നമിത പ്രമോദിനും ഷംന കാസിമിനുമൊപ്പം ആടിത്തിമിർത്ത് മോഹൻലാൽ; മോഹൻലാലിന്റെ തകർപ്പൻ നൃത്തം കാണാം..

മലയാള സിനിമ താര സംഘടനയായ അമ്മ ഒരിക്കൽ കൂടി മലയാളത്തിലെ ഏറ്റവും വലിയ സ്റ്റേജ് ഷോയ്ക്ക് ഒരുങ്ങുകയാണ്. മലയാളത്തിലെ വലിയ വിജയമായ ഷോയ്ക്ക് ശേഷമാണ് വർഷങ്ങളുടെ ഇടവേളക്ക് ശേഷം അമ്മ വീണ്ടുമെത്തുന്നത്. മൂന്ന് വർഷങ്ങൾക്ക് മുൻപായിരുന്നു ഇതിന് മുൻപ് ഓരോ ഷോ ‘അമ്മ സംഘടന നടത്തിയത്. മഴവിൽ മനോരമയുടെ പങ്കാളിത്തത്തോടെ നടത്തിയ മഴവിൽ അഴകിൽ അമ്മ എന്ന ആ ഷോ വലിയ വിജയമായിരുന്നു. പുതിയ ഷോയും മഴവിൽ മനോരമയുമായി ചേർന്ന് തന്നെയാണ് നടത്തുന്നത്. സംവിധായകനായ സിദ്ധിഖ്, റാഫി തുടങ്ങിയവരും പരുപാടിയുടെ പിന്നണിയിൽ പ്രവർത്തിക്കുന്നുണ്ട്.

മെയ് ആറിന് തിരുവനന്തപുരത്ത് വച്ച് നടക്കുന്ന പരിപാടിയുടെ റിഹേഴ്സൽ വീഡിയോ ആണ് ഇപ്പോൾ നവമാധ്യമങ്ങളിൽ തരംഗമായി മാറിക്കൊണ്ടിരിക്കുന്നത്. നൃത്തത്തിലും അപാര പ്രാധാന്യമുള്ള മോഹൻലാൽ തന്റെ നൃത്തച്ചുവടുകൾ മലയാളികളെ പലപ്പോഴും ഞെട്ടിച്ചിട്ടുണ്ട് അത്തരത്തിലൊന്ന് തന്നെയാണ് ഇപ്പോൾ തരംഗമായി കൊണ്ടിരിക്കുന്നതും. യുവതാരങ്ങളായ നമിതാ പ്രമോദിനും ഷംന കാസിമിനുമൊപ്പം മോഹൻലാൽ ആടിത്തിമർക്കുന്ന വീഡിയോയാണിപ്പോൾ പുറത്ത് വന്നുകൊണ്ടിരിക്കുന്നത്. നൃത്തച്ചുവടുകൾ കൊണ്ട് തൊണ്ണൂറുകളിൽ തരംഗം സൃഷ്ടിച്ച വന്ദനത്തിലെ ഗാനത്തിനാണ് മോഹൻലാൽ വർഷങ്ങൾക്ക് ശേഷം വീണ്ടും നൃത്തച്ചുവടുകൾ വച്ചിരിക്കുന്നത്. യുവാതാരങ്ങളെ പോലും വെല്ലുന്ന അസാമാന്യ മെയ്വഴക്കത്തോടെയാണ് മോഹൻലാൽ നൃത്ത ചുവടുകൾ വച്ചിരിക്കുന്നത്. മമ്മൂട്ടി, ജയറാം തുടങ്ങി വലിയ താര നിര തന്നെ ഇത്തവണയും ഷോയ്ക്ക് മിഴിവേകാൻ ഒപ്പമുണ്ടാകും. ഇതിനോടകം തന്നെ തരംഗമായ നൃത്തത്തിന്റെ ആവേശം മെയ് 6 ന് അനന്തപുരിയിൽ കാണാം.