മലയാളത്തിന്റെ മഹാനടൻ മോഹൻലാലിനെ നായകനാക്കി സൂപ്പർ ഹിറ്റ് സംവിധായകൻ ഷാജി കൈലാസ് ഒരുക്കിയ പരീക്ഷണ ചിത്രമാണ് എലോൺ. കോവിഡ് മഹാമാരിയുടെ പശ്ചാത്തലത്തിൽ ഒരുക്കിയ ഈ ചിത്രത്തിൽ മോഹൻലാൽ ഒറ്റക്കാണ് അഭിനയിക്കുന്നത്. ഈ വരുന്ന ജനുവരി 26 ന് റിലീസ് ചെയ്യാൻ പോകുന്ന എലോണിന്റെ ട്രൈലെർ പുതുവത്സര ദിനത്തിലാണ് റിലീസ് ചെയ്തത്. റിലീസ് ചെയ്ത നിമിഷം മുതൽ ഗംഭീര പ്രേക്ഷക പ്രതികരണമാണ് ഈ ട്രൈലെർ നേടുന്നത്. മലയാളി പ്രേക്ഷകർ ഇതുവരെ കാണാത്ത തരത്തിലുള്ള ഒരു ചിത്രമായിരിക്കും എലോൺ എന്ന സൂചനയാണ് ഈ ട്രൈലെർ തരുന്നത്. ഏകദേശം മുഴുവൻ ഭാഗവും ഒരു ഫ്ലാറ്റിൽ ഷൂട്ട് ചെയ്തിരിക്കുന്ന ഈ ചിത്രം ഒരു ത്രില്ലർ ആണെന്നും, അതുപോലെ ഇതിൽ ഹൊറർ എലമെന്റുകൾ ഉണ്ടെന്നും ട്രൈലെർ നമ്മുക്ക് കാണിച്ചു തരുന്നുണ്ട്. കാളിദാസൻ എന്ന കഥാപാത്രമായാണ് മോഹൻലാൽ ഈ ചിത്രത്തിലെത്തുന്നത്.
മോഹൻലാൽ മാത്രമാണ് അഭിനയിച്ചിരിക്കുന്നതെങ്കിലും, ശബ്ദ സാന്നിധ്യമായി മലയാളത്തിലെ പ്രമുഖ താരങ്ങൾ ഈ ചിത്രത്തിന്റെ ഭാഗമായിട്ടുണ്ട്. അതിൽ പ്രധാനിയാണ് യുവ സൂപ്പർ താരം പൃഥ്വിരാജ് സുകുമാരൻ. ഹരി എന്ന് പേരുള്ള കഥാപാത്രമായാണ് പൃഥ്വിരാജ് ഈ ചിത്രത്തിൽ തന്റെ ശബ്ദത്തിലൂടെ എത്തുന്നത്. പൃഥ്വിരാജ് കൂടാതെ സിദ്ദിഖ്, രഞ്ജി പണിക്കർ, മഞ്ജു വാര്യർ എന്നിവരുടെയും ശബ്ദം ഈ ട്രെയ്ലറിൽ നമ്മുക്ക് കേൾക്കാം. മോഹൻലാൽ എന്ന നടന്റെ പ്രകടനത്തിന് പ്രാധാന്യം കൊടുക്കുന്ന ഈ ചിത്രം രചിച്ചിരിക്കുന്നത് രാജേഷ് ജയരാമനാണ്. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിച്ച ഈ ചിത്രത്തിന് സംഗീതമൊരുക്കിയത് ടീം ഫോർ മ്യൂസിക്സ് ആണ്. അഭിനന്ദം രാമാനുജൻ, പ്രമോദ് കെ പിള്ളൈ എന്നിവർ ക്യാമറ ചലിപ്പിച്ച ഈ ചിത്രം എഡിറ്റ് ചെയ്തിരിക്കുന്നത് ഡോൺ മാക്സ് ആണ്.
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന മജു ചിത്രം 'പെരുമാനി'യിലെ ആദ്യ ഗാനം…
പവി കെയർ ടേക്കറിലൂടെ മലയാളത്തിന്റെ സ്വന്തം ജനപ്രിയനായകൻ വമ്പൻ തിരിച്ചു വരവ് നടത്തിയിരിക്കുകയാണ്. മികച്ച അഭിപ്രായങ്ങളുമായി പവി കെയർ ടേക്കർ…
'അനുരാഗ കരിക്കിൻ വെള്ളം', 'ഉണ്ട', 'ലവ്', 'തല്ലുമാല' എന്നീ ഹിറ്റ് ചിത്രങ്ങൾക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന ചിത്രത്തിന്റെ…
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവരെ കേന്ദ്ര കഥാപാത്രങ്ങളാക്കി മജു തിരക്കഥ എഴുതി സംവിധാനം ചെയ്യുന്ന 'പെരുമാനി'…
ജനപ്രിയ നായകൻ ദിലീപ് നായകനായ പവി കെയർ ടേക്കർ അഞ്ചു ദിവസം പിന്നടുമ്പോൾ മികച്ച അഭിപ്രയത്തോടൊപ്പം ബോക്സ് ഓഫീസിലും മിന്നുന്ന…
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന 'പെരുമാനി'യുടെ ട്രെയിലർ പുറത്തിറങ്ങി. കത്തിക്കാനും കലഹങ്ങളുണ്ടാക്കാനും…
This website uses cookies.