കണ്ണാടി കണ്ണാല: ഗ്ലാമറസ് നായികമാരുടെ നൃത്തവുമായി സണ്ണി ലിയോണി ചിത്രത്തിലെ പുത്തൻ ഗാനം

ബോളിവുഡ് താരസുന്ദരി സണ്ണി ലിയോണി പ്രധാന വേഷം ചെയ്യുന്ന തമിഴ് ചിത്രമാണ് ഓ മൈ ഗോസ്റ്റ്. ഒരു ഹൊറർ കോമഡി ചിത്രമായി ഒരുക്കിയ ഓ മൈ ഗോസ്റ്റിന്റെ ടീസർ നേരത്തെ പുറത്ത് വരികയും വലിയ ഹിറ്റാവുകയും ചെയ്തിരുന്നു. ഇത് കൂടാതെ ഈ ചിത്രത്തിലെ ദുമംഗ എന്ന വരികളോടെ തുടങ്ങുന്ന ആദ്യത്തെ ഗാനവും എത്തിയിരുന്നു. ഗാന സേട്ടു, ഗാന മാസ്സ് മണി എന്നിവർ ചേർന്നാലപിച്ച ഈ ഗാനത്തിന്റെ ഹൈലൈറ്റ് അസാധാരണമായ ഗ്ലാമർ പ്രദർശനവുമായി എത്തിയ സണ്ണി ലിയോണിയുടെ കിടിലൻ നൃത്തമായിരുന്നു. ഇപ്പോഴിതാ ഈ ചിത്രത്തിലെ കണ്ണാടി കണ്ണാല എന്ന ഗാനവും റിലീസ് ചെയ്തിരിക്കുകയാണ്. വൈക്കം വിജയലക്ഷ്മി, ആരതി എം എൻ അശ്വിൻ എന്നിവർ ആലപിച്ച ഈ ഗാനം രചിച്ചത് പാ വിജയ് ആണ്. ജാവേദ് റിയാസാണ് ഈ ചിത്രത്തിന് വേണ്ടി സംഗീത സംവിധാനം നിർവഹിച്ചിരിക്കുന്നത്. സ്റ്റൈലിഷ് തലൈവി എന്ന വിശേഷണത്തോടെയാണ് അണിയറ പ്രവർത്തകർ സണ്ണി ലിയോണിയെ ഈ ചിത്രത്തിൽ അവതരിപ്പിക്കുന്നത്.

സണ്ണി ലിയോണി ഉൾപ്പെടെയുള്ള ഗ്ലാമർ നായികമാരുടെ നൃത്തമാണ് ഇപ്പോൾ വന്ന ഗാനത്തിന്റെയും ഹൈലൈറ്റ്. കിടിലൻ ആക്ഷനും പഞ്ച് ഡയലോഗുകളും നിറഞ്ഞ ഈ ചിത്രത്തിന്റെ ടീസറിൽ അതീവ സുന്ദരിയായാണ് സണ്ണി ലിയോണി എത്തിയത്. സതീഷ്, യോഗി ബാബു, ദർശ ഗുപ്ത, രമേശ് തിലക്, രവി മാറിയ, മൊട്ട രാജേന്ദ്രൻ, തങ്കദുരൈ, കെ പി വൈ ബാല, ജി പി മുത്തു എന്നിവരും വേഷമിട്ടിരിക്കുന്ന ഈ ചിത്രം രചിച്ചു സംവിധാനം ചെയ്തിരിക്കുന്നത് ആർ യുവാനാണ്. ദീപക് ഡി മേനോൻ കാമറ ചലിപ്പിച്ച ഈ ചിത്രം എഡിറ്റ് ചെയ്തത് അരുൾ ഇ സിദ്ധാർഥാണ്. വി എ യു മീഡിയ എന്റെർറ്റൈന്മെന്റ്സ്, വൈറ്റ് ഹോഴ്സ് സ്റ്റുഡിയോസ് എന്നിവയുടെ ബാനറിൽ ഡി വീരശക്തി, കെ ശശികുമാർ എന്നിവർ ചേർന്നാണ് ഓ മൈ ഗോസ്റ്റ് നിർമ്മിച്ചിരിക്കുന്നത്.