സൂപ്പർ താരം മോഹൻലാലിനെ നായകനാക്കി ജീത്തു ജോസെഫ് രചിച്ചു സംവിധാനം ചെയ്ത ദൃശ്യം 2 എന്ന ചിത്രത്തിന്റെ ട്രൈലെർ ഇന്ന് അപ്രതീക്ഷിതമായി റിലീസ് ചെയ്തു. ഫെബ്രുവരി എട്ടിന് ഉച്ചക്ക് ഒരു മണിക്ക് ഒഫീഷ്യൽ ആയി ട്രൈലെർ റിലീസ് ചെയുമെന്നാണ് ആമസോൺ പ്രൈം പ്രഖ്യാപിച്ചിരുന്നത് എങ്കിലും ഇന്ന് ഉച്ചയോടെ അവർ ട്രൈലെർ പ്രീമിയർ തുടങ്ങിയപ്പോൾ സാങ്കേതികപരമായ തെറ്റുകൾ കൊണ്ട് ട്രൈലെർ ലീക്ക് ആവുകയായിരുന്നു. അതോടെ സോഷ്യൽ മീഡിയ മുഴുവൻ ട്രൈലെർ വീഡിയോ പരക്കുകയും അതിനെ തുടർന്ന് ഇന്ന് തന്നെ ആമസോൺ പ്രൈം ഒഫിഷ്യൽ ആയി ട്രൈലെർ റിലീസ് ചെയ്യുകയുമായിരുന്നു. ഏതായാലും സർപ്രൈസ് ആയി എത്തിയ ഈ ട്രെയിലറിന് ഗംഭീര പ്രേക്ഷക പ്രതികരണമാണ് ഇപ്പോൾ ലഭിച്ചു കൊണ്ടിരിക്കുന്നത്. ട്രെയ്ലറിൽ കാണിക്കുന്ന രംഗങ്ങളിലെ മോഹൻലാലിന്റെ പ്രകടനത്തിന് പ്രേക്ഷകരിൽ നിന്നും വലിയ പ്രശംസ ലഭിക്കുന്നുമുണ്ട്. മോഹൻലാൽ എന്ന നടനേയും താരത്തെയും സ്നേഹിക്കുന്നവർക്കെല്ലാം ദൃശ്യം 2 ഒരു വിരുന്നാകും എന്ന സൂചനയാണ് ട്രൈലെർ നൽകുന്നത്.
മലയാള സിനിമ ചരിത്രത്തിലെ നാഴികക്കല്ലായ ദൃശ്യത്തിന്റെ രണ്ടാം ഭാഗം എന്ന നിലയിൽ വലിയ പ്രതീക്ഷയോടെയാണ് ഈ ചിത്രം പ്രേക്ഷകർ കാത്തിരിക്കുന്നത്. ഇന്ത്യൻ മുഴുവനുമുള്ള പ്രേക്ഷകർ കാത്തിരിക്കുന്ന ചിത്രം കൂടിയാണ് ദൃശ്യം 2 . ഫെബ്രുവരി 19 നു ഈ ചിത്രം ആമസോൺ പ്രൈം റിലീസ് ആയി എത്തുമെന്നാണ് അവർ പ്രഖ്യാപിച്ചിരിക്കുന്നത്. മീന, എസ്തർ അനിൽ, അൻസിബ, മുരളി ഗോപി, സായി കുമാർ, ഗണേഷ് കുമാർ എന്നിവരും അഭിനയിച്ചിരിക്കുന്ന ഈ ചിത്രം നിർമ്മിച്ചിരിക്കുന്നത് ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ ആണ്. 22 കോടിയോളമാണ് ഈ ചിത്രത്തിനായി ആമസോൺ പ്രൈം നൽകിയ ഡിജിറ്റൽ റൈറ്റ്സ് എന്നും റിപ്പോർട്ടുകൾ പറയുന്നു.
ധ്യാൻ ശ്രീനിവാസൻ, സണ്ണി വെയ്ൻ, അജു വർഗീസ്, നിരഞ്ജ് മണിയൻപിള്ള രാജു എന്നിവർ പ്രധാന കഥാപാത്രങ്ങളായെത്തുന്ന 'ത്രയം' ഒക്ടോബര് 25-ന്…
സൗബിൻ ഷാഹിർ, ബേസിൽ ജോസഫ്, ചെമ്പൻ വിനോദ് എന്നിവരെ പ്രധാന കഥാപാത്രങ്ങളാക്കി നവാഗതനായ ശ്രീരാജ് ശ്രീനിവാസൻ സംവിധാനം ചെയ്യുന്ന 'പ്രാവിൻ…
മലയാളത്തിന്റെ യുവസൂപ്പർതാരം ദുൽഖർ സൽമാൻ നായകനായി എത്തുന്ന ഏറ്റവും പുതിയ ചിത്രമായ ലക്കി ഭാസ്കർ ഒക്ടോബർ മുപ്പത്തിയൊന്നിന് ആഗോള റിലീസായി…
ഇന്റർനെറ്റ് മൂവി ഡാറ്റ ബേസ് എന്ന ലോകത്തെ ഏറ്റവും വലിയ മൂവി ഡാറ്റ ബേസ് ഇന്ത്യന് സിനിമയില് ഏറ്റവും മികച്ച…
വ്യത്യസ്ത രൂപത്തിലും ഭാവത്തിലുമുള്ള കഥാപാത്രങ്ങൾ കൊണ്ട് ഇപ്പോൾ തന്റെ കരിയറിലെ ഒരു ഗംഭീരമായ ഘട്ടത്തിലൂടെ കടന്നു പോവുകയാണ് നടൻ ജഗദീഷ്.…
യുവതാരം ആന്റണി വര്ഗീസ് പെപ്പെ നായകനായി എത്തുന്ന ഏറ്റവും പുതിയ ചിത്രം ദാവീദിന്റെ ഫസ്റ്റ് ലുക്ക് പുറത്ത്. ആന്റണി വർഗീസിന്റെ…
This website uses cookies.