ഇന്ത്യൻ സിനിമയിലെ ഏറ്റവും മികച ആ നൃത്ത രംഗവുമായി ആർ ആർ ആറിലെ നാട്ടു കൂത്ത്; വീഡിയോ കാണാം..!

എസ് എസ് രാജമൗലി ഒരുക്കിയ ആർ ആർ ആർ എന്ന ചിത്രം ഇപ്പോൾ ആയിരം കോടി ബോക്സ് ഓഫീസ് കളക്ഷൻ നേടി മെഗാ ബ്ലോക്ക്ബസ്റ്റർ ആയി കുതിക്കുകയാണ്. ഇപ്പോഴിതാ ഈ ചിത്രത്തിൽ ആരാധകരേയും സിനിമ പ്രേമികളേയും ഒരുപോലെ ത്രസിപ്പിച്ച ആ കിടിലൻ ഡാൻസ് വീഡിയോ പുറത്തു വന്നിരിക്കുകയാണ്. ഈ ചിത്രത്തിന്റെ ഹൈലൈറ്റുകളിൽ ഒന്നായ നാട്ടു കൂത്ത് എന്ന ഗാനത്തിന്റെ വീഡിയോ ആണ് റിലീസ് ആയിരിക്കുന്നത്. നേരത്തെ ഇതിന്റെ ലിറിക്/ മേക്കിങ് വീഡിയോ ആണ് പുറത്തു വന്നു സൂപ്പർ ഹിറ്റായിരുന്നത്. ജൂനിയർ എൻ ടി ആർ, റാം ചരൺ എന്നിവരുടെ അതിഗംഭീരമായ നൃത്തമാണ് ഈ ഗാനത്തിന്റെ ഹൈലൈറ്റ് എന്ന് പറയാം. അത്തരം ചടുലമായ, ത്രസിപ്പിക്കുന്ന, മെയ്‌വഴക്കം കാണിച്ചു തരുന്ന നൃത്ത ചുവടുകളാണ് ഈ ഗാനത്തിൽ അവർ കാണിച്ചു തരുന്നത്.

തമിഴ്, മലയാളം, ഹിന്ദി, തെലുങ്കു, കന്നഡ ഭാഷകളിൽ ആണ് ഈ ഗാനം പുറത്തു വന്നിരിക്കുന്നത്. എം എം കീരവാണി സംഗീതം ഒരുക്കിയ ഈ ഗാനത്തിന് വരികൾ രചിച്ചിരിക്കുന്നത് ചന്ദ്രബോസ് ആണ്. രാഹുൽ സിപ്ലിഗുഞ്ഞ, കാലഭൈരവ എന്നിവർ ചേർന്നാണ് ഈ ഗാനം തെലുങ്കിൽ ആലപിച്ചിരിക്കുന്നത്. ഇന്ത്യൻ സിനിമയിലെ ഏറ്റവും മികച്ച നൃത്ത രംഗങ്ങളിൽ ഒന്ന് എന്ന് അഭിനന്ദനം ലഭിച്ച ഈ ഗാനത്തിന് വേണ്ടി നൃത്ത സംവിധാനം നിർവഹിച്ചിരിക്കുന്നതു പ്രേം രക്ഷിത് ആണ്. ആലിയ ഭട്ട്. അജയ് ദേവ്‌ഗൺ, ഒലിവിയ മോറിസ്, സമുദ്രക്കനി, ശ്രേയ ശരൺ എന്നിവരും ഈ ചിത്രത്തിന്റെ താരനിരയിൽ ഉണ്ട്. അഞ്ഞൂറ് കോടിക്ക് മുകളിൽ മുതൽ മുടക്കി ഈ ചിത്രം നിർമ്മിച്ചിരിക്കുന്നത് ഡി വി വി എന്റെർറ്റൈന്മെന്റ്സ് ആണ്.