തന്റെ ആദ്യ സംവിധാന സംരംഭമായ ബറോസ് എന്ന ചിത്രത്തിന്റെ പ്രീ പ്രൊഡക്ഷൻ ജോലിയുമായി തിരക്കിലാണ് മലയാളത്തിന്റെ സൂപ്പർ താരം മോഹൻലാൽ. ഈ മാസം അവസാനം ഷൂട്ടിംഗ് ആരംഭിക്കാൻ പാകത്തിനാണ് ബറോസിന്റെ ജോലികൾ പുരോഗമിക്കുന്നത്. സംവിധാനം മാത്രമല്ല, ഈ ചിത്രത്തിലെ കേന്ദ്ര കഥാപാത്രത്തിന് ജീവൻ നൽകുന്നതും മോഹൻലാൽ ആണ്. പക്ഷെ ഈ തിരക്കുകൾക്കിടയിലും ശരീരത്തിന്റെ ആരോഗ്യം കാത്തു സൂക്ഷിക്കുന്നതിൽ അതീവ ശ്രദ്ധാലുവാണ് മോഹൻലാൽ. ഇപ്പോൾ സോഷ്യൽ മീഡിയയിൽ വൈറലാകുന്നത് കഴിഞ്ഞ ദിവസം അദ്ദേഹം പോസ്റ്റ് ചെയ്ത തന്റെ വർക് ഔട്ട് വീഡിയോ ആണ്. വ്യത്യസ്തമായ വ്യായാമ മുറകൾ അനായാസമായി ചെയ്യുന്ന മോഹൻലാൽ ഈ അറുപതാം വയസ്സിലും ആരാധകരെ അമ്പരപ്പിക്കുകയാണ്.
https://www.instagram.com/p/CMUlURfHk3X/
ഇതിന് മുമ്പും അദ്ദേഹത്തിന്റെ വർക് ഔട്ട് വീഡിയോകൾ സോഷ്യൽ മീഡിയയിൽ വൈറൽ ആയിട്ടുണ്ട്. മനസ്സിനും ശരീരത്തിനും ഒരുപോലെ ആരോഗ്യവും സമാധാനവും പകരാൻ വ്യായാമത്തിന് സാധിക്കുമെന്നും അദ്ദേഹം കുറിച്ചിട്ടുണ്ട്. ഏതായാലും സൂപ്പർ താരത്തിന്റെ ഈ പുതിയ വീഡിയോക്ക് വലിയ സ്വീകരണമാണ് പ്രേക്ഷകർ നൽകുന്നത്. ദൃശ്യം 2 എന്ന തന്റെ പുതിയ ചിത്രം ലോകമെമ്പാടുമുള്ള പ്രേക്ഷകർ സ്വീകരിച്ചതിന്റെ സന്തോഷത്തിൽ കൂടിയാണ് മോഹൻലാൽ. പ്രിയദർശൻ ഒരുക്കിയ മരക്കാർ അറബിക്കടലിന്റെ സിംഹം, ബി ഉണ്ണികൃഷ്ണൻ ഒരുക്കിയ ആറാട്ട് എന്നിവയാണ് ഇനി റിലീസ് ചെയ്യാനുള്ള മോഹൻലാൽ ചിത്രങ്ങൾ. ബറോസ് പൂർത്തിയാക്കിയതിനു ശേഷം, ജീത്തു ജോസഫ് ഒരുക്കുന്ന റാം എന്ന ചിത്രവും മോഹൻലാൽ പൂർത്തിയാക്കും. ഇതു കൂടാതെ ഒട്ടേറെ വമ്പൻ ചിത്രങ്ങളാണ് മോഹൻലാൽ നായകനായി അണിയറയിൽ ഒരുങ്ങുന്നത്. നിർമ്മാതാക്കളുടെ സംഘടന, അമ്മ അസോസിയേഷൻ എന്നിവ നിർമ്മിക്കുന്ന ചിത്രങ്ങളിലും മോഹൻലാൽ തന്നെയാണ് നായകൻ.
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്ത "മൂൺ വാക്" മെയ് 30 നു ആണ് റിലീസ്…
കൈതിയിലൂടെ സംവിധായകന് ലോകേഷ് കനകരാജ് തുടക്കം കുറിച്ച സിനിമാറ്റിക് യൂണിവേഴ്സായ എല് സി യുവിലെ അടുത്ത ചിത്രമായ ബെൻസിൽ മലയാളത്തിന്റെ…
നിരൂപക പ്രശംസകളും പ്രേക്ഷകപ്രീതിയും നേടിയ ചിത്രം മൂൺ വാക്ക് തിയേറ്ററിൽ വിജയകരമായി മുന്നേറുകയാണ്. ലിജോ ജോസ് പെല്ലിശ്ശേരിയും ലിസ്റ്റിൻ സ്റ്റീഫനും…
മലയാള സിനിമാ ലോകത്തു പ്രതിഭാധനന്മാരായ നൂറിൽപ്പരം കലാകാരന്മാരുടെ മികച്ച പ്രകടനങ്ങൾ ലിജോ ജോസ് പെല്ലിശ്ശേരി അവതരിപ്പിക്കുന്ന മൂൺ വാക്കിലൂടെ നാളെ…
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്യുന്ന "മൂൺ വാക്" മെയ് 30 നു പ്രേക്ഷകരുടെ മുന്നിലെത്തുകയാണ്.…
ലിജോ ജോസ് പെല്ലിശേരിയും ലിസ്റ്റിൻ സ്റ്റീഫനും പ്രേക്ഷകരിലേക്കെത്തിക്കുന്ന മൂൺ വാക്ക് എന്ന ചിത്രത്തിന്റെ വേവ് കോണ്ടെസ്റ്റിൽ പങ്കെടുത്ത് നാളത്തെ താരമാകാനും…
This website uses cookies.