മനോഹരമായ മഴ പാട്ടുമായി പടവെട്ട് എത്തുന്നു; സോങ് പ്രോമോ വീഡിയോ കാണാം

മലയാളത്തിന്റെ യുവ താരം നിവിൻ പോളി നായകനായെത്തുന്ന പുതിയ ചിത്രങ്ങളിലൊന്നായ പടവെട്ട് ഈ വരുന്ന ഒക്ടോബർ 21 നു റിലീസ് ചെയ്യുമെന്നാണ് പ്രഖ്യാപിച്ചിരിക്കുന്നത്. നവാഗതനായ ലിജു കൃഷ്ണ രചിച്ചു സംവിധാനം ചെയ്ത ഈ ചിത്രം നിവിൻ പോളി ആരാധകരും സിനിമ പ്രേമികളും ഏറെ നാളായി കാത്തിരിക്കുന്ന ഒരു ചിത്രവുമാണ്. കഴിഞ്ഞ മാസം റിലീസ് ചെയ്ത ഇതിന്റെ ട്രൈലെർ വലിയ പ്രേക്ഷക ശ്രദ്ധയാണ് നേടിയെടുത്തത്. ഇപ്പോഴിതാ ഇതിലെ ഒരു ഗാനം റിലീസ് ചെയ്യാൻ പോവുകയാണ്. നാളെ റിലീസ് ചെയ്യാൻ പോകുന്ന ഈ ഗാനത്തിന്റെ ഒരു പ്രോമോ വീഡിയോ ഇന്ന് പുറത്ത് വിട്ടിരിക്കുകയാണ് അണിയറ പ്രവർത്തകർ. മഴ പാട്ടെന്ന പേരിൽ വരുന്ന ഈ ഗാനം രചിച്ചത് അൻവർ അലി, ആലപിച്ചത് ഗോവിന്ദ് വസന്ത, ആനി അമി എന്നിവർ ചേർന്നാണ്. ഗോവിന്ദ് വസന്ത തന്നെയാണ് ഈ ചിത്രത്തിന് വേണ്ടി സംഗീത സംവിധാനം നിർവ്വഹിച്ചിരിക്കുന്നതും.

https://youtu.be/PD7XTGeACho

യുവ താരം സണ്ണി വെയ്‌ന്റെ സണ്ണി വെയ്ൻ പ്രൊഡക്ഷൻസ്, യോഡ്ലീ ഫിലിംസ് എന്നിവർ ചേർന്ന് നിർമ്മിച്ചിരിക്കുന്ന ഈ ചിത്രത്തിന് വേണ്ടി വലിയ രീതിയിലുള്ള ശാരീരിക മാറ്റമാണ് നിവിൻ പോളി നടത്തിയത്. അരുവി എന്ന തമിഴ് ചിത്രത്തിലൂടെ ശ്രദ്ധ നേടിയ അദിതി ബാലനാണ് ഈ ചിത്രത്തിലെ നായികാ വേഷം ചെയ്തിരിക്കുന്നത്. ഷൈൻ ടോം ചാക്കോ, ഇന്ദ്രൻസ്, ഷമ്മി തിലകൻ, വിജയരാഘവൻ, കൈനകിരി തങ്കരാജ്, ബാലൻ പാറക്കൽ, സുധീഷ് എന്നിവരുമഭിനയിച്ച ഈ ചിത്രം നിവിൻ പോളിയുടെ കരിയറിലെ തന്നെ വമ്പൻ ചിത്രങ്ങളിലൊന്നാണ്. ദീപക് ഡി മേനോന്‍ ഛായാഗ്രഹണവും, രംഗനാഥ് രവി സൗണ്ട് ഡിസൈനിങ്ങും നിർവഹിക്കുന്ന ഈ ചിത്രം എഡിറ്റ് ചെയ്യുന്നത് ഷെഫീഖ് മുഹമ്മദ് അലിയാണ്