മരക്കാരിനെ വരവേൽക്കാൻ ഒരുങ്ങി കേരളം; ആഘോഷങ്ങൾ തുടങ്ങി; വീഡിയോ കാണാം..!

മലയാളത്തിന്റെ മഹാനടൻ മോഹൻലാൽ നായകനായി എത്തുന്ന മരക്കാർ അറബിക്കടലിന്റെ സിംഹം എന്ന ചിത്രം ഡിസംബർ രണ്ടിന് വെളുപ്പിന് 12 മണി മുതൽ ലോകം മുഴുവൻ റിലീസ് ചെയ്യുകയാണ്. മലയാള സിനിമ കണ്ട ഈ ഏറ്റവും വലിയ ചിത്രത്തിന് മലയാള സിനിമയുടെ ചരിത്രത്തിലെ തന്നെ ഏറ്റവും വലിയ റിലീസും ഏറ്റവും വലിയ വരവേൽപ്പുമാണ് ലഭിക്കാൻ പോകുന്നത്. എണ്ണൂറിൽ അധികം ഫാൻസ്‌ ഷോയുമായി ഈ കേരളത്തിൽ ഈ ചിത്രത്തെ ആരാധകർ വരവേൽക്കുമ്പോൾ ഗൾഫിൽ അഞ്ഞൂറിൽ അധികം പ്രീമിയർ ഷോകളാണ് നടക്കുന്നത്. ആദ്യ ദിനം ആയിരത്തി അഞ്ഞൂറിലധികം ഷോകൾ ഗൾഫിൽ മാത്രം നടക്കുമ്പോൾ കേരളത്തിൽ മൂവായിരത്തോളം ഷോകളാണ് ഈ ചിത്രം ആദ്യ ദിവസം കളിക്കുക. ലോകം മുഴുവൻ അഞ്ചു ഭാഷകളിൽ ആയി നാലായിരത്തോളം സ്‌ക്രീനുകളിൽ എത്തുന്ന മരക്കാർ 12000 ത്തിനു മുളളിൽ ഷോകൾ ആദ്യ ദിവസം കളിക്കുമെന്നാണ് കണക്കുകൂട്ടൽ.

ഫാൻസ്‌ ഷോകളുടെ എണ്ണത്തിലും അഡ്വാൻസ് ബുക്കിങ്ങിലും മരക്കാർ ഇപ്പോൾ തന്നെ പുതിയ റെക്കോർഡുകൾ സൃഷ്ടിച്ചു കഴിഞ്ഞു. ഇപ്പോഴിതാ, മരക്കാരിനെ വരവേൽക്കാൻ കേരളത്തിലെ തീയേറ്ററുകൾ ഒരുങ്ങുന്ന വീഡിയോകൾ ആണ് സോഷ്യൽ മീഡിയയിൽ വൈറലായി മാറുന്നത്. കേരളത്തിലെ ഏറ്റവും പ്രശസ്തമായ തീയേറ്ററുകളിൽ ഒന്നായ തൃശൂർ രാഗത്തിൽ മരക്കാരിനു ലഭിക്കാൻ പോകുന്ന വരവേൽപ്പിന്റെ ഒരു സാമ്പിൾ വീഡിയോ ഇപ്പോൾ സൂപ്പർ ഹിറ്റാണ്. താരചക്രവർത്തിയെ വരവേൽക്കാൻ ആരാധകർ തീയേറ്റർ അണിയിച്ചൊരുക്കുന്നതും അതോടൊപ്പം അവർ ആഘോഷിക്കുന്നതുമാണ് വീഡിയോയിൽ കാണാൻ സാധിക്കുക. കേരളത്തിൽ അങ്ങോളം ഇങ്ങോളം ഇപ്പോൾ ഇതാണ് കാണുന്നത്. ടിക്കറ്റുകൾ ചൂടപ്പം പോലെയാണ് വിറ്റഴിയുന്നത്. പല സ്‌ക്രീനുകളിലും ഇപ്പോഴേ എക്ട്രാ ഷോകൾ ആഡ് ചെയ്യുകയാണ്. ആദ്യ ദിവസം കൂടാതെ രണ്ടാമത്തെയും മൂന്നാമത്തെയും ദിവസങ്ങളിൽ വരെ ഇപ്പോഴേ കൂടുതൽ ഷോകൾ ആഡ് ചെയ്തു കഴിഞ്ഞു. ഏതായാലും മലയാള സിനിമയുടെ ചരിത്രത്തിൽ മരക്കാർ എന്ന ചിത്രത്തിന്റെ റിലീസ് ദിവസം കുറിക്കപ്പെടുമെന്നതിൽ യാതൊരു സംശയവുമില്ല.