സോഷ്യൽ മീഡിയയെ തീ പിടിപ്പിച്ചു മോഹൻലാലിന്റെ രാജകീയ എൻട്രി; വീഡിയോ കാണാം..!

മലയാളത്തിന്റെ മഹാനടൻ, കംപ്ലീറ്റ് ആക്ടർ മോഹൻലാൽ സോഷ്യൽ മീഡിയയിൽ ഏറ്റവും കൂടുതൽ ഫോളോവെർസ് ഉള്ള മലയാള താരമാണ്. ഓൺലൈനിലും പുറത്തും ഏറ്റവും വലിയ ആരാധക വൃന്ദമുള്ള മലയാള താരമാണ് മോഹൻലാൽ എന്നത് കൊണ്ട് തന്നെ അദ്ദേഹവുമായി ബന്ധപ്പെട്ട ഓരോ കാര്യങ്ങളും നിമിഷ നേരം കൊണ്ടാണ് സമൂഹ മാധ്യമങ്ങളിൽ വൈറലായി മാറുന്നത്. അങ്ങനെ വമ്പൻ ഹിറ്റായി മാറിയ ഒട്ടേറെ വീഡിയോകളും ഫോട്ടോകളും മോഹൻലാലിന്റേതായി ഉണ്ട്. ഇപ്പോഴിതാ, അത്തരമൊരു വീഡിയോ സോഷ്യൽ മീഡിയയിൽ വലിയ രീതിയിൽ പ്രചരിക്കുകയാണ്‌. കഴിഞ്ഞ ദിവസം നടന്ന ‘അമ്മ ജനറൽ ബോഡി മീറ്റിംഗിലേക്കുള്ള മോഹൻലാലിന്റെ എൻട്രിയും അവിടെയുള്ള നിമിഷങ്ങളുമാണ് ഈ വീഡിയോയുടെ ഉള്ളടക്കം. പരമ്പരാഗതമായ വേഷത്തിൽ, രാജകീയ എൻട്രി ആണ് മോഹൻലാൽ ‘അമ്മ മീറ്റിംഗിലേക്കു നടത്തിയത്. അത്കൊണ്ട് തന്നെ ഇന്നലെ മുതൽ സോഷ്യൽ മീഡിയ മുഴുവൻ നിറഞ്ഞു നിൽക്കുന്നത് ആ മീറ്റിംഗിൽ നിന്നുള്ള മോഹൻലാലിന്റെ ചിത്രങ്ങൾ ആണ്.

മോഹൻലാലിനൊപ്പം ഒരു ചിത്രം എടുക്കാൻ അമ്മയിലെ മറ്റു താരങ്ങൾ മത്സരിക്കുന്ന കാഴ്ചയും കാണാൻ സാധിക്കുമായിരുന്നു. അമ്മ പ്രസിഡന്റ് ആയി തുടർച്ചയായി രണ്ടാം തവണയും എതിരില്ലാതെയാണ് മോഹൻലാൽ തിരഞ്ഞെടുക്കപ്പെട്ടത്. പ്രസിഡന്റ് സ്ഥാനത്തു വന്നു രണ്ടു വർഷം കൊണ്ട് തന്നെ അമ്മ സംഘടനയുടെ ചരിത്രത്തിലെ തന്നെ ഏറ്റവും മികച്ച നേതാക്കളിൽ ഒരാളാവാൻ മോഹൻലാലിന് സാധിച്ചു എന്നാണ് സംഘടനയിലെ ഓരോ അംഗങ്ങളും അഭിപ്രായപ്പെടുന്നത്. ഇപ്പോൾ പുറത്തു വന്നിരിക്കുന്ന ഈ വീഡിയോ എഡിറ്റ് ചെയ്തിരിക്കുന്നത് ഹരി എം നായരും, ഈ വീഡിയോക്ക് വേണ്ടിയുള്ള ദൃശ്യങ്ങൾ പകർത്തിയത് പ്രണവ് സി സുഭാഷുമാണ്. നേരത്തെ ഗുരുവായൂർ അമ്പലത്തിൽ നിന്നുള്ള മോഹൻലാലിന്റെ ഇതുപോലെ ഒരു വീഡിയോ പ്രണവും ഹരിയും ചേർന്ന് ചെയ്തത് സോഷ്യൽ മീഡിയയിൽ സൂപ്പർ ഹിറ്റായി മാറിയിരുന്നു.