[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Videos

ആ ക്ലാസിക് ഗാനം വീണ്ടും വെള്ളിത്തിരയിലേക്ക്; വൈക്കം മുഹമ്മദ് ബഷീറായി ടോവിനോ തോമസ്; നീലവെളിച്ചത്തിലെ പുത്തൻ ഗാനം കാണാം

ടോവിനോ തോമസിനെ നായകനാക്കി സൂപ്പർ ഹിറ്റ് സംവിധായകൻ ആഷിഖ് അബു സംവിധാനം ചെയ്ത ഏറ്റവും പുതിയ ചിത്രമാണ് നീലവെളിച്ചം. മികച്ച വിജയം നേടിയ മായാനദി, നിരൂപക പ്രശംസ നേടിയ നാരദൻ എന്നിവക്ക് ശേഷം ഇവർ ഒന്നിച്ച ഈ പുതിയ ചിത്രം, 1964 ഇൽ പുറത്തു വന്ന ഭാർഗവി നിലയം എന്ന ചിത്രത്തിന്റെ പുനരാവിഷ്കാരമാണ്. വൈക്കം മുഹമ്മദ് ബഷീറിന്റെ ഭാർഗ്ഗവീനിലയം എന്ന വിഖ്യാത തിരക്കഥയെ അടിസ്ഥാനമാക്കിയാണ് ഈ ചിത്രമൊരുക്കിയിരിക്കുന്നത്. മലയാളത്തിലെ ആദ്യ ഹൊറർ ചിത്രമെന്ന പ്രത്യേകതയുമുള്ള ഭാർഗവീനിലയം അന്ന് സംവിധാനം ചെയ്തത് എ വിൻസെന്റാണ്. മധു, പ്രേം നസീർ, വിജയ നിർമല എന്നിവരാണ് ഭാർഗവി നിലയത്തിലെ പ്രധാന വേഷങ്ങൾ അവതരിപ്പിച്ചത്. ആഷിഖ് അബു ഒരുക്കിയ നീല വെളിച്ചം എന്ന ഈ പുനരാവിഷ്ക്കാരത്തിൽ പ്രധാന വേഷങ്ങൾ ചെയ്യുന്നത് ടോവിനോ തോമസ്, റിമ കല്ലിങ്കൽ, ഷൈൻ ടോം ചാക്കോ, റോഷൻ മാത്യു എന്നിവരാണ്.

ഇപ്പോഴിതാ പഴയ ചിത്രത്തിലെ ഒരു ക്ലാസിക് ഗാനവും ഇപ്പോൾ പുതിയ ചിത്രത്തിലൂടെ ഒരിക്കൽ കൂടി പ്രേക്ഷകരുടെ മുന്നിലെത്തിയിരിക്കുകയാണ്. പി ഭാസ്കരൻ വരികൾ രചിച്ച്, എം എസ് ബാബുരാജ് ഈണം പകർന്ന ഏകാന്തതയുടെ മഹാതീരം എന്ന ഗാനത്തിന്റെ വീഡിയോയാണ് ഇപ്പോൾ റിലീസ് ചെയ്തിരിക്കുന്നത്. വൈക്കം മുഹമ്മദ് ബഷീറായി ഈ ഗാനത്തിൽ നമ്മുക്ക് ടോവിനോ തോമസിനെ കാണാൻ സാധിക്കും. അനുരാഗ മധുചഷകം എന്ന വരികളോടെ ആരംഭിക്കുന്ന ഭാർഗവി നിലയിലെ മറ്റൊരു ഗാനവും നേരത്തെ പുത്തൻ ഭാവത്തിൽ റിലീസ് ചെയ്തിരുന്നു. റിമ കല്ലിങ്കലാണ് ആ ഗാനരംഗത്തിൽ എത്തിയത്. രാജഷ് മാധവൻ, ഉമ കെ.പി., പൂജാ മോഹൻരാജ്, ദേവകി ഭാഗി, അഭിരാം എന്നിവരും വേഷമിട്ട നീല വെളിച്ചം, ഒപിഎം ഡ്രീം മിൽ എന്ന ബാനറിനു കീഴിൽ ആഷിക് അബുവും സന്തോഷ് ടി കുരുവിളയും ചേർന്നാണ് നിർമ്മിച്ചത്. ഗിരീഷ് ഗംഗാധരൻ ക്യാമറ ചലിപ്പിച്ച ഈ ചിത്രം, എഡിറ്റ് ചെയ്തത് സൈജു ശ്രീധരൻ, ഇതിന് സംഗീതമൊരുക്കിയത് ബിജിബാൽ, റെക്സ് വിജയൻ എന്നിവർ ചേർന്നുമാണ്.

webdesk

Recent Posts

താരശോഭയിൽ ”യുണൈറ്റഡ് കിങ്ഡം ഓഫ് കേരള” യുടെ ഓഡിയോ ലോഞ്ച്

ഫ്രാഗ്രൻ്റെ നേച്ചർ ഫിലിംസ്, പൂയപ്പള്ളി ഫിലിംസ് എന്നീ ബാനറുകളിൽ ആൻ ,സജീവ്, അലക്സാണ്ടർ മാത്യു എന്നിവർ നിർമ്മിച്ച് അരുൺ വൈഗ…

1 day ago

ജെപ്പ്‌ സോങ്ങുമായി ആസിഫ് അലി- താമർ ചിത്രം “സർക്കീട്ട്”; വീഡിയോ ഗാനം പുറത്ത്

ആസിഫ് അലിയെ നായകനാക്കി താമർ തിരക്കഥ രചിച്ചു സംവിധാനം ചെയ്യുന്ന 'സർക്കീട്ട്' എന്ന ചിത്രത്തിലെ ജെപ്പ് സോങ് പുറത്ത്. ഏറെ…

1 day ago

നടനവിസ്മയം “തുടരും, മോഹന നടനത്തിന്റെ തിളക്കവുമായി തരുൺ മൂർത്തി മാജിക്; “തുടരും” റിവ്യൂ വായിക്കാം

മലയാളത്തിന്റെ മോഹൻലാൽ നായകനായ "തുടരും" പ്രേക്ഷകരുടെ മുന്നിലെത്തിയത് ഏറെ പ്രതീക്ഷകൾക്ക് നടുവിലാണ്. ഓപ്പറേഷൻ ജാവാ, സൗദി വെള്ളക്ക എന്നീ ചിത്രങ്ങളിലൂടെ…

2 days ago

സൗഹൃദ ബന്ധത്തിന്റെ യാത്ര തുടങ്ങുന്നു; ആസിഫ് അലിയുടെ ‘സർക്കീട്ട്’ ട്രെയ്‌ലർ പുറത്തിറങ്ങി..

ആസിഫ് അലിയെ നായകനാക്കി താമർ സംവിധാനം ചെയ്യുന്ന 'സർക്കീട്ട്' എന്ന ചിത്രത്തിന്റെ ഒഫീഷ്യൽ ട്രെയ്‌ലർ പുറത്തിറങ്ങി. ഒരു ഫീൽ ഗുഡ്…

4 days ago

പോരാട്ട വീര്യവുമായി ‘നരിവേട്ട’; ട്രെയ്‌ലർ പുറത്തിറങ്ങി..

ടൊവിനോ തോമസിനെ നായകനാക്കി അനുരാജ് മനോഹർ സംവിധാനം ചെയ്ത ‘നരിവേട്ട’ സിനിമയുടെ ഒഫീഷ്യൽ ട്രെയ്‌ലർ പ്രിയതാരം ദുൽഖർ സൽമാൻ റിലീസ്…

4 days ago

സോഷ്യൽ മീഡിയയിൽ വൈറലായി അനു സിതാര വ്ലോഗ്; ആദിവാസി കർഷകനും പത്മശ്രീ ജേതാവുമായ ചെറുവയൽ രാമനൊപ്പം താരം

സിനിമകളിലെ ഗംഭീര പ്രകടനങ്ങളിലൂടെ പ്രേക്ഷകരുടെ കയ്യടി നേടിയ നടി അനു സിതാര, ഇപ്പൊൾ പുത്തൻ റോളിൽ വൈറലാവുന്നു. പ്രശസ്ത ആദിവാസി…

5 days ago

This website uses cookies.