ഒമർ ലുലു സംവിധാനം ചെയ്യുന്ന മൂന്നാമത്തെ ചിത്രമാണ് ഒരു അഡാർ ലവ്. ഇപ്പോൾ ചിത്രീകരണം നടന്നു കൊണ്ടിരിക്കുന്ന ഈ ചിത്രത്തിലെ ഒരു ഗാനരംഗം ദിവസങ്ങൾക്കു മുൻപ് റിലീസ് ചെയ്യുകയും , ആ ഗാനവും അതിൽ അഭിനയിച്ച പ്രിയ വാര്യർ എന്ന നടിയും അക്ഷരാർഥത്തിൽ സോഷ്യൽ മീഡിയ ഇളക്കി മറിക്കുകയും ചെയ്തിരുന്നു. പ്രിയ വാര്യർ ആ ഒറ്റ ഗാനം കൊണ്ടും ലോക പ്രശസ്തയായി എന്ന് പറഞ്ഞാൽ അതൊട്ടും അതിശയോക്തി ആവില്ല. സോഷ്യൽ മീഡിയയിൽ ഇപ്പോൾ പ്രിയ ആണ് നിറഞ്ഞു നിൽക്കുന്നത്.
അപ്പോഴിതാ ഇന്ന് ഒരു അഡാർ ലവ് എന്ന ചിത്രത്തിന്റെ ആദ്യ ടീസറും റിലീസ് ചെയ്തു കഴിഞ്ഞു. റിലീസ് ചെയ്തു നിമിഷങ്ങൾക്കുള്ളിൽ ഈ ടീസർ സോഷ്യൽ മീഡിയയിൽ കൊടുങ്കാറ്റു പോലെ ആഞ്ഞടിക്കുകയാണ്. മലയാള സിനിമയിൽ പുതിയ യൂട്യൂബ് റെക്കോർഡുകൾ ആണ് ഈ ചിത്രത്തിന്റെ ടീസർ ഇപ്പോൾ സൃഷ്ടിച്ചു കൊണ്ടിരിക്കുന്നത്.
ഗംഭീര സ്വീകരണം ലഭിക്കുന്ന ഈ ടീസറിന്റെയും പ്രധാന ആകർഷണം പ്രിയാ വാര്യർ തന്നെയാണ്. ഔസേപ്പച്ചൻ വാളക്കുഴി നിർമ്മിക്കുന്ന ഒരു അഡാര് ലവ് പുതുമുഖങ്ങളെ കേന്ദ്ര കഥാപാത്രങ്ങൾ ആക്കിയാണ് ഒമർ ലുലു ഒരുക്കുന്നത്. സ്കൂൾ ലൈഫ് ആണ് ഈ ചിത്രത്തിന്റെ വിഷയം. സിനു സിദ്ധാർഥ് ദൃശ്യങ്ങൾ ഒരുക്കുന്ന ഈ ചിത്രം രചിച്ചിരിക്കുന്നത് സാരംഗ്, ലിജോ എന്നിവർ ചേർന്നാണ്. ഷാൻ റഹ്മാൻ സംഗീതം പകർന്നിരിക്കുന്ന ഈ ചിത്രം അച്ചു വിജയൻ ആണ് എഡിറ്റ് ചെയ്യുന്നത്. ഈ ചിത്രത്തിലെ സൂപ്പർ ഹിറ്റായ മാണിക്യ മലരായി എന്ന ഗാനം ആലപിച്ചിരിക്കുന്നത് വിനീത് ശ്രീനിവാസൻ ആണ്. ഏതായാലും ഈ ഗാനവും പുതിയ ടീസറും കൊണ്ട് മലയാളി യുവ പ്രേക്ഷകർ ഏറ്റവും കൂടുതൽ കാത്തിരിക്കുന്ന ചിത്രമായി ഒരു അഡാർ ലവ് മാറി കഴിഞ്ഞു.
ഉണ്ണി മുകുന്ദനെ നായകനാക്കി ഹനീഫ് അദനി ഒരുക്കുന്ന ആക്ഷൻ ചിത്രം മാർക്കോയുടെ ഏറ്റവും പുതിയ പോസ്റ്റർ സോഷ്യൽ മീഡിയയിൽ വൈറലാവുന്നു.…
മലയാളത്തിന്റെ യുവതാരം ദുൽഖർ സൽമാൻ നായകനായി ഒരു മലയാള ചിത്രം പ്രേക്ഷകരുടെ മുന്നിലെത്തിയത് കഴിഞ്ഞ വർഷം ഓണത്തിനാണ്. അഭിലാഷ് ജോഷിയുടെ…
സൈജു കുറുപ്പ്, വിൻസി അലോഷ്യസ് എന്നിവരെ പ്രധാന കഥാപാത്രങ്ങളാക്കി ഒരുക്കുന്ന 'ഓകെ ഡിയർ' എന്ന ചിത്രത്തിന്റെ മോഷൻ പോസ്റ്റർ പുറത്ത്.…
മലയാളത്തിന്റെ മഹാനടൻ മോഹൻലാലും, മലയാള സിനിമയിൽ വ്യത്യസ്ത ശൈലിയിലൂടെ കഥ പറഞ്ഞ് കൊണ്ട് ലോക ശ്രദ്ധയാകർഷിച്ച സംവിധായകൻ ലിജോ ജോസ്…
മലയാളത്തിന്റെ മെഗാസ്റ്റാർ മമ്മൂട്ടി വീണ്ടും വില്ലനായി എത്തുന്നു എന്ന് വാർത്തകൾ. ഈ വർഷം പുറത്ത് വന്ന ഭ്രമയുഗം എന്ന പീരീഡ്…
മലയാള സിനിമയുടെ 'അമ്മ മുഖം എന്നറിയപ്പെടുന്ന കവിയൂർ പൊന്നമ്മ കാലയവനികക്കുള്ളിൽ മറഞ്ഞു. മലയാളി പ്രേക്ഷകരുടെ മനസ്സിൽ ''അമ്മ" എന്ന് കേൾക്കുമ്പോൾ…
This website uses cookies.