെയ്യുന്ന പ്രിൻസ് ആൻഡ് ഫാമിലി,ജൂൺ 20 മുതൽ മലയാളത്തിലും തമിഴിലും സ്ട്രീമിങ്ങ് ആരംഭിക്കുന്നു.ജനപ്രിയ…
This website uses cookies.