മലയാളത്തിന്റെ മെഗാ സ്റ്റാർ മമ്മൂട്ടി ഇപ്പോൾ തന്റെ തെലുങ്കു ചിത്രത്തിന്റെ ഷൂട്ടിങ്ങിനായി ഹംഗറിയിലാണ്. ഏജന്റ് എന്ന് പേരുള്ള തെലുങ്കു ചിത്രത്തിലാണ് അദ്ദേഹം ഇപ്പോൾ അഭിനയിക്കുന്നത്. യാത്രക്ക് ശേഷം മമ്മൂട്ടി ചെയ്യുന്ന ഈ തെലുങ്കു ചിത്രത്തിലെ നായക വേഷം ചെയ്യുന്നത് തെലുങ്കു സൂപ്പർ താരം നാഗാർജുനയുടെ മകൻ അഖിൽ അക്കിനേനി ആണ്. ഒരു ഹോളിവുഡ് ചിത്രത്തിന്റെ തെലുങ്കു റീമേക് ആണെന്ന് കരുതപ്പെടുന്ന ഏജന്റിൽ മമ്മൂട്ടി അഭിനയിക്കുന്നത് ഒരു പട്ടാള ഓഫീസർ ആയാണ് എന്നാണ് സൂചന. മെഗാ സ്റ്റാർ ഹംഗറിയിൽ എത്തിയപ്പോൾ ഉള്ള ഒരു ചിത്രം സോഷ്യൽ മീഡിയയിൽ വൈറൽ ആയിരുന്നു. ഇപ്പോഴിതാ അവിടെ നിന്നുള്ള അദ്ദേഹത്തിന്റെ വീഡിയോ ആണ് ശ്രദ്ധ നേടുന്നത്. കിടിലൻ ലുക്കിൽ മമ്മൂട്ടി പ്രത്യക്ഷപ്പെട്ടിരിക്കുന്ന ഈ വീഡിയോ അദ്ദേഹത്തിന്റെ തന്നെ ഇൻസ്റ്റാഗ്രാം പേജിലൂടെയാണ് പുറത്തു വന്നിരിക്കുന്നത്.
ഏതായാലും സ്റ്റൈലിഷ് ലുക്കിൽ എത്തിയിരിക്കുന്ന മെഗാ സ്റ്റാർ, ഈ തെലുങ്കു ചിത്രത്തിലും കിടിലൻ ലുക്കിൽ ആവും എത്തുക എന്നാണ് പ്രതീക്ഷ. സുരീന്ദർ റെഡ്ഢി സംവിധാനം ചെയ്യുന്ന ഈ ചിത്രം ജേസൺ ബോൺ എന്ന ഹോളിവുഡ് ചിത്രത്തിൽ നിന്നാണ് പ്രചോദനം ഉൾക്കൊണ്ടിരിക്കുന്നതു എന്നാണ് സൂചന. ഹൈദരാബാദിൽ തുടങ്ങിയ ഈ ചിത്രം ഹംഗറി ഷെഡ്യൂളിന് ശേഷം ഡൽഹി, കാശ്മീർ എന്നിവിടങ്ങളിലും ഷൂട്ട് ചെയ്യും. മൂന്നര കോടിയാണ് മമ്മൂട്ടിയുടെ ഈ ചിത്രത്തിലെ പ്രതിഫലമെന്നും വാർത്തകൾ ഉണ്ട്. മലയാളത്തിൽ അദ്ദേഹം അഭിനയിച്ചു ഇനി വരാൻ ഉള്ളത് അമൽ നീരദിന്റെ ഭീഷ്മ പർവവും നവാഗതയായ രഥീനയുടെ പുഴുവും ആണ്. ലിജോ ജോസ് പെല്ലിശ്ശേരി, കെ മധു ചിത്രങ്ങൾ ആണ് ഇനി അദ്ദേഹം ചെയ്യാൻ പോകുന്ന മലയാള ചിത്രങ്ങൾ.
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന മജു ചിത്രം 'പെരുമാനി'യിലെ ആദ്യ ഗാനം…
പവി കെയർ ടേക്കറിലൂടെ മലയാളത്തിന്റെ സ്വന്തം ജനപ്രിയനായകൻ വമ്പൻ തിരിച്ചു വരവ് നടത്തിയിരിക്കുകയാണ്. മികച്ച അഭിപ്രായങ്ങളുമായി പവി കെയർ ടേക്കർ…
'അനുരാഗ കരിക്കിൻ വെള്ളം', 'ഉണ്ട', 'ലവ്', 'തല്ലുമാല' എന്നീ ഹിറ്റ് ചിത്രങ്ങൾക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന ചിത്രത്തിന്റെ…
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവരെ കേന്ദ്ര കഥാപാത്രങ്ങളാക്കി മജു തിരക്കഥ എഴുതി സംവിധാനം ചെയ്യുന്ന 'പെരുമാനി'…
ജനപ്രിയ നായകൻ ദിലീപ് നായകനായ പവി കെയർ ടേക്കർ അഞ്ചു ദിവസം പിന്നടുമ്പോൾ മികച്ച അഭിപ്രയത്തോടൊപ്പം ബോക്സ് ഓഫീസിലും മിന്നുന്ന…
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന 'പെരുമാനി'യുടെ ട്രെയിലർ പുറത്തിറങ്ങി. കത്തിക്കാനും കലഹങ്ങളുണ്ടാക്കാനും…
This website uses cookies.