ആക്ഷന്റെ പൊടിപൂരം; മെഗാ മാസ്സ് ട്രെയ്‌ലറുമായി മധുര രാജ..!

മമ്മൂട്ടി ആരാധകർ ഏറെ ആവേശത്തോടെ കാത്തിരുന്ന മധുര രാജ എന്ന ചിത്രത്തിന്റെ ട്രൈലെർ ഇന്ന് റിലീസ് ചെയ്തു കഴിഞ്ഞു. അക്ഷരാർത്ഥത്തിൽ ആരാധകരെ ത്രസിപ്പിക്കുന്ന ഒരു കിടിലൻ ട്രൈലെർ ആണ് ഇപ്പോൾ അണിയറ പ്രവർത്തകർ പുറത്തു വിട്ടിരിക്കുന്നത്. ആക്ഷന്റെ പൊടിപൂരം ആണ് ട്രൈലറിൽ എന്ന് പറയാം. ട്രൈലറിൽ തന്നെ ഇത്രയും മാസ്സ് ആണെങ്കിൽ സിനിമയിൽ എന്തായിരിക്കും പൂരം എന്നാണ് ആരാധകർ ചോദിക്കുന്നത്. മമ്മൂട്ടിയുടെ മെഗാ മാസ്സ് ആക്ഷനും കിടിലൻ ഡയലോഗുകളും എല്ലാം നിറഞ്ഞ ഒരു പൊടിപാറുന്ന ട്രൈലെർ ആണ് ഇന്ന് എത്തിയിരിക്കുന്നത് എന്ന് ഓരോ മമ്മൂട്ടി ആരാധകനും ആവേശത്തോടെ പറയുന്നു. വരുന്ന ഏപ്രിൽ  പന്ത്രണ്ടിന് ആണ് മധുര രാജ റിലീസ് ചെയ്യാൻ പോകുന്നത്.

ഈ ചിത്രത്തിന്റെ ഗൾഫ് ലോഞ്ചിന്റെ ഭാഗമായി ആണ് ട്രൈലെർ റിലീസ് ചെയ്തിരിക്കുന്നത്. പുലി മുരുകൻ എന്ന ബ്രഹ്മാണ്ഡ ഹിറ്റ് ചിത്രത്തിന് ശേഷം വൈശാഖ് സംവിധാനം ചെയ്ത ഈ ചിത്രത്തിന് മേൽ അത്ര വലിയ പ്രതീക്ഷയാണ് ഉള്ളത്. കിടിലൻ ഗ്രാഫിക്സ് ആണ് ഈ ചിത്രത്തിൽ ഉപയോഗിച്ചിരിക്കുന്നത് എന്നാണ് റിപ്പോർട്ടുകൾ പറയുന്നത്. പീറ്റർ ഹെയ്‌ൻ സംഘട്ടന സംവിധാനം ഒരുക്കിയിരിക്കുന്ന ഈ ചിത്രത്തിന് തിരക്കഥ രചിച്ചത് ഉദയ കൃഷ്ണയും ഈ ചിത്രം നിർമ്മിച്ചിരിക്കുന്നത് നെൽസൺ ഐപ്പും ആണ്. ഉദയ കൃഷ്ണയുടെ യു കെ സ്റ്റുഡിയോസ് വിതരണം ചെയ്യുന്ന ഈ സിനിമയിൽ വമ്പൻ താരനിരയാണ് അണിനിരക്കുന്നത്. തമിഴ് നടൻ ജയ്, തെലുങ്കു നടൻ ജഗപതി ബാബു എന്നിവരും ഈ ചിത്രത്തിന്റെ താര നിരയിൽ ഉണ്ട്. ബോളിവുഡ് താര സുന്ദരി സണ്ണി ലിയോണിയുടെ ഐറ്റം ഡാൻസും ഈ ചിത്രത്തിൽ ഉണ്ടാകും.