അനിരുദ്ധിന്റെ ത്രസിപ്പിക്കുന്ന പശ്ചാത്തല സംഗീതത്തിൽ വീണ്ടും മോഹൻലാലിന്റെ മാത്യു; ജയിലർ സ്പെഷ്യൽ വീഡിയോ കാണാം.
മലയാളത്തിന്റെ മഹാനടൻ മോഹൻലാലിനെ മാസ്സ് അവതാരത്തിൽ സിനിമാപ്രേക്ഷകർ ഒട്ടേറെ തവണ ആഘോഷിച്ചിട്ടുണ്ടെങ്കിലും, ആദ്യമായാണ് അദ്ദേഹത്തിന്റെ ഒരു മാസ്സ് അതിഥി വേഷം ഇന്ത്യ മുഴുവൻ ആഘോഷിക്കപ്പെടുന്നത്. മെഗാബ്ലോക്ക്ബസ്റ്റർ ഹിറ്റായ സൂപ്പർസ്റ്റാർ ചിത്രം ജയിലറിൽ വെറും 5 മിനിറ്റ് മാത്രം വരുന്ന കഥാപാത്രമായാണ് മോഹൻലാൽ എത്തിയതെങ്കിലും, ചിത്രം റിലീസ് ആയ ദിവസം മുതൽ തന്നെ ആ കഥാപാത്രം സോഷ്യൽ മീഡിയയിൽ തരംഗമായി മാറി. കേരളത്തിൽ ആദ്യമായി 50 കോടി കളക്ഷൻ നേടിയ ചിത്രമായി ജയിലർ മാറിയതിലും, കുടുംബ പ്രേക്ഷകരടക്കം ഈ തമിഴ് ചിത്രം കാണാൻ കേരളത്തിലെ തീയേറ്ററുകളിലേക്ക് ഒഴുകിയെത്തിയതിലും മോഹൻലാലിന്റെ സാന്നിധ്യം വഹിച്ച പങ്ക് വളരെ വലുതാണെന്ന് കേരളത്തിലെ തീയേറ്റർ ഉടമകളും സാക്ഷ്യപ്പെടുത്തുന്നു. മാത്യു എന്ന് പേരുള്ള ഒരു മുംബൈ ഗ്യാങ്സ്റ്റർ ആയാണ് മോഹൻലാൽ ഈ ചിത്രത്തിലെത്തിയത്.
റെട്രോ മോഡൽ ഹെയർ സ്റ്റൈലും കൂളിംഗ് ഗ്ലാസും കളർഫുള്ളായ വസ്ത്രങ്ങളും കയ്യിൽ ചെയിനും കഴുത്തിൽ മാലയുമായി പ്രത്യക്ഷപ്പെട്ട മോഹൻലാലിൻറെ ലുക്ക് തന്നെ സോഷ്യൽ മീഡിയയിൽ വൈറലായി മാറി. അതിനൊപ്പം അനിരുദ്ധ് രവിചന്ദറിന്റെ കിടിലൻ പശ്ചാത്തല സംഗീതത്തിന്റെ അകമ്പടിയോടെയുള്ള രണ്ട് മാസ്സ് രംഗങ്ങളും കൂടിയായപ്പോൾ തീയേറ്ററുകൾ പൂരപ്പറമ്പുകളായി. ഇപ്പോഴിതാ ആ ത്രസിപ്പിക്കുന്ന മാത്യു സ്പെഷ്യൽ സംഗീതത്തിന്റെ അകമ്പടിയോടെ ഒരു സ്പെഷ്യൽ വീഡിയോ റിലീസ് ചെയ്തിരിക്കുകയാണ് സൺ പിക്ചേഴ്സ്. മാത്യു എന്ന കഥാപാത്രത്തെ ആസ്‍പദമാക്കി ഒരു മുഴുനീള ചിത്രം ചെയ്യാനും സംവിധായകൻ നെൽസൺ ദിലീപ്കുമാറിനോട് ഇപ്പോൾ ആവശ്യപ്പെടുകയാണ് ആരാധകരും സിനിമാ പ്രേമികളും. ഏതായാലും ഒരിക്കൽ കൂടി മോഹൻലാലിൻറെ മാത്യുവും അനിരുദ്ധിന്റെ ആ ആവേശകരമായ പശ്ചാത്തല സംഗീതവും സോഷ്യൽ മീഡിയ ഭരിക്കുകയാണ്
അഭിഷേക് നാമ രചിച്ചു സംവിധാനം ചെയ്യുന്ന വമ്പൻ തെലുങ്ക് ചിത്രമായ 'നാഗബന്ധ'ത്തിൽ നൃത്ത സംവിധാനം നിർവഹിക്കാൻ പ്രശസ്ത നൃത്ത സംവിധായകനായ…
ടോവിനോ തോമസ്, സുരാജ് വെഞ്ഞാറമൂട്, ചേരൻ എന്നിവരെ മുഖ്യ കഥാപാത്രങ്ങളാക്കി അനുരാജ് മനോഹർ ഒരുക്കുന്ന പുതിയ ചിത്രം നരിവേട്ടയുടെ ഡബ്ബിങ്…
ശാസ്ത്രജ്ഞനായ ജി.ഡി. നായിഡുവിന്റെ ജീവചരിത്രമാണ് സിനിമയാവുന്നത് 'ഇന്ത്യയുടെ എഡിസൺ' എന്നറിയപ്പെടുന്ന ഗോപാൽസ്വാമി ദൊരൈസ്വാമി നായിഡുവിന്റെ ബയോപിക് സിനിമയിൽ ജി.ഡി. നായിഡുവിന്റെ…
ശ്യാം ശീതൾ സംവിധാനം നിർവ്വഹിക്കുന്ന രണ്ടാമത്തെ ഹ്രസ്വ ചിത്രമാണ് ‘എൻ്റെ’ . ആദ്യമായി ഒരുക്കിയ ചിത്രത്തിന് ലോകത്തിലെ തന്നെ ഏറ്റവും…
കഥാപാത്രങ്ങളിലെ വൈവിധ്യം കൊണ്ട് പ്രേക്ഷകരുടെ പ്രിയതാരമായി മാറിയ ഷറഫുദീൻ പ്രേക്ഷകർക്ക് മുന്നിലെത്തുന്ന "ദി പെറ്റ് ഡിക്റ്റക്റ്റീവ്" ഏപ്രിൽ 25ന് പ്രദർശനത്തിനെത്തുന്നു.…
പുലി മുരുകൻ എന്ന മോഹൻലാൽ ചിത്രം തനിക്ക് നിർമ്മാതാവ് എന്ന നിലയിൽ സമ്മാനിച്ചത് ചരിത്ര വിജയമെന്ന് ടോമിച്ചൻ മുളകുപാടം. ചിത്രം…
This website uses cookies.