ചിരിയും ഗ്ലാമർ പ്രദർശനവും നിറച്ചു 3 റോസെസ് ടീസർ; വീഡിയോ കാണാം..!

തെലുങ്കിലെ ഒ.ടി.ടി പ്ലാറ്റ്‌ഫോമായ ആഹായുടെ വേർഷൻ 2.0 ലോഞ്ച് ചടങ്ങ് നടന്നത് കഴിഞ്ഞ ദിവസമാണ്. അല്ലു അർജുന്റെ അച്ഛൻ അല്ലു അരവിന്ദിന്റെ ഉടമസ്ഥതയിൽ ഉള്ള ഈ ഒറ്റിറ്റി പ്ലാറ്റ്‌ഫോമിൽ തെലുങ്ക് സിനിമകൾ ആണ് കൂടുതൽ ആയി റിലീസ് ചെയ്യുന്നത്. ഒപ്പം തെലുങ്കു വെബ് സീരീസുകളും ഇതിലാണ് വരാറുള്ളത്. എല്ലാ വെള്ളിയാഴ്ചകളിലും ഇനി മുതൽ സിനിമകളോ വെബ് സീരീസുകളോ ഈ പ്ലാറ്റ്‌ഫോമിലൂടെ റിലീസ് ചെയുമെന്നാണ് അല്ലു അരവിന്ദ് ഇപ്പോൾ പ്രഖ്യാപിച്ചിരിക്കുന്നത്. അതിന്റെ ഭാഗമായി ഈ വരുന്ന നവംബർ പന്ത്രണ്ടിന് ഇതിലൂടെ പുറത്തു വരാൻ പോകുന്ന ചിത്രമാണ് ത്രീ റോസസ്. ആഹാ 2.0 യുടെ ആദ്യ റിലീസായി ഷംന കാസിം പ്രധാന വേഷത്തിലെത്തുന്ന ഈ ചിത്രം തിരഞ്ഞെടുക്കപ്പെട്ടു. ഇതിന്റെ ലോഞ്ച് ചടങ്ങിൽ അല്ലു അർജുൻ ഉൾപ്പെടെ നിരവധി താരങ്ങൾ ആണ് പങ്കെടുത്തത്. ഇപ്പോൾ ഈ ചിത്രത്തിന്റെ ടീസർ പുറത്തു വിട്ടിരിക്കുകയാണ് അണിയറ പ്രവർത്തകർ.

ഒട്ടേറെ നർമ്മ മുഹൂർത്തങ്ങളും അതിനൊപ്പം ഗ്ലാമർ പ്രദർശനവും നിറഞ്ഞ ഒരു ചിത്രമായിരിക്കും ഇതെന്ന സൂചനയാണ് ടീസർ നൽകുന്നത്. ഹോട്ട് ലുക്കിൽ ആണ് ഷംന കാസിം ഈ ചിത്രത്തിൽ പ്രത്യക്ഷപ്പെട്ടിരിക്കുന്നത്. മൂന്ന് പെൺകുട്ടികളുടെ ജീവിതത്തിൽ നടക്കുന്ന കഥ പറയുന്ന ഈ ചിത്രത്തിൽ ഷംന കാസിമിന് ഒപ്പം തന്നെ ഈഷ റബ്ബ, പായൽ രാജ്‌പുത് തുടങ്ങിയ നടിമാരും പ്രധാന വേഷങ്ങൾ ചെയ്യുന്നുണ്ട്. ഇന്ദു, ജാൻവി, ഋതു എന്നീ മൂന്ന് പെൺകുട്ടികളുടെ ജീവിതത്തിൽ നടക്കുന്ന സംഭവങ്ങളാണ് ഈ ചിത്രം നമ്മുടെ മുന്നിൽ എത്തിക്കുക. രവി നമ്പുരിയുടെ തിരക്കഥയിൽ മാഗ്ഗി സംവിധാനം ചെയ്തിരിക്കുന്ന ഈ ചിത്രം എസ്.കെ.എൻ ആണ് നിർമ്മിച്ചിരിക്കുന്നത്.