കത്രീന കൈഫിന്റെ ഗ്ലാമർ പ്രദർശനവുമായി സൂര്യവംശിയിലെ ഗാനം സൂപ്പർ ഹിറ്റ്; വീഡിയോ കാണാം..!

ബോളിവുഡ് സൂപ്പർ താരം അക്ഷയ് കുമാർ നായകനായി എത്തിയ പുതിയ ചിത്രമാണ് സൂര്യവംശി. രോഹിത് ഷെട്ടി ഒരുക്കിയ ഈ ചിത്രത്തിന് ഗംഭീര പ്രേക്ഷക പ്രതികരണമാണ് ലഭിക്കുന്നത്. ബ്ലോക്ക്ബസ്റ്റർ വിജയത്തിലേക്ക് കുതിക്കുന്ന ഈ ചിത്രത്തിൽ രൺവീർ സിംഗ്, അജയ് ദേവ്ഗൺ എന്നിവരും അതിഥി വേഷത്തിൽ എത്തുന്നുണ്ട്. മൂന്നു പേരും പോലീസ് വേഷത്തിൽ എത്തുന്ന ഈ ചിത്രത്തിൽ രോഹിത് ഷെട്ടി തന്നെ ഒരുക്കിയ സിംബ എന്ന ചിത്രത്തിലെ നായക കഥാപാത്രമായി രൺവീർ എത്തുമ്പോൾ, അദ്ദേഹത്തിന്റെ തന്നെ സിംഗം എന്ന ചിത്രത്തിലെ നായക കഥാപാത്രമായി ആണ് അജയ് ദേവ്‌ഗൺ എത്തുന്നത്. കത്രീന കൈഫ് ആണ് സൂര്യവംശിയിലെ നായികാ വേഷം ചെയ്തിരിക്കുന്നത്. അക്ഷയ് കുമാർ കഥാപാത്രത്തിന്റെ ഭാര്യ ആയാണ് കത്രീന ഈ ചിത്രത്തിൽ അഭിനയിച്ചിരിക്കുന്നത്. ഇപ്പോഴിതാ ഈ ചിത്രത്തിലെ ഒരു ഗാനം സോഷ്യൽ മീഡിയയിൽ തരംഗമായി മാറുകയാണ്.

ടിപ്പ് ടിപ്പ് ബര്സ പാനി എന്ന ഗാനമാണ് തരംഗമാകുന്നതു. കത്രീന കൈഫിന്റെ മേനി പ്രദർശനമാണ് ഈ ഗാനത്തിന്റെ ഹൈലൈറ്റുകളിൽ ഒന്ന് എന്ന് തന്നെ പറയേണ്ടി വരും. അത്ര ഗ്ലാമറസ് ആയാണ് കത്രീന ഈ ഗാനത്തിൽ പ്രത്യക്ഷപ്പെട്ടിരിക്കുന്നത്. ഇതിലെ കത്രിനയുടെ നൃത്തവും ഏറെ പ്രശംസ പിടിച്ചു പറ്റുന്നുണ്ട്. ഉദിത് നാരായൺ, അൽക്ക യാഗ്നിക് എന്നിവർ ചേർന്ന് ആലപിച്ച ഈ സൂപ്പർ ഹിറ്റ് ഗാനത്തിന് ഈണം പകർന്നത് വിജു ഷാ ആണ്. ആനന്ദ് ബക്ഷി, തനിഷ്‌ക് ബാഗ്ചി എന്നിവർ ചേർന്നാണ് ഈ ഗാനത്തിന്റെ വരികൾ എഴുതിയിരിക്കുന്നത്. അക്ഷയ് കുമാർ തന്നെ നായകനായ സൂപ്പർ ഹിറ്റ് ചിത്രമായ മൊഹ്‌റയിലെ ഗാനത്തിന്റെ റീമിക്സ് ആണ് ഈ ഗാനം. അന്ന് ഈ ഗാനത്തിൽ അഭിനയിച്ചത് അക്ഷയ് കുമാറും രവീണ ടണ്ടനും ആണ്.