ബോളിവുഡിലെ പ്രശസ്ത നായികാ താരങ്ങളിൽ ഒരാളാണ് ജാൻവി കപൂർ. അഭിനയ മികവ് കൊണ്ടും സൗന്ദര്യം കൊണ്ടും ഏറെ ആരാധകരെ നേടിയ ഈ നടി, ദേശീയ അവാർഡ് ജേതാവും ഒരുകാലത്തെ ഇന്ത്യൻ സിനിമയിലെ ലേഡി സൂപ്പർ സ്റ്റാറും ആയിരുന്ന, അന്തരിച്ചു പോയ ശ്രീദേവിയുടെയും പ്രശസ്ത നിർമ്മാതാവ് ബോണി കപൂറിന്റെയും മകൾ ആണ്. ഇപ്പോഴിതാ ജാൻവി ക്രിക്കറ്റ് പരിശീലിക്കുന്ന ഒരു വീഡിയോയാണ് സോഷ്യൽ മീഡിയയിൽ വൈറലായി മാറുന്നത്. മിസ്റ്റർ ആൻഡ് മിസ്സിസ് മഹി എന്ന തന്റെ പുതിയ ചിത്രത്തിന് വേണ്ടിയാണു ജാൻവി ക്രിക്കറ്റ് പരിശീലിക്കുന്നത്. ഇതിനു വേണ്ടി നെറ്റ്സിൽ ജാൻവി പ്രാക്ടീസ് ചെയ്യുമ്പോൾ ആരോ എടുത്ത വീഡിയോ ഇപ്പോൾ വലിയ ശ്രദ്ധയാണ് നേടുന്നത്. കാരണം, ബോൾ വരുമ്പോൾ പ്രൊഫഷണൽ ക്രിക്കറ്റ് താരങ്ങളെ പോലെ മികച്ച പാദചലനങ്ങളോടെ ക്രീസിനു പുറത്തിറങ്ങി കവറിലേക്കു മനോഹരമായി ബോൾ ഡ്രൈവ് ചെയ്തു വിടുന്ന ജാൻവിയെ ആണ് നമ്മുക്ക് വീഡിയോയിൽ കാണാൻ സാധിക്കുന്നത്.
സോഷ്യൽ മീഡിയയിൽ ഏറെ സജീവമായ ഈ നടിയുടെ ഗ്ലാമർ ചിത്രങ്ങളും വീഡിയോകളും എപ്പോഴും ശ്രദ്ധ നേടാറുണ്ട്. രാജ്കുമാർ റാവു, കുമുദ് മിശ്ര എന്നിവരും പ്രധാന വേഷം ചെയ്യുന്ന മിസ്റ്റർ ആൻഡ് മിസ്സിസ് മഹി എന്ന ചിത്രം സംവിധാനം ചെയ്യുന്നത് ശരൺ ശർമയാണ്. നിഖിൽ മൽഹോത്രയും ശരൺ ശർമയും ചേർന്നാണ് ഈ ചത്രം രചിച്ചിരിക്കുന്നത്. മുൻ ഇന്ത്യൻ ക്രിക്കറ്റ് താരവും ലോകക്കപ്പ് ജേതാവുമായ ക്യാപ്റ്റൻ മഹേന്ദ്ര സിങ് ധോണിയുടെ ജീവിതവുമായി ബന്ധപ്പെട്ടാണ് ഈ ചിത്രം കഥ പറയുന്നതെന്ന് സൂചനയുണ്ട്. നാല് വർഷം മുൻപ് പുറത്തു വന്ന ദഡക് എന്ന ചിത്രത്തിലൂടെ ബോളിവുഡിൽ അരങ്ങേറ്റം കുറിച്ച ജാൻവി കപൂർ, പിന്നീട് ഗോസ്റ്റ് സ്റ്റോറീസ്, അംഗരേസി മീഡിയം, ഗുജ്ജൻ സക്സേന, റൂഹി എന്നീ ചിത്രങ്ങളിലൂടെ പ്രേക്ഷകരുടെ ശ്രദ്ധ നേടിയെടുത്തു.
ദേശീയ പുരസ്കാര ജേതാവായ സംവിധായകൻ സജിൻ ബാബുവിന്റെ പുതിയ ചിത്രം, 'തീയേറ്റർ: ദ മിത്ത് ഓഫ് റിയാലിറ്റി' റഷ്യയിലെ കാസാനിൽ…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ പുറത്ത്.…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ നാളെ…
കേരള - തമിഴ്നാട് അതിർത്തിയിലെ വേലംപാളയം എന്ന സ്ഥലത്തെ എന്തിനും ഏതിനും പോന്ന നാല് കൂട്ടുകാരുടെ കഥയുമായി തിയേറ്ററുകള് കീഴടക്കാൻ…
ഇന്ത്യൻ സിനിമയിലെ പരമോന്നത ബഹുമതിയായ ദാദാസാഹേബ് ഫാൽക്കെ പുരസ്കാരം മോഹൻലാലിന്. ഇന്ത്യൻ സിനിമയുടെ പിതാവായി കണക്കാക്കപ്പെടുന്ന ധുന്ദിരാജ് ഗോവിന്ദ് ഫാൽക്കെയുടെ…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ഓഡിയോ/മ്യൂസിക് അവകാശം…
This website uses cookies.