ഇഴുകിച്ചേർന്നഭിനയിച്ച് അനു ഇമ്മാനുവൽ; യുവാക്കൾക്ക് ഹരമാകാൻ ഉർവശിവോ രാക്ഷസിവോയിലെ പുത്തൻ ഗാനം: വീഡിയോ ഇതാ

മലയാളി താരം അനു ഇമ്മാനുവൽ നായികാ വേഷത്തിലെത്തുന്ന ഏറ്റവും പുതിയ തെലുങ്ക് ചിത്രമായ ഉർവശിവോ രാക്ഷസിവോയുടെ ടീസർ നേരത്തെ റിലീസ് ചെയ്യുകയും മികച്ച പ്രേക്ഷക ശ്രദ്ധ നേടുകയും ചെയ്തിരുന്നു. തെലുങ്ക് സൂപ്പർ താരം അല്ലു അർജുന്റെ അനുജനും പ്രശസ്ത നായക താരവുമായ അല്ലു സിരിഷ് നായകനായി എത്തുന്ന ഈ ചിത്രം, ഒരു റൊമാന്റിക് കോമഡിയായാണ് ഒരുക്കിയിരിക്കുന്നതെന്ന സൂചനയാണ് ടീസർ നമുക്ക് തന്നത്. ഈ ടീസറിലെ അനു ഇമ്മാനുവലിന്റെ ചുംബന രംഗം വൈറലായി മാറിയിരുന്നു. ഇപ്പോഴിതാ അനു ഇമ്മാനുവലും നായകൻ അല്ലു സിരീഷും ഇഴുകിച്ചേർന്നഭനയിച്ച ഇതിലെ ഒരു ഗാനം റിലീസ് ചെയ്തിരിക്കുകയാണ്. ആദിത്യ മ്യൂസികിൻറ്‍റെ യൂട്യൂബ് ചാനലിലാണ് ഈ ഗാനം റിലീസ് ചെയ്തിരിക്കുന്നത്.അനു ഇമ്മാനുവൽ ഏറെ ഗ്ലാമറസായാണ് ഈ ഗാനത്തിൽ പ്രത്യക്ഷപ്പെടുന്നത്. കാലിസുന്റെ എന്ന വരികളോടെ ആരംഭിക്കുന്ന ഈ ഗാനം രചിച്ചത് കൃഷ്ണകാന്തും പാടിയിരിക്കുന്നത് അർമാൻ മാലിക്കുമാണ്.

അച്ചു രാജാമണി, അനുപ് റൂബെൻസ് എന്നിവർ സംഗീതമൊരുക്കിയ ഈ ചിത്രം എഡിറ്റ് ചെയ്തത് കാർത്തിക ശ്രീനിവാസ് ആർ, ഇതിനു ക്യാമറ ചലിപ്പിച്ചത് തൻവീർ മിർ എന്നിവരാണ്. രാകേഷ് സഷി സംവിധാനം ചെയ്തിരിക്കുന്ന ഈ ചിത്രം നിർമ്മിച്ചിരിക്കുന്നത് ധീരജ് മോഗിളിനേനി, വിജയ് എം എന്നിവർ ചേർന്നാണ്. സുനിൽ വെണ്ണല കിഷോർ, അമാനി, കേദാർ ശങ്കർ എന്നിവരും അഭിനയിച്ച ഈ ചിത്രം രചിച്ചതും സംവിധായകനാണ്. അല്ലു അരവിന്ദാണ് ഉർവശിവോ രാക്ഷസിവോ അവതരിപ്പിക്കുന്നത്. സ്വപ്ന സഞ്ചാരി എന്ന ജയറാം ചിത്രത്തിൽ ബാലതാരമായി അഭിനയിച്ചു കൊണ്ട് അരങ്ങേറ്റം കുറിച്ച അനു ഇമ്മാനുവൽ പിന്നീട് ആക്ഷൻ ഹീറോ ബിജു എന്ന നിവിൻ പോളി ചിത്രത്തിലൂടെ നായികയായി മാറി. അതിനു ശേഷം തമിഴ്, തെലുങ്ക് ചിത്രങ്ങളിലാണ് അനു കൂടുതലും അഭിനയിച്ചത്.