കിടിലൻ ഡാൻസുമായി കുമ്പളങ്ങി നൈറ്റ്‌സ് നായിക ഗ്രേസ് ആന്റണി; വിഡിയോ കാണാം

മലയാള സിനിമയിൽ ചുരുങ്ങിയ കാലങ്ങൾ കൊണ്ട് ശ്രദ്ധേയമായ താരമാണ് ഗ്രേസ് ആന്റണി. ഒമർ ലുലു ചിത്രമായ ഹാപ്പി വെഡ്ഡിങ്ങിലൂടെയാണ് താരം മലയാള സിനിമയിൽ ഭാഗമാവുന്നത്. കുമ്പളങ്ങി നൈറ്റ്സ്, തമാശ, പ്രതി പൂവൻ കോഴി തുടങ്ങിയ ചിത്രങ്ങളിൽ താരം വളരെ മികച്ച പ്രകടനം കാഴ്ചവെച്ചിരുന്നു. ഒരുപാട് ചിത്രങ്ങൾ താരത്തിന് അണിയറയിൽ ഒരുങ്ങുന്നുണ്ട്. ഗ്രേസ് ആന്റണിയുടെ പുതിയ ഡാൻസ് കവറാണ് ഇപ്പോൾ സമൂഹ മാധ്യമങ്ങളിൽ ഏറെ ശ്രദ്ധ നേടുന്നത്. അഭിനേത്രി മാത്രമല്ല നല്ലൊരു നർത്തകി കൂടിയാണ് താനെന്ന് തെളിയിച്ചിരിക്കുകയാണ്.

ഫിഫ്ത് ഹാർമണിയുടെ വർത്ത ഇറ്റ് എന്ന ഗാനത്തിന്റെ കിടിലൻ കവർ വെർഷനാണ് ഗ്രെയ്സും ഷാഹിദ് താക്കുവും കൂടെ അവതരിപ്പിച്ചിരിക്കുന്നത്. വൺ മില്യൻ ഡാൻസ് സ്റ്റുഡിയോയും ദി കെ സ്ക്വാഡ് ഡാൻസ് സ്‌റ്റുഡിയോയും കൂടെ ചേർന്നാണ് കൊറിയോഗ്രഫി നിർവഹിച്ചിരിക്കുന്നത്. വേഗത നിറഞ്ഞ നൃത്ത ചുവടുകൾ വളരെ അനായാസമായാണ് ഗ്രേസ് ആന്റണി കൈകാര്യം ചെയ്തിരിക്കുന്നത്. ഗ്രേസ് ആന്റണിയുടെ യൂ ട്യൂബ് ചാനൽ വഴിയാണ് വിഡിയോ പുറത്തുവിട്ടിരിക്കുന്നത്. താരത്തിനെ പ്രശംസിച്ചു ഒരുപാട് പേർ രംഗത്ത് എത്തിയിരുന്നു. റംസാൻ മുഹമ്മദാണ് ക്യാമറയും എഡിറ്റിംഗ് വർക്കുകളും കൈകാര്യം ചെയ്തിരിക്കുന്നത്. പുതിയ ഡാൻസ് കവർ വിഡിയോ ഗ്രേസ് ആന്റണി ഇന്നലെ തന്റെ യൂ ട്യൂബ് ചാനലിൽ പുറത്തുവിടുകയുണ്ടായി. യമ്മി എന്ന ഗാനം ഉപയോഗിച്ച് ബെല്ലി ഡാൻസിന് വേണ്ടിയാണ് നൃത്ത ചുവടുകൾ വെച്ചിരിക്കുന്നത്. ലോക്ക് ഡൗൺ സമയത്ത് ഡാൻസിനാണ് താരം കൂടുതൽ പ്രാധാന്യം നൽകിയിരിക്കുന്നത്. സാജൻ ബേക്കറി, ഹലാൽ ലൗവ് സ്റ്റോറി എന്ന ചിത്രങ്ങളിൽ ഗ്രേസ് ആന്റണി പ്രധാന വേഷങ്ങൾ കൈകാര്യം ചെയ്യുന്നുണ്ട്.