പ്രതീക്ഷകൾ വാനോളമാക്കി വിജയ സൂപ്പറും പൗർണ്ണമിയും ട്രൈലെർ..!!

പ്രേക്ഷകർ ഏറെ കാത്തിരിക്കുന്ന ആസിഫ് അലി ചിത്രമായ വിജയ് സൂപ്പറും പൗർണ്ണമിയും എന്ന ചിത്രത്തിന്റെ ട്രൈലെർ ഇന്ന് റിലീസ് ചെയ്തു. വളരെ രസകരമായ ഈ ട്രൈലെർ ഇപ്പോൾ ചിത്രത്തെ കുറിച്ചുള്ള പ്രേക്ഷക പ്രതീക്ഷകൾ വാനോളമാക്കിയിരിക്കുകയാണ്. എല്ലാത്തരം പ്രേക്ഷകരെയും രസിപ്പിക്കുന്ന ഒരു പക്കാ ഫാമിലി കോമഡി ഫീൽ ഗുഡ് എന്റെർറ്റൈനെർ ആയിരിക്കും ഈ ചിത്രം എന്ന സൂചനയാണ് ട്രൈലെർ നമ്മുക്ക് തരുന്നത്. സോഷ്യൽ മീഡിയയിലും വമ്പൻ സ്വീകരണമാണ് ഈ ട്രെയിലറിന് ഇപ്പോൾ ലഭിക്കുന്നത്. റിലീസ് ചെയ്ത നിമിഷം മുതൽ സോഷ്യൽ മീഡിയ പ്ലാറ്റ്‌ഫോമുകളിൽ ഈ ട്രൈലെർ തരംഗമായി മാറിയിരിക്കുകയാണ്. ജിസ് ജോയ് സംവിധാനം ചെയ്ത ഈ ചിത്രം അദ്ദേഹത്തിന്റെ മൂന്നാമത്തെ ചിത്രമാണ്.

ഇതിനു മുൻപ് അദ്ദേഹം ഒരുക്കിയ രണ്ട് ചിത്രങ്ങളും സൂപ്പർ ഹിറ്റായിരുന്നു എന്ന് മാത്രമല്ല, ആ രണ്ടു ചിത്രങ്ങളിലും ആസിഫ് അലി തന്നെയായിരുന്നു നായകൻ ആയി അഭിനയിച്ചത്. ന്യൂ സൂര്യ ഫിലിമ്സിന്റെ ബാനറിൽ എ കെ സുനിൽ നിർമ്മിച്ച ഈ ചിത്രത്തിൽ ഐശ്വര്യ ലക്ഷ്മി ആണ് നായികാ വേഷത്തിൽ എത്തിയിരിക്കുന്നത്. ആസിഫ് അലി, ഐശ്വര്യ ലക്ഷ്മി എന്നിവരെ കൂടാതെ ബാലു വർഗീസ്, ജോസഫ് അന്നംക്കുട്ടി , രഞ്ജി പണിക്കർ, സിദ്ദിഖ് , അജു വർഗീസ്, അലെൻസിയർ, ശാന്തി കൃഷ്ണ എന്നിവരും ഈ ചിത്രത്തിന്റെ താര നിരയുടെ ഭാഗമാണ്. പ്രിൻസ് ജോർജ് ഗാനങ്ങൾ ഒരുക്കിയ ഈ ചിത്രത്തിന്റെ പശ്ചാത്തല സംഗീതം ഒരുക്കിയത് ടീം ഫോർ മ്യൂസിക്സ് ആണ്. റെനഡിവേ ദൃശ്യങ്ങൾ സമ്മാനിച്ചിരിക്കുന്ന വിജയ് സൂപ്പറും പൗർണ്ണമിയും എഡിറ്റ് ചെയ്തിരിക്കുന്നത് രതീഷ് രാജ് ആണ്.