മലയാളികളുടെ പ്രിയപ്പെട്ട ഒരു കൂട്ടുകെട്ടിന്റെ ഏറ്റവും പുതിയ ചിത്രങ്ങളാണ് ഇപ്പോൾ സോഷ്യൽ മീഡിയ മുഴുവൻ നിറഞ്ഞു നിൽക്കുന്നത്. മലയാളി പ്രേക്ഷകരുടെ മനസ്സിൽ ചിരപ്രതിഷ്ഠ നേടിയ മോഹൻലാൽ- ശ്രീനിവാസൻ ടീം ഒരുമിച്ചുള്ള ഏറ്റവും പുതിയ ചിത്രം ഇപ്പോൾ മലയാള സിനിമാ ലോകവും ഏറ്റെടുക്കുകയാണ്. മഴവിൽ മനോരമയുടെ മഴവിൽ എന്ററൈൻമെൻറ് അവാർഡിന്റെ ഒരു ട്രൈലെർ വീഡിയോ ഇന്ന് പുറത്തു വന്നിരുന്നു. ആ വീഡിയോയിലാണ് മോഹൻലാൽ- ശ്രീനിവാസൻ ടീമിനെ ഏറെക്കാലത്തിനു ശേഷം പ്രേക്ഷകർ ഒരുമിച്ചു കണ്ടത്. അനാരോഗ്യം മൂലം സിനിമയിൽ നിന്നും വിട്ടു നിന്ന ശ്രീനിവാസനെ മഴവിൽ അവാർഡ് ദാന വേദിയിൽ വെച്ചാദരിക്കുന്ന ചടങ്ങിലാണ് ഇരുവരും വീണ്ടുമൊന്നിച്ചത്. ശ്രീനിവാസനെ അടുത്തേക്ക് ചേർത്ത് അദ്ദേഹത്തിന്റെ കവിളിൽ മുത്തം നൽകുന്ന മോഹൻലാലിന്റെ ചിത്രങ്ങൾ ഇപ്പോൾ മലയാള സിനിമയിലെ താരങ്ങളടക്കം പങ്കു വെക്കുകയാണ്. നിവിൻ പോളി, അജു വർഗീസ്, ധ്യാൻ ശ്രീനിവാസൻ, സംവിധായകൻ തരുൺ മൂർത്തി തുടങ്ങി ഒട്ടേറെ പ്രമുഖർ ഈ ചിത്രം പങ്കു വെച്ച് കഴിഞ്ഞു.
മോഹൻലാൽ- ശ്രീനിവാസൻ ടീമിനൊപ്പം ഇവരുടെ ഉറ്റ ചങ്ങാതി കൂടിയായ സംവിധായകൻ സത്യൻ അന്തിക്കാടും ഉണ്ട്. സത്യൻ അന്തിക്കാടിന്റെ ഏറ്റവും കൂടുതൽ ചിത്രങ്ങളിൽ പ്രധാന വേഷങ്ങൾ ചെയ്തവരാണ് മോഹൻലാലും ശ്രീനിവാസനും. ശ്രീനിവാസന്റെ തിരക്കഥയിൽ, സത്യൻ അന്തിക്കാട് സംവിധാനം ചെയ്ത് മോഹൻലാൽ നായകനായി അഭിനയിച്ച ചിത്രങ്ങൾ മലയാളത്തിലെ ക്ലാസ്സിക്കുകളാണ്. അതിൽ തന്നെ നാടോടിക്കാറ്റ്, പട്ടണ പ്രവേശം, പ്രിയദർശൻ ഒരുക്കിയ അക്കരെ അക്കരെ അക്കരെ എന്നീ ചിത്രങ്ങളിലൂടെ മലയാളികളുടെ ജീവിതത്തിന്റെ തന്റെ ഭാഗമായി മാറിയ മോഹൻലാൽ- ശ്രീനിവാസൻ കഥാപാത്രങ്ങളാണ് ദാസനും വിജയനും. ആ ചിത്രങ്ങളിലെ ഇവരുടെ സൗഹൃദവും തമാശയും സംഭാഷണങ്ങളുമെല്ലാം ഇപ്പോൾ സൂപ്പർ ഹിറ്റാണ്. അതിലെ ഡയലോഗിന്റെ അകമ്പടിയോടെയാണ് ഇന്ന് വന്ന ട്രൈലെർ വീഡിയോയും ഒരുക്കിയിരിക്കുന്നതെന്നത് ശ്രദ്ധേയമാണ്.
വീഡിയോ കടപ്പാട്: Mazhavil Manorama
പോംപി എന്റർടൈൻമെന്റ്സ് & ഫ്ലൈയിങ് കളേഴ്സ് എന്റർടൈൻമെന്റ്സ് ചേർന്നൊരുക്കുന്ന ഏറ്റവും പുതിയ ചിത്രം ആരണ്യകാണ്ഡത്തിന്റെ പൂജ ഇന്ന് അഞ്ചുമന ക്ഷേത്രത്തിൽ…
മലയാള സിനിമയിൽ വ്യത്യസ്തമായൊരു ഫാന്റസി കോമഡി ത്രില്ലർ അനുഭവം സമ്മാനിക്കുകയാണ് പ്രിൻസ് ജോയ് സംവിധാനം ചെയ്ത ‘ടൈറ്റൻസ്’. കോമഡിയും ക്രൈമും…
ജയസൂര്യയും വിനായകനും പ്രധാന വേഷങ്ങളിലെത്തുന്ന പ്രിൻസ് ജോയ് ചിത്രം ‘ടൈറ്റൻസി’ന്റെ അഡ്വാൻസ് ടിക്കറ്റ് ബുക്കിംഗ് ആരംഭിച്ചു. ഒക്ടോബർ 22ന് ആഗോളതലത്തിൽ…
അനൂപ് മേനോനും ഐശ്വര്യ മിഥുൻ കോറോത്തും പ്രധാന വേഷങ്ങളിൽ എത്തിയ ചിത്രം 'ചിരം ' കണ്ട എംഎൽഎ ഫാത്തിമ തഹ്ളിയ…
ജയസൂര്യയും വിനായകനും പ്രധാന വേഷങ്ങളിലെത്തുന്ന ‘ടൈറ്റൻസ്’ സിനിമയുടെ സെൻസറിംഗ് പൂർത്തിയായി. ചിത്രത്തിന് U/A 16+ സർട്ടിഫിക്കറ്റാണ് ലഭിച്ചത്. പ്രിൻസ് ജോയ്…
ജയസൂര്യയെ നായകനാക്കി പ്രിൻസ് ജോയ് സംവിധാനം ചെയ്യുന്ന ‘ടൈറ്റൻസി’ലെ വീഡിയോ ഗാനം ‘ആഗോള ശൃംഖല’ പുറത്തിറങ്ങി. വൈക്കം വിജയലക്ഷ്മിയും സന്നിധാനന്ദനും…
This website uses cookies.