ഇന്ത്യൻ സിനിമയിലെ പ്രമുഖർക്കൊപ്പം മോഹൻലാൽ; വന്ദേ മാതരം ടീസർ ഇതാ

ലോക്ക് ഡൗൺ കാലത്ത് താടി നീട്ടി വളർത്തിയ മോഹൻലാലിന്റെ പുതിയ ലുക്കാണ് ഇപ്പോൾ സമൂഹ മാധ്യമങ്ങളിൽ ശ്രദ്ധ നേടുന്നത്. ബറോസ് എന്ന ചിത്രത്തിന് വേണ്ടിയാണ് ഈ താടിയെന്നും സൂചനയുണ്ട്. ചെന്നൈയിൽ നിന്ന് കൊച്ചിയിൽ എത്തിയ ശേഷം കുറെ ദിവസം ക്യാറൻറ്റയ്നിലാണ് താരം കഴിഞ്ഞത്. അടുത്തിടെ കോവിഡ് പരിശോധനാഫലം നെഗറ്റീവ് ആയിരുന്നു എന്നും റിപ്പോർട്ടുകളുണ്ട്. സ്വാതന്ത്ര ദിനത്തിന് മുന്നോടിയായി വന്ദേ മാതരത്തിന്റെ പ്രൊമോ സോങ് പുറത്തിറങ്ങിയിരിക്കുകയാണ്. ഇന്ത്യയിലെ ജനങ്ങൾ 74മത്തെ സ്വാതന്ത്ര ദിനം ആഘോഷിക്കാൻ ഒരുങ്ങുകയാണ്. ഇന്ത്യയിലെ മുൻനിര താരങ്ങളും ഗായകരും പാടുന്നതിന്റെ ടീസർ നടൻ മോഹൻലാൽ ഫേസ്ബുക്ക് പേജിൽ പങ്കുവെച്ചിരിക്കുകയാണ്.

എസ്.പി ബാലസുബ്രഹ്മണ്യം, ശ്രേയ ഘോഷാൽ, ഹേമമാലിനി, ജൂഹി ചൗള, തുടങ്ങി വൻ താരനിര തന്നെയാണ് സോങ് ടീസറിൽ പ്രത്യക്ഷപ്പെട്ടിരിക്കുന്നത്. ഇന്ത്യയിലെ പ്രമുഖ വ്യക്തികൾ ചേർന്ന് ആലപിക്കുന്ന ഈ വന്ദേ മാതരം ആഗസ്റ്റ് 15നാണ് പുറത്തിറങ്ങുക. പല സ്ഥങ്ങളിലായി ചിത്രീകരിച്ചിരിക്കുന്ന വിഡിയോയാണ് ഒന്നാക്കി ഒരുക്കിയിരിക്കുന്നത്. എല്ലാ ഭാഷകളിലെ താരങ്ങൾ വന്ദേ മാതരം എന്ന ഗാനം ആലപിക്കുവാൻ ഒരുമിക്കുന്നു എന്ന് അറിഞ്ഞതോടെ ഇന്ത്യയിലെ ജനങ്ങൾ തന്നെ പ്രൊമോ സോങ് ഇതിനോടകം ഏറ്റടുത്തു കഴിഞ്ഞു. കൊറോണയുടെ കടന്ന് വരവ് മൂലം ഇന്ത്യയിലെ ജനങ്ങൾ ഒന്നടങ്കം സ്തംഭിച്ചു ഇരിക്കുകയാണ്. ആഘോഷങ്ങൾ എല്ലാം പൂർണ്ണമായി ഒഴുവാക്കി ഒന്നടങ്കം ഈ മഹാമാരിയെ ഇപ്പോൾ നേരിട്ട് കൊണ്ടിരിക്കുകയാണ്.