ലെജൻഡ് ശരവണന്റെ കിടിലൻ ഗാനം; നായികയായി ഉർവശി റൗട്ടല്ല; വീഡിയോ കാണാം..!

പരസ്യങ്ങളിലൂടെ ശ്രദ്ധേയനായ ബിസിനസ്സ്മാൻ ലെജൻഡ് ശരവണൻ ആദ്യമായി നായകനായി എത്തുന്ന ചിത്രമാണ് ദി ലെജൻഡ്. ഇപ്പോഴിതാ ഈ ചിത്രത്തിലെ പുതിയ വീഡിയോ ഗാനം വലിയ ശ്രദ്ധ നേടുകയാണ്. ഹാരിസ് ജയരാജിന്റെ സംഗീതത്തിൽ ഒരുങ്ങിയ മോസലോ മൊസല് എന്ന ഗാനത്തിന്റെ വീഡിയോ ആണ് ഇപ്പോൾ ഹിറ്റ് ആയി മാറുന്നത്. ലെജൻഡ് ശരവണനും ഗ്ലാമർ നായികമാരും ചേർന്നുള്ള നൃത്തമാണ് ഈ ഗാനത്തിന്റെ ഹൈലൈറ്റ് എന്ന് പറയാം. അർമാൻ മാലിക്, മുകേഷ് മുഹമ്മദ് എന്നിവർ ചേർന്ന് പാടിയ ഈ ഗാനം രചിച്ചത് പാ വിജയ് ആണ്. തിങ്ക് മ്യൂസിക്കിന്റെ യൂട്യൂബ് ചാനലിൽ ഇന്ന് റിലീസ് ചെയ്തിരിക്കുന്ന ഈ ഗാനത്തിന് ഇതിനോടകം ഒന്നര ലക്ഷത്തോളം കാഴ്ചക്കാരെ ലഭിച്ചു കഴിഞ്ഞു.

ജെ ഡി ആൻഡ് ജെറി എന്നീ സംവിധായകർ ചേർന്നാണ് ഈ ചിത്രം ഒരുക്കിയിരിക്കുന്നത്. നായകനായ ലെജൻഡ് ശരവണൻ തന്നെ നിർമ്മിച്ചിരിക്കുന്ന ഈ ചിത്രത്തിന് ക്യാമെറ ചലിപ്പിച്ചത് പി വേൽരാജ്, എഡിറ്റ് ചെയ്തിരിക്കുന്നത് റൂബൻ എന്നിവരാണ്. പ്രശസ്ത നൃത്ത സംവിധായകൻ ആയ രാജു സുന്ദരം ആണ് ഇന്ന് പുറത്തു വന്ന ഗാനത്തിന് നൃത്ത സംവിധാനം നിർവഹിച്ചിരിക്കുന്നത്. ബ്രിന്ദ മാസ്റ്റർ, ദിനേശ് മാസ്റ്റർ എന്നിവരും ഈ ചിത്രത്തിന് വേണ്ടി നൃത്ത സംവിധാനം നിർവഹിച്ചിട്ടുണ്ട്. പട്ടുകോട്ടൈ പ്രഭാകർ ആണ് ഈ ചിത്രത്തിന് വേണ്ടി സംഭാഷണങ്ങൾ രചിച്ചിരിക്കുന്നത്. ഉർവശി റൗട്ടല്ല ആണ് ഈ ചിത്രത്തിലെ നായികാ വേഷം ചെയ്യുന്നത്. പ്രഭു, വിവേക്, നാസർ, വിജയകുമാർ, കോവൈ സരള എന്നിവരും ഈ ചിത്രത്തിൽ അഭിനയിച്ചിട്ടുണ്ട്. ഒരു സയൻസ് ഫിക്ഷൻ ചിത്രമായി ആണ് ദി ലെജൻഡ് ഒരുക്കുന്നത് എന്നാണ് സൂചന.