ഞാനും ഒരു ഫാൻ ആണ് മമ്മൂക്കയുടേയും ലാലേട്ടന്റെയും അമിതാഭ് ബച്ചന്റേയും; ഗംഭീര ഗംഭീര ട്രയ്ലറുമായി പൃഥ്വിരാജിന്റെ ഡ്രൈവിംഗ് ലൈസൻസ്

പ്രശസ്ത സംവിധായകൻ ആയ ജീൻ പോൾ ലാൽ സംവിധാനം ചെയ്ത പുതിയ ചിത്രമാണ് ഡ്രൈവിംഗ് ലൈസൻസ്. യുവ സൂപ്പർ താരം പൃഥ്വിരാജ് സുകുമാരൻ, സുരാജ് വെഞ്ഞാറമൂട് എന്നിവർ കേന്ദ്ര കഥാപാത്രങ്ങൾ ആയി എത്തുന്ന ഈ ചിത്രം രചിച്ചിരിക്കുന്നത് പ്രശസ്ത രചയിതാവും സംവിധായകനും ആയ സച്ചിയും നിർമ്മിച്ചിരിക്കുന്നത് പൃഥ്വിരാജ് പ്രൊഡക്ഷൻസ്, മാജിക് ഫ്രെയിംസ് എന്നിവയുടെ ബാനറിൽ പൃഥ്വിരാജ് സുകുമാരൻ, ലിസ്റ്റിൻ സ്റ്റീഫൻ എന്നിവരും ചേർന്നാണ്. ഇന്നലെ വൈകുന്നേരം അഞ്ച് മണിക്ക് ഈ ചിത്രത്തിന്റെ ട്രയ്ലർ റിലീസ് ചെയ്തു കഴിഞ്ഞു. ആരാധകർക്കും സിനിമാ പ്രേമികൾക്കും ഒരുപോലെ ഇഷ്ടപ്പെടുന്നതും ആവേശവുമാവുന്നതുമായ ഒരു ചിത്രവുമായിരിക്കും ഡ്രൈവിംഗ് ലൈസൻസ് എന്ന സൂചനയാണ് ഇന്നലെ വന്ന ഗംഭീര ട്രയ്ലർ നമ്മുക്ക് നല്കുന്നത്.

ഈ ചിത്രത്തിന്റെ ടീസർ, ഒരു വീഡിയോ സോങ് എന്നിവ ഇപ്പോഴേ ഹിറ്റായി കഴിഞ്ഞു. ക്രിസ്മസ് റിലീസ് ആയി തീയേറ്ററുകളിൽ എത്തുന്ന ഈ ചിത്രത്തിൽ ഹരീന്ദ്രൻ എന്ന സൂപ്പർ സ്റ്റാർ ആയാണ് പൃഥ്വിരാജ് സുകുമാരൻ എത്തുന്നത് എങ്കിൽ അദ്ദേഹത്തിന്റെ കടുത്ത ആരാധകൻ ആയ വെഹിക്കിൾ ഇൻസ്‌പെക്ടർ ആയ കുരുവിള എന്ന കഥാപാത്രം ആയാണ് സുരാജ് വെഞ്ഞാറമൂടു അഭിനയിക്കുന്നത്. പ്രശസ്ത നടി മിയ സുരാജിന്റെ ഭാര്യാ വേഷത്തിൽ എത്തുമ്പോൾ ഇവർക്കൊപ്പം ഒരു വലിയ താരനിര തന്നെ ഈ ചിത്രത്തിൽ അണിനിരക്കുന്നുണ്ട്. ഇപ്പോൾ ബ്ലെസിയുടെ ആട് ജീവിതത്തിൽ അഭിനയിക്കാൻ ആയി ബ്രേക്ക് എടുത്തിട്ടുള്ള പൃഥ്വിരാജ് നായകനാവുന്ന അയ്യപ്പനും കോശിയും എന്ന ചിത്രം അടുത്ത മാസം റിലീസ് ചെയ്യും എന്നാണ് റിപ്പോർട്ടുകൾ പറയുന്നത്. സച്ചി ആണ് ഈ ചിത്രം സംവിധാനം ചെയ്തിരിക്കുന്നത്.